Arkiv-Lajme të përditësuara

3 persona janë arrestuar nga policia ndërsa kanë kundërshtuar patrullën.

Në pranga të efektivëve të Sarandës kanë përfunduar, Ermir Vejzati, Paolo Tepelena dhe Petrit Gjoka.
 
Policia e qytetit bregdetar njofton gjithashtu se dy persona janë shpallur në kërkim: Benard Bajramin dhe Aleksandër Gjoka.

Një zjarr njoftohet të ketë rënë tek kullat përballë “Piramidës” në qendër të kryeqytetit. Shkak ka qenë kaldaja e një apartamenti e cila ka marrë flakë .Forcat zjarrfikëse kanë mbërritur në vendin e ngjarjes dhe po punojnë për shuarjen e flakëve. Ndërkohë policia ka evakuuar njerëzit nga godinat e dy kullave. Fatmirësisht nga rënia e zjarrit nuk ka persona të lënduar.

TIRANE - Një atentat me armë zjarri është shënuar mbrëmjen e sotme në Tiranë, ku një 48 vjeçar është plagosur rëndë. Ngjarja ka ndodhur rreth orës 19:00, në zonën e Unazës së Re, ku i plagosur rëndë ka mbetur Krenar Hasanaliaj 48 vjeç, banues në Vlorë.

Mësohet se dy autorë, të cilët po lëviznin me motor kanë qëlluar 4 herë me armë zjarri pistoletë dhe pa silenciator në drejtim të Hasanaliajt.

FIER - Detaje te reja kanë dalë nga Prokuroria e Fierit lidhur me ngjarjen e Semanit në Fier, ku një çift u dhunua seksualisht nga dy agresorë.

Sipas denoncuesve ka qenë mesditë kur çifti i të fejuarve ka shkuar në pyllin e Semanit për një shëtitje. Teksa ndodheshin vetëm në pyll, dy të rinj të armatosur e të maskuar janë drejtuar për tek vendi ku ndodhej 27 vjeçari me të fejuarën e tij.

Një automjet tip Peugeot është shpërthyer me eksploziv në qytetin e Vlorës. Ngjarja ka ndodhur rreth orës 17:15 në zonën e Skelës. Ende nuk dihet nëse ka të plagosur. Policia e qytetit bregdetar është nisur drejt vendit të ngjarjes.

Dosja e 18 personave të arrestuar gjatë aksionit të policisë në Lazarat ka përfunduar në Gjykatën e Gjirokastrës. Prokuroria ka dërguar për gjykim dosjen e këtyre personave të arrestuar, të cilët akuzohen për prodhim, shitje, kultivim lëndësh narkotike dhe armëmbajtje pa leje.

Ndërkohë, 3 persona të tjerë janë dërguar për gjykim disa ditë më parë.

TIRANE - Shoqëritë e Ujesjellës Kanalizimeve kanë kërkuar rritjen e çmimit të ujit. Këtë deklaroi kreu i Entit Regullator të Ujit, Avni Dervishi në prezantimin e raportit të performacës së shoqerive të ujit për vitin 2013.

SHKODER - Policia e Shkodrës në aksionin e saj kundër prerjeve të lidhjeve të paligjshme të energjisë elektrike shoqëroi administratorin e klubit të futbollit “Vllaznia”.

Neritan Kalamishi u shoqërua për vjedhje energjie, pasi në fushën e sportit ku bën stërvitjen klubi Vllaznia u gjet një lidhje e paligjshme energjie.

Ada Musaraj, gruaja e Elton Deliut të vrarë disa vite më parë brenda në ambjentet e shtëpisë së tij, i është drejtuar me një kërkesë penale gjykatës së Tiranës ku kërkon heqjen e masës së sekuestros për disa pasuri të ngrira nga prokuroria e Tiranës.

Bëhet fjalë për disa llogari bankare me shuma të konsiderueshme  financiare, që janë sekuestruar nga njësia hetimore Task-Forcë, pranë prokurorisë.

Masa e sekuestros ka shkuar në një periudhë një vjeçare për shkak të veprimeve Hetimore që prokuroria po kryen për pastrim parash ndaj disa personave.  

Për të tretën ditë në gjithë vendin vazhdon aksioni i OSHEE dhe Policisë së Shtetit për vjedhësit e energjisë elektrike. Arrestime të shumta ka pasur në disa qytete, ndërsa në pranga, veç biznesmenëve e familjarëve, kanë përfunduar edhe disa elektriçistë që ishin punonjës të kompanisë së shpërndarjes. Denimi per personat qe vjedhin energjine arrin deri ne 3 vjet burg, ndersa per bashkepunetoret deri ne 5.