Ekonomi

Tirana po zien nga diskutimet për ndërtimin te Parku i Liqenit Artificial, por qeveria nga ana tjetër, premton zëplotë, masa të reja ligjore për mbrojtjen e mjedisit. Gjatë punimeve të konferencës “Moratoriumi dhe rruga drejt zhvillimit të qëndrueshëm”, zv.kryeministri Niko Peleshi, ka bërë të ditur angazhimin e qeverisë shqiptare për mbrojtjen e mjedisit: “Vetëm në 10 vitet e fundit janë shfrytëzuar pa kriter 200 mijë hektarë pyje. Nëse do të ecim me këtë ritëm shoqëria jonë për 15 vitet e ardhshme do ju lërë trashëgim brezave që vijnë një vend të zhveshur.

Enti Rregullator i Ujit propozon që pjesë të caktuara të sistemit të shpërndarjes apo prodhimit të ujit t’I jepen për menaxhim sektorit privat në formën e Partneritetit Publik Privat. Në një raportim në Komisionin e Veprimtarive Pordhuese kreu i ERRU Avdi Dervishi angriti shqetësimin se sistemi vuan kryesisht nga mungesa e menaxhimit dhe nga mungesa e investimeve. “Pjesa më e madhe e problematikës është keqmenaxhimi.

Është zhvilluar në Baku të Azerbajxhanit Këshilli i dytë Konsultativ për Korridorin Jugor të Gazit, në të cilin kanë marrë pjesë një sërë përfaqësuesish politikë nga Ballkani, Italia, ShBA dhe Banka për Rindërtim. Këshilli ka rëndësi edhe për ecurinë e një projekti që i intereson Shqipërisë, siç është gazsjellësi Transadriatik, apo edhe një degëzimi të tij si gazsjellësi adriatiko-jonian.

Të dhënat e Institutit të Statistikave po dëshmojnë për prirje negative në ekonomi: rënie eksportesh, por edhe importi. Bilanci është negativ sidomos në eksporte që mendohet se buron nga rënia e çmimeve të naftës dhe të mineraleve në tregjet e huaja. “Për janarin e 2016-ës, rënia e eksporteve shqiptare arriti vlerat -7.8%, e krahasuar me dhjetorin, ulja thellohet me – 8.1%.

265 ankesa janë regjistruar në vitin 2015 nga biznesi në adresë të administratës tatimore. Kjo rezulton nga një raport i Avokatit të Tatimpaguesve, Artur Papajani, sipas të cilit 80% e rasteve lidhen me vlerësimin e detyrimeve. Pra administrata tatimore ka provokuar ankesa edhe për shkak të vlerësimit të detyrimit që biznesi duhet të paguajë. “Në raport me vitin paraardhës, ky vit rezultoi me një fluks të më të lartë të praktikave të arrira e të përfunduara, rrjedhojë e një arritjeje konfirmimi gradual, hap pas hapi, të autoritetit të institucionit”....

Investimet e huaja direkte në ekonominë shqiptare pësuan rënie me 11 për qind gjatë vitit 2015, sipas statistikave të qeverisë shqiptare të përpunuara nga Fondi Monetar Ndërkombëtar.  Investimet ranë për të dytin vit radhazi në 2015 ndërsa fluksi i tyre zbriti në 720 milionë euro nga 812 milionë euro që u llogaritën më 2014.

Edhe taksa e ndikimit në infrastrukturë që është vendosur së fundmi mnga Bashkia e Tiranës, do të shkojë drejt Gjykatës Kushtetuese. Shoqata e Ndërtuesve është iniciatore e kundërshtimit të saj, duke pretenduar se mënyra e re e përllogaritjes së saj, ka çuar në dhjetë fishim të barrës fiskale. Lajmi bëhet i ditur nga “ABC NEWS”, që referon se “përfaqësuesit e shoqatës bëjnë të ditur se kanë zgjedhur kompaninë ligjore që do të prezantojë në Kushtetuese kërkesën për rrëzimin e kësaj takse.

Qeveria shqiptare ka ndërmend të ndërhyjë me një plan shpëtimi për industrinë minerare e cila është aktualisht në krizë të thellë. Shkak është rënia e çmimeve në bursën ndërkombëtare në nivelin 40% dhe qeveria po mendon që të mos lejojë falimentin e një sektori që ka aktualisht 20 mijë të punësuar.

Kontrolli i Lartë i Shtetit ka nënshkruar një marrëveshje me Konfindustrian e cila siç njoftohet zyrtarisht, do të ketë për qëllim “arritjen e standardeve më të mira ndërkombëtare të konkurencës së lirë në treg dhe përmirësimin e mjedisit të biznesit në vend”.

Komisioni parlamentar hetimor mbi çështjen e marrjes së të dhënave në serverin e tatimeve është mbledhur pas disa dështimeve radhazi dhe ka përcaktuar rregulloren dhe ndryshimin e planit të hetimit.
Një nga dëshmitarët e parë që do të thirren do të jetë ish ministri i Financave Shkëlqim Cani dhe sekretarja e Përgjithsme e kësaj ministrie, Gelardina Prodani, të cilët të martën duhet të jenë përpara komisionit.