Ekonomi

Shqipëria ka një shkallë punësimi për gratë mbi 50 %, duke shënuar njërin nga dy vendet e zgjerimit me shkallë punësimi mbi këtë normë. Sipas raportit të Eurostat, Zyra e Statistikave të Bashkimit Europian, shk

Alarmi për perspektivën e kompanive Call Center ku janë të punësuar rreth 25 mijë të rinj ka vënë në lëvizje qeverinë shqiptare që është takuar me përfaqësues të këtij biznesi. Kryetari i shoqatës së Call Center në Shqipëri, Gentiam Drenova deklaroi se disa kompani janë tërhequr nga investimet e planifikuara. Por Ministri i Mirëqenies Sociale dhe Rinisë deklaroi se qeveria shqiptare do të negociojë me Italinë në mënyrë që ligji i ri që pritet të miratohet në Senat brenda muajit dhjetor të ketë sa më pak ndikim në aktivitetin e kompanive në Shqipëri.

Projektligji për buxhetin e shtetit të vitit 2017 është miratuar sot në orët e para të mëngjesit me votat e shumicës qeverisëse. 16 orë diskutim në seancë plenare nuk sollën ndonjë pajtim mes palëve, të cilat përherë votojnë kundër buxhetit të njëra-tjetrës. Projektligji është miratuar në parim me 82 vota, ndërkohë që opozita, Partia Demokratike, ka braktisur seancën në momentin e votimit.

Nga 1 marsi i viti të ardhshëm paga minimale do të bëhet 375 mijë lekë të vjetra, nga 220 që është aktualisht. Vendimi i qeverisë u bë publik nga kryeministri Rama në një takim me administratën ku tha se pagat mesatarisht do të rriten 7%, por për pagën më të ulët kjo rritje shkon në 36%.

Prej një jave vendet e punës për 25 mijë të rinjtë shqiptarë të Call-Center-ave janë rrezikuar seriozisht, pasi së fundmi senati italian miratoi ligjin e ri. Më parë ligji kaloi në Parlament, ku është miratuar propozimi i ministrit italian të Punës, Xhuliano Poleti. Kësisoj, Italia u është përgjigjur protestave të shtetasve të saj, që kërkonin zhvendosjen e call-center-ave në vendin e tyre, ose në shtete brenda BE-së.

TemaTv

25 Institucionet shqiptare vijojnë “sagën” e mos pagesës së kompanive private edhe për vitin 2016-të. Për 8 muajt e parë të këtij viti janë krijuar 25 milionë dollarë detyrime të reja ndaj palëve të treta për punë publike dhe borxhe ndaj institucioneve.
Shumën më të madhe të detyrimeve e ka sërish Ministria e Transporteve me 18 milion dollarë, e ndjekur më pas nga ajo e Zhvillimit Ekonomik dhe ministria e Drejtësisë.

Në zonën e Luznisë në Dibër nuk do të ndërtohet HEC-it Katund i Ri, i cili me një vendim të 2015 iu dha me bonus për ndërtim një kompanie turke. Qeveria ka shfuqizuar vendimin për ndërtimin e këtij HEC-i, me një vendim në mbledhjen e fundit të saj. Mbi Lumin Drin i Zi nuk do të ndërtohet HEC-i Katund i Ri.

Qeveria e rishikoi buxhetin e vivit 2016, por sërish të ardhurat janë me defiçit sa i përket parashikimit. Sipas të dhënave të Ministrisë së Financave gjatë 10 mujorit mblodhën 4 miliardë lekë më pak se parashikimi. Tatimet dhe doganat mbajnë peshën kryesore në këtë mosrealizim, në fund të dhjetëmujorit, ato grumbulluan 3.6 miliardë lekë më pak, ose rreth 30 milionë euro më pak se plani.

"TemaTv"

Gazeta “Shekulli” shkruan sot për një vendim të Bashkisë së Durrësit e cila ka dhënë leje ndërtimi në një terren sportiv të qytetit.

Nëse senati italian miraton ndryshimet në ligjin e funksionimit të kompanive Call Center, 25 mijë të rinj shqiptarë rrezikojnë të humbin vendin e punës. Dhoma e deputetëve kaloi dy ditë më parë ndryshimet që pengojnë kompanitë italiane të zhvendosen në shtete të tjera duke i ngarkuar taksa më të larta. Operatorët ekonomikë që krijojnë një kompani të re në një tjetër vend, janë të detyruar të tregojnë vendin e origjinës. Zef Preçi, drejtor i Qendrës për Kërkime Ekonomike, thotë se nëse kjo ndodh, ekonomia jonë do të marrë një goditje të madhe.