Lajme

Rusia pretendon se ka vrarë apo nxjerrë jashtë luftimit në Siri 86 mijë militantë të Shtetit Islamik  apo Al Nusras sindhe 830 drejtues bandash. Lajmi përcillet nga Ministria ruse e Mbrojtjes e cila sqaron se mes militantëve të vrarë përfshihen edhe 4 500 imigrantë nga Federata Ruse  dhe nga Bashkimi i Vendeve të Pavarura.

Shtetet e Bashkuara të Amerikës riafirmojnë mbështetjen e tyre për marrëveshjen e Prespës që dakordësoi qëndrimet e Greqisë dhe Maqedonisë për çështjen e emrit të kësaj të fundit. Gjatë një takimi mes ndihmës sekretarit për Çështjet Europiane dhe Euraziatike, Wes Mitchell dhe ministrit të Jashtëm maqedonas, Nikolla Dimitrov, zyrtari amerikan ka përcjellë vlerësimet më makismale për palën maqedonase.

Kryebashkiaku i Tiranës, Erion Veliaj u shfaq dje duke shpërndarë ushqim për të pastrehët me rastin e Kurban Bajramit. Ai shoqërohej, apo shoqëronte Myftiun e Tiranës, Ylli Gurra.

Sot Erion Veliaj ishte për një vizitë në Xhaminë e Namazgjasë, e cila është ende në fazë ndërtimi. Ai shoqërohej/shoqëronte Myftiune Tiranës, Ylli Gurra.

Në fjalën e vet para kamerave që i merr me vete, Veliaj, ndër të tjera tha:

Partia Demokratike deklaron se Edmond Bego, biznesmeni i arrestuar në Greqi dhe i liruar më pas, i pranuar si mik nga Taulant Balla, kryetar i Grupit Parlamentar të Partisë Socialiste, ka përfituar miliona euro nga tenderët publikë që nga viti 2015.

Të dhënat zyrtare tregojnë se kompania “Inerte Express”, me pronar trafikantin e drogës dhe mikun e familjes së Taulant Ballës, nuk ka përvojë në ndërtimin e nënstacioneve elektrikë dhe se këtë funksion ai e shtoi në fund të dhjetorit 2017.

Ka disa kohë tashmë që kryeministri i vendit, Edi Rama, promovon idenë apo projektin e ndërtimit të aeroportit të Vlorës. Është dhënë shifra 100 milionë euro investim dhe sipas Ramës do të hapen 27 mijë vende pune. Nisja e punimeve u premtua se do të bëhej në qershor, çka nënkupton se projekti është gati.

Autoritetet greke kanë sqaruar lirimin e biznesmenit, Edmond Bego, i arrestuar 6 ditë më parë nga policia e shtetit fqinj teksa po kthehej në Shqipëri nga pika kufitare e Qafë Botës. 
Sipas Policisë Greke 48-vjeçari u arrestua në bazë të një urdhëri ndërkombëtar arresti të lëshuar nga autoritetet italiane në vitin 2009 pas dënimit me 11 vite burg për pjesëmarrje në organizatë kriminale dhe trafik ndërkombëtar droge.
Policia greke ka liruar Begon pasi u informua nga letërkëmbimi me autoritetet italiane se 49-vjeçari kishte vuajtur dënimin në Shqipëri. 

Pjesa më e vjetër dhe më e dendur e akullit të Arktikut ka nisur të thuhet. Lajmi raportohet nga The Guardian që shkruan se ngjarja hap qarkullimin e ujërave në very të Groenlandës, që normalisht janë të ngrira, edhe në muajt e verës. Gazeta shkruan se dukuria në fjalë është e paprecedentë në historinë e regjistruar deri më sot dhe ka ndodhur dy herë këtë vit për shkak të erërave të ngrohta dhe një vale të nxehti që ka prekur hemisferën veriore.

Raporteri për Shqipërinë në grupin parlamentar CDU/CSU në Parlamentin gjerman, Thorsten Frei, e cilëson ligjin për teatrin kombëtar si kriter të seriozitetit të Edi Ramës për anëtarësimin e vendit tonë në BE. 

Këshilltari i Presidentit amerikan për Sigurinë, John Bolton, ka deklaruar se kriza në  marrëdhëniet me Turqinë mund të mbarojë në çast nëse Ankaraja do të lëshojë patorin Andrew Brunson. 
Bolton bëri komente rreth kësaj çështjeje gjatë një interviste për Reuters në Izarel, ku ndodhet për vizitë. 

Qeveria turke bëri një gabim shumë të madh duke mos e lëshuar pastorin Brunson

është shprehur Bolton.

Një shtetas kanadez me kombësi iraniane akuzon Shtetet e Bashkuara të Amerikës se kanë ndërhyrë te Policia Shqiptare për të liruar muxhahedinët e arrestuar dy javë më parë për dhunë ndaj tij. Sipas Mustafa Muhamed, një agjente e CIA-s në Ambasadën Amerikane e ka bërë këtë.

Ndërkohë, nga Ambasada Amerikane nuk ka asnjë reagim në lidhje me këtë pretendim. Muhamed, i cili pret që të takojë pas shumë vitesh vajzën e tij, që ndodhet në kampin e muxhahedinëve në Manzë, thotë tha se e ka çuar çështjen në gjykatë.  

TemaTv