Lajme

Kryeministri Edi Rama njoftoi dje nga ShBA se ka arritur marrëveshjen me Turqinë për blerjen e 6 dronëve Bayraktar. Zoti Rama foli se dronët janë “të domosdoshëm për ne” duke shpjeguar se ata do bëjnë operacione monitorimi të territorit. Çmimi i arsyeshëm tha z. Rama, duke supozuar se skontoja turke mund të çojë një dron në 3 milionë euro nëse mbajmë parasysh se në internet figuron në çmim 5.5 milionë euro për njësi. Por z. Rama e ka zakon që nuk tregon se para shpenzon nga buxheti. 

Dështimi dhe poshtërimi kanë gjetur një avokat të ri në Shqipëri: Belinda Ballukun. Sot në parlament, personi që është caktuar zv. Kryeministre ka dalë të mbrojë Agencinë e Shoqërisë Kombëtare të Informacionit duek referuar raporte të Microsfot, të FBI-së, për të folur për sulm në shkallë rajonale, e të tjera e të tjera.

Por zonja të cilën e merr përpara ambicia e çdo gjëje që e rrethon nuk na thotë pse të gjithë bëjnë raporte dhe AKSHI jo? Sepse ajo e di, nga ai raport dalin përgjegjësi ligjore. 

Europol njofton se më 12 shtator të këtij viti është arrestuar në Malaga të Spanjës një prej pastruesve më të mëdhenj të parave në Europë. Emri i personit nuk bëhet i ditur ndërkohë që ndalimi ka qenë rezultat i një hetimi të Spanish Guardia Civil, British National Crime Agency, Dutch National Police, Irish Garda (An Garda Síochána), në koordinim me European Financial and Economic Crime Centre të Europol.

Mediat greke raportojnë për kapjen në portin e Pireut të një sasie kokaine me vlerë 6 milionë eurosh. Sipas të dhënave, sasia e drogës vinte nga Afrika e Jugut dhe konsiston në 173 kg e 450 gramësh të ndarë në 160 njësi në muret e kontenierëve. Kapja e sasisë së drogës u bë në kuadër të një operacioni të përbashkët mes policisë antidrogë të Greqisë dhe Byrosë Amerikane të Luftës kundër Drogës në ambasadën amerikane në Athinë.

Ky bën kështu sepse nuk ka Opozitë.

Ja një tezë që ka gjetur vend dhe me të cilën shumëkush shpjegon spiralen e korrupsionit të qeverisë aktuale. Është një lloj alibie që duket se kënaq si shpresë e fundit pathyeshmërinë politike të Edi Ramës, e cila është në fakt fitore në fushën bosh. 

Brekët e të ashtuquajturit shtet shqiptar kanë dalë sheshit. Dhe poshtë tyre nuk ka asnjë befasi. E njëjta e pëgërë që shihet jashtë. Megjithatë Porkuroria ka vendosur sot që të ndalojë publikimin e të dhënave të marra nga hakerat dhe të penalizojë sipas Kodit Penal këdo që publikon këto të dhëna.

Dakord kjo, por njoftimi mbyllet me kërkesën për mirëkuptim dhe paralajmërimin se:

cenohet rëndë rendi publik dhe siguria kombëtare

Ndër materialet që dalin në sipërfaqe nga publikimi i korrespondencës së ish-drejtorit të Policisë, Gledis Nano, është edhe një material për ndjekjen e Frederik Ymerit, ish-zyrtar i Shërbimit Informatik Shtetëror, që pak muaj më parë u përfol në media të ndryshme si person i përfshirë në aktivitet spiunazhi. Nga materiali shihet se Ymeri me dy subjekte të tjera ka qenë në përgjim telefonik, prej nga ku dalin biseda me karakter informativ por që nuk implikojnë asgjë për ndonjë përfshirje në aktivitet spiunazhi siç u servir në media.

Një muaj më parë në Gramsh u kapën në befasi tre rusë që mbahen ende sot nën akuzën mediatike të spiunazhit. Top-Channel raportoi disa herë se rusët u zbërthyen duke treguar se kishin filmiar Bovillën, ndërkohë që kryeministri Rama provoi se ka më shumë imagjinatë se Muhamed Veliu: sipas tij, rusët krijuan një ngjarje për të tërhequr vëmendjen nga diçka tjetër.
Se nga cila ngjarje kjo nuk dihet për shkak se këtu skandali i lë radhën skandalit e vështirë se ka ngjarje të cilës t’i zgjasë jetëgjatësia e vendit të parë mbi dy ditë.

Fotoja është marrë në zonën e frekuentuar të “Pedonales” në Tiranë. Tre të rinj, me gjasë joshqiptarë, të veshur në “uniformën” e predikuesit fetar që me një tabelë në rrugë duket se ftojnë njerëz të bisedojnë për punë të fesë. 

Nisur nga libri i Mormonit, mendja ta thotë se i përkasin “Kishës së Jezu Krishtit dhe Shenjtorëve të Ditëve të Fundit”. Por çfarë bën përshtypje është tabela e publicitetit që është përdorur për të thyer me gjasë një paragjykim: NUK jemi të Jehovait. Pjesëza mohuese është në gërma kapitale dhe “bold”.

Ambasada amerikane në Tiranë ka pranuar si të vërtetë raportimin e “Zërit të Amerikës” për financimin rus të Partisë Demokratike gjatë vitit 2017. E ka pranuar përmes akteve të ambasadores dhe jo deklaratave. Në një njoftim të faqen e vet, ambasada njofton se: