Në Vëmendje

Vendimin e tij për të penguar hyrjen në portin italian të në anijes  Aquarius me  mbi 600 emigrantë në bord bëri publik  ministri i brendshëm i Italisë, Matteo Salvini.

Presidenti turk Rexhep Tajip Erdogan lëshoi kritika të ashpra ndaj kancelarit austriak,  Sebastian Kurz pas vendimit të këtij të fundit  për të mbyllur disa xhami në Austri, që sipas tij ishin promovuese të islamit politik.

"Këto masa të miratuara nga kancelari austriak, kam frikë se do ta udhëheqin botën në një luftë në mes të kryqit dhe gjysmëhënës”- tha Erdogan në një fjalim të shtunën në mbrëmje në Stamboll.

Korça është pika e hyrjes së emigrantëve të paligjshëm në Shqipëri. Banorët e fshatit Vernik tregojnë se kanë ndeshur në grupe refugjatësh sirianë që kanë hyrë nga Greqia. Një pjesë e tyre janë strehuar ne qendrat e pritjes siç është edhe kampioni i arteve marciale nga Irani Aliriza Hajaloo. Aktualisht ai  ndodhet në kampin e strehimit në Babrru. Ka ndeshur në trajtim të mirë nga punonjësi i policisë shqiptare dhe kjo e ka shtyrë të kërkojë azil në Shqipëri.

Gazsjellësi Transadriatik njofton përmes faqes së vet online vendimin për nisjen e pyllëzimit masiv në Greqi në zonën ku ka kaluar gjurma e tij dhe ku për këtë shkak është bërë shpyllëzim. Sipas njoftimit, TAP merr përsipër të mbjellë dhe ripyllëzojë me 400 000 pemë dhe shkurre zonën që transformoi.

Në Shqipëri mund të ndërtohet një kamp refugjatësh për emigrantët nga Lindja e Mesme. Klan Plus raporton se Austria, Gjermania, Holanda dhe Danimarka i propozuan sot Brukselit, si zgjidhje përfundimtare për refugjatët, ngritjen brenda këtij viti të një kampi të përhershëm azilkërkuesish, në një shtet të kontinentit evropian, por jashtë kufijve të Bashkimit Evropian.

Ilir Demaliaj pretendon se është kërcënuar hapur edhe pas denoncimit publik që bëri për deputetin socialist Fidel Ylli dhe deputetin Tom Doshi. Sipas tij, është sërish njëri nga këta dy personazhe që ka e ka kontaktuar për t’i dhënë mesazhin se rrezikon të zhduket nëse vijon me akuzat.

“Kam marrë kërcënime dhe e njoftoj Fidel Yllin dhe Tom Doshin se nuk mund të më kërcënojnë. Tom Doshi mund të blejë fshatarët atje në Malësi, por nuk mund të më blejë njeri mua”-thekson Demaliaj.

Instituti për Ekonomi dhe Paqe me qendër në Sidnei ka publikuar indeksin e tij për paqen në botë për vitin 2018. Sipas të dhënave të këtij raporti, paqja në botë është përkeqësuarpër të katërtin vit radhazi duke shprehur edhe njëherë përcaktimin e koha e sotme është përherë e më e trazuar.

Këshilli i Bashkëpunimit Rajonal (KBR) botoi një studim mbi ndryshimet klimatike në Ballkanin Perëndimor, duke treguar një rritje alarmante të temperaturës në të gjithë territorin, me rritjen e vëzhguar të temperaturës prej 1.2ºC në të ardhmen e afërt, e destinuar të ngrohej më tej me 1.7 – 4.0 ° C dhe madje edhe më shumë se 5.0 ° C deri në fund të shekullit, në varësi të përpjekjeve globale në reduktimin e emetimeve të gazrave serë.

Thelbi i politikës së jashtme amerikane në Europë është afirmimi dhe rigjallërimi i Perëndimit. Si institucione, por edhe si frymë dhe ndikim. Ndihmës Sekretari merikan për Europën dhe Eurazinë, Wes Mitchell ka sqaruar gjatë një fjalë në Heritage Foundation se SHBA po rikonsideron strategjinë e saj të sigurisë, duke lëvizur nga pozicioni i mbajtur që nga fundi i Luftës së Ftohtë.

“Dënimet që nuk i kalojnë 4 vjet nuk konsiderohen mjaftueshëm të rënda për të justifikuar procedurën e ekstradimit”.