Lajme

Shoqata e Bashkive ka kundërshtuar propozimin që taksën e banesës ta mbledhë OSHEE-ja përmes faturës së dritave. Përmes një letre të publikuar sot në gazetën “Panorama”, shoqata kërkon nga Ministria e Ekonomisë dhe Financave që vendimin për caktimin e agjentit tatimor për mbledhjen e taksës ta ketë Këshilli Bashkiak. Po kështu vërejtje janë paraqitur edhe për komisionin prej 4% që I shkon OSHEE-së.

Një ushtar sirian ka propozuar një ide që është adoptuar nga Damasku zyrtar si pjesë e propagandës së vet. Muhannad Mualla mendoi të krijonte skulptura në muret e një tuneli të përdorur nga rebelët në Ghoutan Lindore, afër Damaskut. Ai krijoi skulpturën e parë në tunel  që gjatë luftimeve dhe më pas disa artistë iu bashkaun ushtarit në fjalë për ta kthyer tunelin në një mjedis punimsh artistike që glorifikojnë ushtrinë siriane dhe japing mesazhin se Siria do të ringrihet.

Morali qenka punë e thellë e kapitalizmit amerikan. Mediat njoftojnë dështimin spektakolar të një aktori që nuk ka nevojë për asnjë rresht vlerësimi si Kevin Spacey, premiera e të cilit nme filmin “Billionaire Boys Club” ka mbledhur vetëm 130 dollarë.

Krijimi i një fondacioni në ndihmë të teatrit, që do të çojë në rikonstruksion të godinës së tij është ajo çfarë Aleanca për Mbrojtjen e Teatrit ka në plan të ndërmarrë së shpejti në mbrojtje të Teatrit Kombëtar. Diçka të tillë pohon pedagogu dhe aktivisti Ervin Goci në një bisedë në “TemA TV”, ku ka folur në lidhje me atë se si do të vijojë mbrojtja e Teatrit Kombëtar dhe hapat që janë menduar të merren në këtë drejtim.

Kriza ekonomike turke kërcënon kohezionin e NATO-s. Kështu shkruan revista gjermane “Spiegel” që shton edhe se kreditorët e huaj kanë investuar 265 miliardë dollarë në Turqi dhe ata kanë frikë se do t’i humbasin këto para. Arsye për këtë është fakti se SHBA dhe Turqia kanë dy ushtritë më të mëdha. Klima është helmuar keq dhe presidenti turk preferon të flasë me gjuhën e një qytetari çfarëdo kur deklaron se ndaj Turqisë ka një konspiracion.

Rrëzimi i urës Morandi në Genova të Italisë ka shtruar si çështje dite konçesionin e dhënë vite më parë. Dje, kryeministri Conte deklaronte se prishja e koncesionit është e vështirë, ndërkohë që e majta në pushtetbpo kërkon përditë ndryshimin e termave. Themeluesi i lëvizjes “5 yjet”, Beppe Grillo, vetë me origjinë nga Genova, ka kërkuar që kalimi në autostrada të jetë falas. Ai ka ndërmarrë një fushatë të mosbindjes civile për këtë qëllim, duke marrë si model vendet e tjera europiane. 

Një pjesë e turqve kanë shprehur solidaritetin e tyre me thirrjen e qeverisë për luftë ndaj dollarit dhe ndaj mallrave amerikane. Kasapë që presin kartëmonedha me hanxhar, një tjetër që godet me vare iPhone, apo një tjetër që djeg kartënmonedhat, të gjithë kanë përcjellë në rrjete sociale mërinë e tyre anti-amerikane.

Turqia nuk e ka përjetuar fare mirë vendimin e SHBA për të vendosur sanksione për shkak të çështjes së pastorit Brunson. Erdogan ka adoptuar gjuhën e tij të zakonshme duke deklaruar se Turqia do të triumfojë.

Shkencëtarët e universiteti Trent në Ontario të Kanadasë kanë propozuar një zgjidhje të re për reduktimin e dioksidit të karbonit nga atmosfera. Gjatë një konference mbajtur në Boston, është propozuar prodhimi i një minerali, magneziti, që ka cilësinë e depozitimit të CO2. Nëse do të prodhohet në shkallë industriale mendohet se magneziti do të zgjidhte një nga problemet më kryesore për njeriun, e që sipas shkencëtarëve kërcënon të ardhmen e tij.

Ministrja e Jashtme e Austrisë, Karin Kneissl është martuar. Në moshën 53 vjeçare ajo ka vendosur të lidhë kurorë me multimilionerin Wolfgang Meilinger. Dasma e pazakonshme është përcjellë edhe nga mediat, për shkak të pjesëmarrjes së politikanëve. Kancelari Sebastian Kurz dhe presidenti rus Vladimir Putin ishin dy nga të ftuarit e rëndësishëm, duke konfirmuar kështu përpjekjen e Rusisë për të rihyrë në Europë nga dera e saj historikisht e preferuar: Austria. Putin madje ka bërë edhe xhentëllmenin duke kërcyer me nusen që është shfaqur e lumtur edhe në krahët e bashkëshortit.

Fillimi i këtij viti për kryeministrin Edi Rama nisi me një premtim të madh. Ndërtimin e aeroportit të Vlorës. Në janar të këtij viti kryeministri Edi Rama shkroi në Facebook se në qershor të këtij viti do të nisin punimet për ndërtimin e aeroportit. Por çfarë po ndodh aktualisht në fushën e Akërnisë. Banorët thonë se para disa muajsh kanë parë disa persona të cilët kanë marrë kampionet e tokës dhe që prej atëherë asgjë nuk ka ndryshuar në atë zonë.