Lajme

Instituti për Studimin e Luftës, një qendër të cilën Moska e akuzon se sponsorizohet nga shërbimet sekrete britanike, pretendon në një raport të vetin se presidenti rus, Vladimir Putin po përgatit nxjerrjen nga loja të ministrit të Mbrojtjes, Sergei Shoigu. Ky i fundit supozohet se do të jetë koka e turkut për atë që ndodhi në Ukrainë sidomos me situatën e zhvilluar pas urdhërit për mobilizim të pjesshë.

CKryeministri i Tiranës, Edi Rama, ka kapur në frena dore gjatë një interviste për “Euronews” kur është pyetur për marrëdhëniet e tij me presidentin turk, Erdogan. Lidhur me mbylljen e shkollave të “Gulen”, z. Rama ka përsëritur: ligji, ligji, ligji. 

Presidenti Erdogan nuk ka dhënë dhe nuk jep asnjë urdhër se e para nuk e jep dot nga një vend jashtë Shqipërisë. Është kërkesë jo urdhër. Ne kemi vepruar sipas ligjeve tona

shtoi ai. 

Lord Evans, një ish-drejtori i shërbimit britanik, MI5, aktualisht një këshilltar joformal i kryeministrit grek, Kyriakos Mitsotakis ka dhënë një intervistë për gazetën "Kathimerini" përmes së cilës flet edhe për skandalin e fundit të përgjimeve. Lidhur me këtë çështje Evans ka bërë thirrje për një marrëdhënie të re të shërbimeve sekrete me publikun dhe ofrimin e informacionit, një lloj klisheje që është trashëguar nga Lufta e Ftohtë. 

Shkruan në profilin e tij në Facebook, ish-diplomati dhe publicisti Shaban Murati: 

Mesa mund të kuptojmë është fjala për çështjen e mbylljes së shkollave të Gulenit në Shqipëri që na qenkan aktualisht çështje të interesit gjeopolitik të këtij vendi. Z. Murati kritikon lidhjet okulte të politikës dhe medias në Shqipëri dhe ka një farë të drejte në këtë kuadër. Por si mund të flasësh në emër të interesit jetik të shtetit shqiptar, kur skualifikon çdo pikëpamje ndryshe? 

Në një replikë dje në Kuvendin e Shqipërisë, kryeministri Edi Rama ka deklaruar ndër të tjera se financimi rus i Partisë Demokratike, është një fakt i njohur botërisht. Dhe se për të kanë patur dijeni një grup i ngushtë njerësish.

Akuza me natyrë pohuese është një sekuencë e ngopjes së publikut me një fabul që është e rreme edhe nëse fakti është i vërtetë. Sepse një financim rus i PD-së nuk heq apo shton asgjë në cilësinë e vërtetë të partive shqiptare. Që nuk është asnjëra demokratike.

Kreu i politikës së jashtme në Partinë e të Gjelbërve në Gjermani, Juergen Trittin, ka deklaruar në një intervistë për gazetën greke “Kathimerini” se Perëndimi duhet të merret seriozisht me kursin aktual të Turqisë.

Mediat shtetërore iraniane kanë qarkulluar lajme mbi kapacitetet goditëse të dronëve iranianë duke vendosur si objektiv eventual kampin e Manzës në Durrës ku strehoehn muxhahedinët e MEK. 

Kapacitetet e dronëve dhe raketave iraniane nuk kufizohen në zonat gjeografike fqinjë; ato gëzojnë kaq shumë kapacitete në sektorin ajroro, veçanërisht në atë të dronëve saqë është e kollajtë të godasësh bazën e MKO në Tirana

citohen mediat iraniane.

Mund të duket e pabesueshme apo edhe qesharake por që nga viti 2001 poshtë urës së vjetër të Bunës rezulton që të jetë shesh pa lumin Buna. Prej 21 vitesh lumi Buna është zhdukur në hartat e hipotekës së Shkodrës dhe poshtë urës së vjetër rezulton një shesh.

MCN Tv, disponon kartelën e pasurisë së paluajtshme ku poshtë urës së vjetër të Bunës në dokument në vend të lumit Buna është shesh.

Kryeministri i vendit doli sot në një konferencë për mediat pas mbledhjes së qeverisë, në të cilën siç njoftoi ai u morën vendime për indeksime pagash.

Më pas z. Rama u pyet. Për largimin e Arben Ahmetajt, për inceneratorët, për shpërblimin e një grupi folklorik që i ngriti atij këngë pse hapi një rrugë, mandej për aminstinë fiskale, mandej…Ça rëndësie ka!

Z. Rama nuk i pëlqen asnjë pyetje; disa i quan përralla, të tjera spekullime, të tjera si ato për amnistinë si njëanshmëri antishqiptare e gazetarëve e kështu me radhë.

Presidentja e Kosovës, Vjosa Osmani, ka bërë të qartë se me Shqipërinë ka dallime në qëndrime të ndryshme për politikën e jashtme lidhur me Serbinë. Në një intervistë për Zërin e Amerikës, Osmani kritikoi hapur qëndrimin e kryeministrit të Shqipërisë, Edi Rama, për mirëkuptimin e pozicionit të Serbisë për sanksionet ndaj Rusisë.