Në Vëmendje

Heqja nga kioskat e posterave të revistës revistës franceze “Le Point” ku reklamohej kopertina me titull "Diktatori". Deri ku do të arrijë Erdogan? " ka ngjallur reagimin e ashpër të presidentit Makron.

"Është absolutisht e papranueshme të hiqen posterat e revistës Le Point nga kioskat e gazetave me arsyetimin se nuk u pëlqen armiqve të lirisë në Francë, dhe jashtë saj. Liria e shtypit nuk ka çmim: pa të, është një diktaturë"-shkruajti Makron në Twitter.

Një gjykatë e arreston, tjetra e liron. Çështja Tahiri po ecën sipas parashikimeve, ku politika duhet të duket e distancuar nga drejtësia, e cila vepron e pavarur. Që prej nisjes së hetimit kundër tij, Gjykata e Krimeve të Rënda vendosi si masë sigurie bllokimin e pasaportës së ish-ministrit, por kjo masë u rrëzua më vonë nga Gjykata e Apelit të Krimeve të Rënda. Tani është po Apeli i Krimeve të Rënda që shfuqizoi masën e sigurisë “arrest shtëpie” për ta hetuar në gjendje të lirë.

Si do do të gjykojnë 490,000 anëtarët e Podemos vendimin e liderit të saj, Pablo Iglesias dhe bashkëshortes së tij, Iren Montero për t'u zhytur me kredi "deri në fyt" për të blerë një shtëpi 270 metra katror me kopsht dhe pishinë në një fshat 40 km larg nga Madridi? 

Rezultatet e referendumit origjinal do të shpallen të hënën, edhe pse nuk ka dyshime se baza e partisë spanjolle do të konfirmojë qëndrimin e çiftit në pozita udhëheqëse në krye të lëvizjes majtiste. 

Situata ekonomike në Itali konsiderohet tejet e brishtë dhe një kërcënim serioz për Eurozonën. Sipas gazetës gjermane "Der Spiegel"  ndryshe nga Greqis, Italia mund të mbështetet maksimumi 1 deri në 2 vite në mekanizmin e shpëtimit evropian. 

Pastaj euro në mënyrë të pashmangshme do të shkojë drejt në një krize që do të kërcënonte ekzistencën, e bankave dhe institucioneve financiare në mbarë botën. 
Nëse Greqia ishte "bombë artizanale", Italia është "bombë atomike ", shkruan revista gjermane. 

Dalin të tjera detaje nga dosja për Agron Xhafajn dhe Albert Veliun. Audiopergjimi mësohet se është derguar ne Itali, ku do jenë autoritetet e këtij vendi që do të vendosin se ku do të kryhet ekspertimi për materialin që u denoncua nga Partia Demokratike.

Burime nga Prokuroria thanë për Respublica se lënia në dorë të autoriteteve italiane për të zgjedhur laboratoin është bërë me qëllimin që të shmanget çdo intepretim për ndikim politik të Prokurorisë së Krimeve të Rënda.

Nga 25 maji do të hyjë në fuqi rregullorja e re e Bashkimit Europian për mbrojtjen e privatësisë. Ajo imponon kushte të rrepta në përpunimin e të dhënave personale dhe respektimin e  gjithë qytetarëve të BE-së.

Ndryshimi u bë me me arsyetimin se të dhënat personale konsiderohen si një pasuri e vlefshme dhe rregullat që i mbrojnë duhet të jenë më të rrepta. Rregullorja e re zëvendëson kështu  Direktivën Evropiane të Mbrojtjes së të Dhënave 1995, e cila u vu në zbatim para se “icloud” të prezantonin mënyra të reja të menaxhimit të të dhënave personale.

Mediat kombëtare raportuan lajmin se kryebashkiaku i Tiranës i është bashkuar fushatës së lobimit të qeverisë për hapjen e negociatave. http://tvklan.al/kryebashkiaku-veliaj-nis-lobimin-ne-holande-per-negociatat-e-shqiperise/

Pas kërkesës drejtuar Shteteve të Bashkuara të Amerikës për të vendosur baza ushtarake në Shqipëri, ministrja e Mbrojtjes Olta Xhaçka i propozoi një “ftesë për bashkëpunim me institucionet e sigurisë dhe mbrojtjes së Izraelit për Qendrën për studimin e fenomenit të Luftëtarëve të Huaj Terroristë”. Ndonëse nuk specifikohen agjencitë dhe mënyra e bashkëpunimit, ngritja në Shqipëri e "Qendrës për studimin e fenomenit të Luftëtarëve të Huaj Terroristë” nuk përjashton mundësinë që agjentë të Mossad të asistojnë shërbimet shqiptare.

Me 2 vite burg u dënua nga Gjykata ish-kryeministri i Maqedonisë Nikolla Gruevski. A u gjet fajtor për mungesen e transparencës në blerjen e një Mercedesit luksoz me vlerë 600 mijë eurosh. 

Sipas Gjykatës nuk ka asnjë  dyshim se Gruevski  ka keqpërdorur pozitën e tij si kryeministër për të blerjen e  Mercedesin. Për rastin "Tanku" akuzohen edhe ish-ministrja e Punëve të Brendshme, Gordana Jankullovska, dhe ish-zv/ministri, Gjoko Popovski.

Çështjet e pashqyrtuara prej vitesh në Gjykatën e Lartë mund t’i kushtojnë shumë shtrenjtë shtetit në Gjykatën e Drejtave të Njeriut në Strasburg. Paralajmërimi për kostot e dosjeve të zvarritura vjen nga avokatët. Në këtë gjykatë gjenden në radhë rreth 20 mijë dosje të pahapura nga gjyqtarët për shkak të mungesës së kuorumit të anëtarëve. Sipas avokatit Ervin Muja afati i shqyrtimit të një dosjeje në të gjitha shkallë shkon deri në 12 vjet, për shkak të zvarritjeve dhe problemeve të krijuara nga mungesa e gjyqtarëve siç është rasti i Gjykatës së Lartë.