Slideri Kryesor

Është shfaqur në një intervistë për emisionin “Arnautistan”, historiani Apollon Bace. Intervista është postuar me titullin: Epiri, pjesa më e lavdishme e historisë sonë. Që këtu, do të duhej që të mos vazhdohej më tej, por është kurioz fakti sesi një pjesë e akademisë së Shqipërisë konservon pikëpamje të vetat që u artikuluan dikur për qëllime politike. Edhe ashtu, me kujdes. 

Gjërat po ndryshojnë me shpejtësi duke reflektuar dobësinë e madhe të Perëndimit. Bllokada monolite ndaj Rusisë ka nisur të kriset edhe në një seksion simbolik por të rëndësishëm si sporti. Kështu, Federata Ndërkombëtare e Gjimnastikës u ka dhënë status neutral 43 atletëve rusë, një vendim që është aplikuar edhe për 30 atletë bjellorusë.

Vendimi pason një të ngjashëm, marrë në muajin prill të këtij viti, por që solli reagim të atletëve që refuzuan të konkuronin në shenjë solidariteti me kolegët.

Mediat opozitare në Serbi raportojnë se kërkesa e Kosovës për t’u pranuar në Këshillin e Europës mund të përfshihet në agejndën e Komitetit të Ministrave këtë vitin në takimin që do të mbahet në Luksemburg më 13-14 maj.

“N1” raporton se ndonëse kërkesa nuk ishte përfshirë në agjendë këtë vit, ka një mundësi që ajo të inkuadrohet te përmbajtja e “çështjeve të tjera”, por në varësi të lobimit që do të bëhet.

Kosova aplikoi në maj të viti 2022, në prill 2023 Asambleja Parlamentare e miratoi kërkesën duke i kërkuar Komitetit të Ministrave që të marrë vendim për këtë çështje.

Kuvendi i Kosovës ka dështuar sërish sot, për të dhjetën herë, që të zgjedhë për kryetare Albulena Haxhiun. Kryetari i Partisë Demokratike të Kosovës, Memli Krasniqi, ka deklaruar pas seancës së Haxhiu nuk ka përtë kaluar as për 100-n herë, pasi sipas tij “Kuvendi i Kosovës nuk e meriton një figurë të tillë në krye”.

Fëmijët e Melanit parandjejnë fitoren e Sali Berishës.

Njoftimin për sjelljen paranormale të vënë re në Dibër e jep Xhemal Gjunkshi, një ish-ushtarak i lartë. Fëmijë që brohorasin për Sali Berishën, një gjetje për t'i rënë në sy shefit ndoshta!

Parlamenti kroat ka miratuar të mërkurën në ligj për varrezat sipas të cilit imponohet zhvendosja e mbishkrimeve të vëna në varre të ndërtuara mes viteve 1991-1995 të cilat vlerësohen fyese. Mbishkrimet vihen në përballje me “rendin kushtetues” duke theksuar se janë jashtëligjore mbishkrimet e vendosura gjatë “pushtimit dhe riintegrimit paqësor” dhe që “përmbajnë simbole që mund të fyejnë moralin dhe ndjenjat e qytetarëve”. Fjala është për mbishkrime që glorifikojnë të rënët serbë në luftë.

Izraeli do të ndihmojë ushtarakisht Greqinë në zhvillimin e sistemit të mbrojtjes ajrore, por do të shfrytëzojë edhe hapësirën e saj për veprime dhe operacione të ndryshme. Në një intervistë për “Kathimerini”, kreu i Drejtorisë së Bashkëpunimit Ndërkombëtar për Mbrojtjen në Ministrinë e Mbrojtjes së Izraelit, gjeneral brigade në pension Yair Kulas, pranon se bashkëpunimi mes të dy vendeve është në nivelet më të larta.

Agjencia gjermane e inteligjencës ka shpallur partinë Alternativa për Gjermaninë – AfD- si një entitet politik ekstremist. Sipas deklaratës së publikuar, shërbimi gjerman vlerëson se “koncepti i etnisë dhe origjinë që dominon tek anëtarët, nuk përputhet me rendin e lirë demokratik”.

Ka ndërruar jetë në moshën 78 vjeçare, Alberto Franceschini, një ndër themeluesit dhe drejtuesit e Brigadave të Kuqe, krahas Renato Curcio dhe Mara Cagol. Që nga viti 1992 kur doli nga burgu, Franceschini punonte për ARCI, një organizatë që merret me imigracionin dhe të varurit nga droga.

Platforma e komunikimit online, Skype, do të dalë jashtë përdorimit duke nisur që nga data 5 maj. Lajmi është komunikuar nga Microsoft që ka shtuar përdoruesit do të transferohen në Microsoft Teams.

“Skype” u hodh në rrjet në vitin 2003 dhe ishte zhvilluar nga programues estonezë. Në vitin 2005, platforma u ble nga eBay për 2.6 miliardë dollarë, në vitin 2009 u kalua te Canada Pension Plan Investment Board në masën 65% të aksioneve për 1.9 miliardë dollarë dhe në vitin 2011 u ble nga Microsoft për 8.5 miliardë dollarë.