Mijëra njerëz kanë dalë në shesh për të protestuar në mbështetje të televizionit publik, Czech Television dhe Czech Radio. Protesta vjen pas masave të kryeministrit Andrej Babish për të mbikëqyrur financimet për mediat në fjalë.

Duart larg nga Media! Kjo ishte deviza e një proteste të organizuar nga një platformë e quajtur Miliona Çaste për Demokracinë, e cila kundërshton ndryshimin e mënyrës së financimit të medias publike që sipas tyre kërcënon pavarësinë e saj.

Presidenti amerikan ka pezulluar në momentin e fundit firmosjen e një urdhri ekzekutiv për inteligjencën artificiale, i cili ishte planifikuar të nënshkruhej të enjten, më 21 maj.

Sipas raportimit të  POLITICO, dokumenti synonte të adresonte shqetësimet në rritje se modelet e avancuara të inteligjencës artificiale, të zhvilluara nga kompani si  Anthropic, mund të përdoren për sulme kibernetike shkatërruese nëse bien në duar të gabuara.

515 miliardë euro kapitalizim dhe 44 mijë të punësuar, AMSL, është kompania kryesore europiane teknologjike që vepron në sektorin e çipeve. Por për drejtuesin e saj, Christophe Fouquet, Bashkimi Europian po gabon sa I takon Inteligjencës Artificiale. Treguesit tregtarë janë më të qartët: 99% e shitjeve të kompanisë vjen nga jashtë BE-së, ndërkohë që ky i fundit po mendon për rregullore që shihen si pengesa në një zhvillim që është radikal. Sipas tij, Akti për IA-në i BE-së, është një qasje e gabuar që sugjeron rregulla përpara sesa kompanitë të kenë gjeneruar produktet e veta.

Në një opinion të publikuar në gazetën greke “Kathimerini”, këshilltari I qeverisë spanjolle, Kostis Kornetis, një profesor në Madrid, merret me transformimin e të djathtës greke gjatë periudhës së Metapolitefsi-t, duke evidentuar disa linjëzime me interes të përgjithshëm. Periudha në fjalë përfaqëson restaurimin e demokracisë pas Diktaturës së Kolonelëve dhe si refleks i saj shpjegohet dominimi i skenës politike greke nga qendra e majtë, shprehur kyesisht te PASOK.

Ministria greke e Kohezionit Social dhe Familjes raporton se në vend janë 800 mijë shtëpi bosh, një shifër që përfaqëson 12% të të gjithë stokut të banesave në Greqi.

Të dhënat i ka përcjellë në fakt drejtoresha Mando Zisopoulou sipas të cilës numri në fjalë mund të shërbejë për të amortizuar krizën e strehimit në vend. Sipas saj banesat që rrinë bosh nuk janë në zona presioni social por në Egjeun juglindor apo në ishujt Jonianë.

Zv. Ministri i Jashtëm rus, Sergey Rybkov ka deklaruar gjatë një interviste dhënë për agjencinë TASS, se konflikti direct me NATO-n është real dhe se ai do të ketë pasoja katastrofike.

Narrativa përshkallëzuese e kryeqyteteve europiane rreth kërcënimit në rritje të një lufte me intensitet të lartë me Rusisë…si dhe veprimet provokative në sferën bërthamore rrezikojnë përplasjen direkte

ka thënë ai.

Shkruan në Facebook aktivisti Ervin Goci:

Në Nartë gjetëm 600 hektarë të rrethuara, po për be as edhe një roje..kishin ik si lepuj.

Kaq e ligjshme është e gjithë gjëja, sa nuk del njeri, a firmë, a logo, a ku di unë që të dalë e të nxjerrë një copë letër. Procedura është e thjeshtë, lëshojmë hordhitë si fazë e parë që të shqyejnë terrenin, të presin çfarë duhet prerë, gjoja me leje paraprake, e pastaj dalin kriminelat me kollare që të hedhin firmat.

Në këtë fazë është e qartë: asnjë nuk e do koston penale të shkatërrimit.