Rama bëri aluzion për parti të krijuara nga Berisha; dhe ish duke folur për AK-në

Të gjithë u kapën dje pas asaj pjese të fjalës së Ramës, ku bëhej distancimi nga nacionalizmat. Të gjitha gazetat kishin veçuar veç frazën: “Të ndërtojmë Shqipërinë europiane pa nacionalizma që na lënë në një cep të padëshiruar, ndërkohë që kemi të gjitha arsyet të kthehemi në forcë lider në rajon së bashku me Kosovën; dhe pa retorika që historia e re dhe e vjetër e zhvillimeve demokratike ka provuar se premtojnë parajsën, por ndërtojnë vetëm ferrin”.

Por fjala e Ramës pati dhe një moment tjetër plot nënkuptime apo pickime. “Unë uroj që edhe Aleanca Kuqezi të jetë pjesë e këtij fronti dhe jam shumë i dëshiruar të besoj deri në fund që në Shqipëri nuk do të përsëritet skenari i njohur i shumë diktaturave të korrupsionit që për t’u shpëtuar fronteve opozitare, prodhojnë parti radikale kundër vetvetes për të çoroditur votën e popullit”, tha ai. Rama pra ka folur për parti të krijuara nga Berisha për të çoroditur votën e popullit, teksa fliste për AK-në. Çudi s’i s’ka bërë përshtypje kjo frazë. As Spahiu e të vetët nuk janë përgjigjur.

Re.Pu.