be

Pavarësisht se e ka dënuar ndërhyrjen ushtarake ruse në Ukrainë dhe i ka vendosur sanksione Rusisë, Perëndimi vijon të mbështesë financiarisht më shumë Moskën sesa Kievin. BE-ja i ka dhënë 35 miliardë euro Vladimir Putinit për furnizime me energji që nga fillimi i luftës së tij dhe 1 miliardë euro për të financuar mbrojtjen e Ukrainës, tha kryediplomati i BE-së, Joseph Borrell.

Komisioni Europian priti rezultatet e zgjedhjeve në Hungari për ta njoftuar për shkurtimin e fondeve. Presidentja e KE, Ursula von der Leyen, njoftoi sot se shumë shpejt do të hyjë në fuqi një mekanizëm i ri që do të ndëshkojë Hungarinë me shkurtim të fondeve, për gërryerjen e standardeve të sundimit të ligjeve europiane, raporton Politico.eu.

Edhe pse kanë qenë shpesh në skaje të kundërta për një sërë çështjesh, Holanda dhe Spanja janë bërë bashkë për të kërkuar rishikim të rregullave fiskale të BE-së. Të dy vendet kërkojnë konsensus në të gjithë BE-në lidhur me debatin e "Veriut kursimtar kundrejt Jugut luksoz".

Aleksander Vuçiç ka fituar mandatin e katërt në Serbi. Pusheti i tij nuk është i pasfidueshëm, por aktualisht ngjan i pakonkurueshëm.

Viktor Orban ka fituar sërish në Hungari. Ose doli parti e parë me një diferencë të vogël në ulje nga mandati paraardhës.

Lukashenko qëndron në Bjellorusi, Edi Rama në Shqipëri dhe në Poloni zhvillohet një ferment politik që nuk ka të bëjë shumë me standardet demokratike të BE-së.

Ministria e Jashtme ruse thotë se nuk ka ndërmend t'i kërkojë BE-së heqjen e sanksioneve të vendosura ndaj Rusisë, pasi ka furnizime dhe alternativa të mjaftueshme.

"Bashkimi Evropian nuk është qendra e universit”, tha Nikolay Kobrinets, drejtor i Departamentit për Bashkëpunim Evropian të Ministrisë së Punëve të Jashtme ruse, të cilit i referohet Reuters.

Bashkimi Evropian ka miratuar një sërë rregullash të reja që kanë për qëllim eliminimin e abuzimit nga disa prej firmave më të mëdha të teknologjisë në botë.

Me Aktin e Tregjeve Dixhitale, një marrëveshje e ndërmjetësuar të enjten në mbrëmje, zyrtarë nga Parlamenti, Këshilli dhe Komisioni i BE-së u dhanë fund 15 muajve negociata intensive mbi një rregullore të re për gjigantët e teknologjisë së madhe që operojnë në tregun evropian.

Ministrat e Jashtëm të BE-së kanë arritur një marrëveshje politike për të asistuar Ukrainën me 500 milionë euro të tjera armë dhe pajisje ushtarake.

Kryediplomati i bllokut, Josep Borrell, riafirmoi unitetin e bllokut kundër Rusisë, duke u zotuar të vazhdojë të gjitha llojet e mbështetjes për vendin e goditur, duke përfshirë mbështetjen financiare, humanitare dhe ushtarake.

BE është e lëkundur në lidhje me sanksionet ndaj Rusisë në fushën e energjisë. Ndërkohë që konflikti në Ukrainë përshkallëzohet, një pjesë e vendeve kërkojnë shtimin e sanksioneve. BE dhe aleatët kanë vendosur tashmë një mori masash kundër Rusisë, duke përfshirë ngrirjen e aseteve të bankës së saj qendrore.

Europa bëhet gati për rrezikun potencial bërthamor. Bashkimi Evropian ka përshpejtuar planet për të "përmirësuar përgjigjen e vendeve ndaj një incidenti të mundshëm bërthamor", duke inkurajuar vendet anëtare që të rrisin rezervat e pilulave të jodit, kostumeve mbrojtëse dhe ilaçeve të tjera. Ndërkohë, paralelisht po punohet për plane që adresojnë pasojat e mundshme të sulmeve kimike dhe biologjike.

Ministrat e Financave të vendeve anëtare të BE nuk arritën dot unanimitetin mbi direktivën e BE për një taksë globale për korporatat e mëdha.

Taksa minimale globale është një nga dy shtyllat që përbëjnë një marrëveshje të madhe tatimore ndërkombëtare për të cilën u ra dakord në tetor 2021 nga më shumë se 130 vende, për të penguar konkurrencën ndërkombëtare tatimore.