Ekonomi

Sot doli në media Arben Ahmetaj me një sihariq: Qeveria shqiptare ka arritur marrëveshjen për liberalizimin e fluturimeve ndërkombëtare me koncesionarin e Aeroportit “Nënë Tereza”.  “Ministria e Transporteve dhe ajo e Zhvillimit Ekonomik kanë firmosur pjesën e tyre të marrëveshjes për liberalizimin. Dua të ndaj me ju, faktin që dokumenti gjendet për procedurë në bordin e koncesionarit, për të ardhur në qeveri e më pas në Parlament, sepse është mbyllur me sukses negociata, është realizuar heqja e ekskluzivitetit me rreze 100 km, duke përjashtuar Vlorën.

Problemet me Operatorin e Shpërndarjes së Energjisë kanë krijuar probleme financiare për biznesin. Si pasojë e lidhjeve të detyruara në linjat e vendosura në burimin e furnizimit. “Shumë biznese po detyrohen ta paguajnë energjinë 27% më shtrenjtë se tarifa zyrtare, si rrjedhojë e një konflikti me Operatorin e Shpërndarjes së Energjisë Elektrike (OSHEE) për burimin e furnizimit (tension i mesëm apo i ulët).

Një raport i FMN-së i kërkon qeverisë shqiptare të ulë me 6 për qind borxhin publik, të rrisë me 5 për qind arkëtimet në OSHEE dhe të përmirësojë skemën e mbledhjes së kredive të këqija.  Programi i Reformave Ekonomike për vitin 2016-2018 i hartuar nga ekspertët, thekson se konsolidimi fiskal dhe ulja e nivelit të borxhit publik është kërkesa e parë e formuluar për qeverinë shqiptare nga grupi ndërinstitucional i ekspertëve dhe FMN për dy vitet e ardhshme.

Kompania “Shell” do të blejë aksionet e kompanisë “Petromanas Energy” që operon në bllokun naftëmbajtës të Shpiragut. Njoftimi zyrtar është bërë dje dhe aty bëhet me dije se “Shell” do të paguajë 45 milionë dollarë. “Kompania Petromanas Energy Inc. ka njoftuar në 1 shkurt se ka hyrë në një marrëveshje shitblerjeje me Shell Upstream Albania B.V. (“Shell”), një degë që është tërësisht në pronësi të Royal Dutch Shell plc, sipas të cilit Shell ka rënë dakord që të marrë asetet shqiptare të Petromanas për 45 milionë dollarë. Transaksioni i propozuar pritet të mbyllet rreth datës 15 mars.

Ministria e Bujqësisë reagoi ndaj kronikës së prezantuar dje nga emisionin investigativ "Fiks Fare" ne Top Channnel lidhur me importin e shpendeve të gjalla nga Greqia, të cilat janë të klasifikuar si të skartuara. Ministri Panariti urdheroi pezullimin dy javor të importeve të shpendeve të gjalla, deri ne garantimin e gjurmueshmërisë dhe dhe verifikimit të origjinës. Në njoftim thuhet se ministri urdhëron inspektimin veterinar të detyryeshëm të shpendeve në kufi pavaresisht dokumentacionin shoqerues.

Një raport i FMN-së për transparencën fiskale, publikuar në muajin janar, evidenton se borxhi publik i Shqipërisë është më i lartë sesa është deklaruar deri më tani. 83% vlerësohet borxhi, ndërkohë që shifra më e lartë e përcjellë deri më tani ka qenë 72%.

Çështja e biletës së shërbimit urban në Tiranë përfundon në Gjykatë. Këshilltarët demokratë në Bashki kanë depozituar sot padinë përkatëse, shoqëruar me deklaratën se rritja e çmimit është akt abuzib. “Sot në emër të Partisë Demokratike dorëzova në Gjykatë kërkesën për shfuqizimin e menjëhershëm të vendimit të Erjon Veliajt për rritjen me rreth 40% të çmimit të biletës së transportit urban qytetas në Tiranë, si një akt abuziv që do të rëndojë më tej xhepat dhe jetën e qytetarëve të Tiranës.

Fondi Monetar Ndërkombëtar nuk miraton dy këstet e kredisë për Shqipërinë sipas parashikimit të publikuar në muajin nëntor. “Ora-News” raporton se në muajin janar bordi ekzekutiv i FMN-së ka zhvilluar shtatë takime, por në asnjë prej tyre nuk figuron Shqipëria. Po kështu edhe në mbledhjen e datës 5 shkurt, Shqipëria nuk është në axhendë. Të dyja këstet kanë vlerë 73.8 milionë dollarë, lëvrimi i të cilëve “pritet të jetë çështje kohe, pasi palët kanë rënë dakord në plotësimin e detyrimeve që lindin nga marrëveshja e përbashkët tre vjeçare”.

Koroporata Elektroenergjetike Shqiptare dhe Operatori i Sistemit të Transmetimit kanë vendosur të shkrijnë trupën e tyre të sigurisë. Lajmi raportohet nga “shqiptarja.com”, që referon burime të Ministrisë së Energjisë. Po sipas kësaj gazete vendimi është shoqëruar me pushime kolektive nga puna të stafit ekzsitues për arsye se siguria do t’u besohet kompanive private. Reforma në këtë sektor vjen si pasojë e konsultimeve të Bankës Boëtrore, shkruan “shqiptarja.com”.

Në një intervistë për revistën "Monitor", prof. dr. Sotiraq Dhamo, përgjegjës i Departamentit të Kontabilitetit, flet për vendimin e fundit të qeverisë për të vendosur partneritet në gjurmimin e TVSH-së.

Qeveria parashikon të japë me PPP sistemin e teknologjisë për të dhënat fiskale (TVSH) që duket se ka ardhur nga një propozim i pakërkuar. Cili është opinioni juaj? Po formën e saj për ta zhvilluar si Partneritet Publiko–Privat?