Ekonomi

Një grup deputetësh të mazhorancës kanë kërkuar shtyrjen edhe me dy vjet të tjerë të efekteve të ligjit të ri për lojrat e fatit. Deputetët Ervin Bushati, Ervin Koçi, Blerina Gjylameti, Luan Duzha, Ylli Shehu dhe Tahir Muhedini kanë dhënë argumentat e tyre lidhur me këtë kërkesë.
Ndër kategoritë e lojërave të fatit që lejohen të zhvillohen në Republikën e Shqipërisë, për të cilat shoqëritë e interesuara mund të licensohen, janë edhe “Kazinotë”, “Lotaria kombëtare”, “Baste sportive”, “Baste për garat në pistë” dhe “Bingo televizive”.

Prej javësh po konsumohet një situatë absurde që lidhet me ndryshimet që qeveria i bëri ndryshimit të ligjit për importin e mbetjeve. Sot para parlamentit u zhvilluan protestat e radhës, një e grupimeve të ashtuquajtura ambientaliste dhe tjetra e shoqatave të biznesit që janë pro ligjit. këta të fundit me argumentin se ligji është i domosdoshëm për ecurinë e biznesit

Ish-kryetari i Bashkisë Korçë, Gjergji Gjinko flet për median "albaniamozaik.wordpress.com" dhe deklaron se projekti ka pasoja të mëdha edhe mbi shëndetin e njerëzvem por edhe biznesit dhe mjedisit e ekonomisë. Gjinko thotë se TEC-i i qymyrit në Korçë ka sjellë boll dëme, çka jep idenë se çfarë sjell torfa. Më poshtë prononcimi i Gjinkos:

Mario Draghi mund të jetë kreu i Bankës Qëndrore Europiane me një pagë vjetore 386.000 euro, por të ardhurat e tij janë më të ulëta se krerët e Bankave Qëndrore të Italisë Gjermanisë dhe Belgjikës. Ky i fundit paguhet me 480,000 euro në vit. Bloomberg thotë se nuk ka shumë logjikë se si janë përllogaritur këto paga, pasi ekonomia belge është mezi 1/8 e ekonomisë gjermane, por Smets ka një pagë 10% më shumë se presidenti i Bundesbank, Jens ëeidmann.

Pak ditë më parë ishte ministri i Energjisë Damian Gjiknuri që zbardhi arsyet pse nuk po vihet në funksionim linja e interkonjeksionit Shqipëri-Kosovë, duke shpresuar që kryeministri Rama të flasë me kancelaren Angela Merkel për ta zgjidhur këtë çështje.

Nga privatizimi i OSHEE-së deri te arritja e marrëveshjes së mirëkuptimit me CEZ u konsumuan dy procese në të cilën negociatorë ishin dy qeveri të ndryshme, ajo Berisha dhe më pas kabineti Rama.

Brenda këtij viti Posta Shqiptare do të ofrojë për qytetarët një shërbim të ri, atë të bankomatit postar. Kjo është bërë e ditur nga Drejtori i Përgjithshëm i Postës Shqiptare, Majlind Lazimi, gjatë takimit me homologun e tij në Prishtinë. Lazimi tha se bankomati postar do të shërbejë për tërheqjen e kolive postare, duke eleminuar radhët dhe pritjen.

Ministri i Energjetikës Damian Gjiknuri ka deklaruar sot se Serbia po bllokon, "për arsye politike" funksionimin e linjës së interkonjeksionit mes Shqipërisë dhe Kosovës.

"Fatkeqësisht, për arsye politike kjo linjë akoma nuk është vënë në funksionim me gjithë lobimin tonë dhe përpjekjet tona. Unë mund të përfitoj nga rasti dhe jam i sigurtë se kryeministri Rama do ta bëjë të njëjtën gjë në Berlin kur të takojë kancelaren Merkel, që na duhet që ky proces të përfundojë siç duhet dhe kjo linjë të jetë funksionale”, tha Gjiknuri.

INSTAT-i publikoi indeksin e çmimeve për tetorin, i cili ishte vetëm 1.5% më i lartë se në tetorin e vitit të shkuar. Në shtator inflacioni me bazë vjetore ishte 1.8%, ndërsa në gusht ishte 2%.

Kjo rënie e inflacionit në dy muajt e fundit tregon se këerkesa konsumatore ka qenë anemike (kur ajo është e fortë, inflacioni rritet). Kërkesa për ushqime duket se ka qenë e lartë (ky grup ka patur një rritje vjetore të indeksit të çmimeve me 3.1%), ndërsa kërkesa për veshje dhe këpucë ka qenë e dobët (ky grup ka patur një rritje vjetore të indeksit të çmimeve me vetëm 1%)

Merr pjesë në një aktivitet për luftën kundër korrupsionit, por nuk ka asnjë të dhënë për shpërdorimet që dyshohet se i janë bërë fondeve të dhëna nga qeveria e tij, ambasadori austriak në Tiranë, Johan Satler ka deklaruar për “Tema TV” se nuk ka asnjë informacion mbi ecurinë e projektit e-tax, një sistem që ka kushtuar 16 milionë euro e që duhet të lehtësonte procedurat e deklarimit të biznesit. Për muaj të tërë është folur për probleme në sistem, për mosfunksionim të tij. Por asgjë nuk ka lëvizur nga vendi.