Bota

Konflikti i fundit mes Rusisë dhe Perëndimit ka riaktivizuar shumë terma dhe ka gjallëruar shumë klishe që mendohej se ishin lënë pas. Që nga fjalimi i Vladimir Putinit në Munih në vitin 2007, Perëndimi nisi të shihte më qartë ambiciet e presidentit rus nën një prizëm imperial, njësoj si Bashkimin Sovjetik dikur. Ngjarjet e Gjerogjisë dhe Osetisë në gusht të vitit 2008 theksuan prirjen për ta parë Rusinë si një qendër që synonte rivalitetin me Perëndimin, ndërkohë që përballja në Ukrainë dhe në Siri i ka hapur letrat plotësisht.

Diga e Mosulit, qyteti që është pika e fortë e ISIS, rrezikon jetën 1.5 milionë irakenëve. “NBC NEËS” citon ambasadën amerikane në Baghdad sipas të cilës kolapsi i digës do të sillte pasoja të paprecedenta; 500 000-1.47 milionë irakenë nuk do të mbijetonin dot nga vala e ujit që nëse ndodh do të arrinte në nivelin 15 m në Mosul. Qytete të tjera si Tikriti, Samarra apo Baghdadi do të përfshiheshin nga vala e ujit ndonëse me pasoja më të vogla.

Rusia reagon zyrtarisht ndaj deklaratave të komandantit suprem të NATO-s, Breedlove se Rusia po kthen refugjatët sirianë në një armë për shkatërrimin e Europës. Përmes një deklarate për shtyp, përcjellë në shqi edhe nga ambasada ruse në Tiranë, Ministria e Mbrojtjes ruse thotë ndër të tjera se: “...Gjenerali Breedlove duket se i ka harruar ngjarjet e verës së vitit 2015 kur me pëlqimin e tij të heshtur gati një milion refugjatë u nisën papritur nga Turqia (!) drejt vendeve evropiane.

Të paktën 70.000 refugjatë pritet të të qëndrojnë në Greqi vitet e ardhshme. Parashikimi, i shprehur nga ministri grek i emigracionit, Janis Muzalas, është argumentuar me situatën në kufirin me Maqedoninë, që Athina nuk mendon se do të ndryshojë.

Qeveria amerikane, më saktë Pentagoni, po mendon të testojë sigurinë e vet ndaj sulmeve kibernetike, duke e provuar mburojën e vet përvballë hakerave. Nisma “Hakeroni Pentagonin” është e para e këtij lloji, e cila synon të të ekspozojë sistemin mbrojtës ndaj aftësive të hakerave, por pa asnjë pasojë ligjore nëse ata identifikohen. Sekretari i Mbrojtjes Ashton Carter është shprehur se “i kam sfiduar përherë njerëzit tanë të mendojnë përtej kutisë pesëkëndore që është Pentagoni”.

Një tërmet i fuqishëm ka goditur sot Sumatrën.  Qendra e Lajmërimit të Cunamit në Paqësor ka raportuar se bëhet fjalë për një lëkundje të shkallë 8.2 ballë të shkallës Rihter, me epiqendër 504 milje në juglindje të Padang, në Sumatra, në thellësi 6.2 milje. Ekziston frika e një cunami, pasi në vitin 2004, një tërmet 9.1 ballë krijoi një cunami që mori jetën e 220 mijë njerëzve. 

http://www.bloomberg.com/news/articles/2016-03-02/magnitude-8-3-quake-hi...

Donald Tramp dhe Hilari Klinton janë fituesit e mëdhenj të raundit kreyesor të zgjedhjeve paraprake, duke hedhur një hap të rëndësishëm për garën finale të 8 nëntorit. Dy kandidatët kryesorë në kampin republican dhe atë demokrat kanë fituar të dy në të paktën 7 shtete, nga 11 të mundshëm. Pavarësisht retorikës së tij arrogante dhe kundër emigrantëve, Donald Tramp fitoi qartësisht “Super të martën” duke siguruar 169 delegatë, ndërsa kundërshtarët e tij Ted Cruz dhe Marco Rubio përkatësisht 97 dhe37. Në kampin demokrat Hilari Klinton fitoi 314 delgatë, ndësa Berni Sanders 210.

Në SHBA FBI-ja po vazhdon betejën ligjore me kompaninë “Apple” për dekodimin e një telefoni që i përket një personi të dyshuar si i përfshirë në aktet terroriste dhjetorin e kaluar. Por krejt ndryshe veprohet në Brazil. Policia ka arrestuar zv.presidentin e “Facebook” për Amerikën Latine, Diego Dzodan, i cili ka refuzuar vazhdimisht të zbatojë një vendim gjykate që urdhëronte dorëzimin e të dhënave të nevojshme për një hetim për trafik droge.

Osama Bin Laden ka shkruar një letër për popullin amerikan, e cila bashkë me 113 dokumente të tjera është deklasifikuar sot nga Shërbimi Kombëtar Sekret amerikan. Letra është katër faqe dhe nuk ka datë; ajo u kap në datën 2 mars 2011 dhe nis me apelin paqësues: “Popullit amerikan, paqja qoftë mbi ata që ndjekin rrugën e drejtë...”. Dokumenti publikohet i përkthyer në anglisht nga vetë agjencia amerikane dhe nisur nga teksti bën çudi se përmbajtja e saj ka frymë kundër lobeve që diktojnë politikën amerikane.

Një alarm sigurie ka detyruar autoritetet të mbyllin aeroportin e Kelnit në Gjermani. Mediat raportojnë se janë marrë masa të menjëhershme dhe janë anuluar të gjitha fluturimet. Pasagjerët kanë postuar foto në rrjetet sociale, duke raportuar se terminali 1 dhe 2 aktualisht janë të mbyllur. Ndërkohë mbi aeroport është parë të patrullojë një helikopter.Një zëdhënës nga aeroporti i Këlnit citohet nga CNN të ketë thënë se se të dy terminalet janë mbyllur, pasi një grua arriti të kalonte pa iu nënshtruar kontrollit dhe duke shmangur forcat e sigurise.