Marrëveshje ushtarake mes Arabisë Saudite, Pakistanit dhe Turqisë

Në Mekë  të Arabisë Saudite është nënshkruar një marrëveshje për mbrojtje reciproke ushtarake mes Arabisë, Pakistanit dhe Turqisë. Cilësuar si boshti sunit aleat i SHBA, treshja në fjalë zotohet për ndihmë reciproke në rast sulmesh nga palë të treta.

E lidhur kryesisht me Iranian, marrëveshja ngjan si një mekanizëm i zgjatur nën licencimin amerikan, ose në konvergjencë me SHBA. zëvendëspresidenti turk, Cevdet Yilmaz është shprehur se dokumenti nuk drejtohet kundër ndonjë vendi konkret dhe se ai ka natyrë ekskluzvisht mbrojtës.

Megjithatë marrëveshja krijon një bazë bashkëpunimi mes tre vendeve më të fuqishme myslimane duke sugjeruar një mesazh sado simbolik në një botë me paqëndrueshmëri të lartë. Po kështu, akti ilustron një fazë të re multipolariteti të botës, jashtë suazës së rregulluar të fuqive kryesore bërthamore.