Arkiv-Lajme të përditësuara

Ermelinda Meksi, anëtarja e Këshillit Mbikqyrës në Bankën e Shqipërisë ka “kryqëzuar” guvernatorin Ardian Fullani gjatë dëshmisë së saj dhënë përpara prokurorit Ramadan Troci dhe oficerit Helidon Hysenaj. Meksi për 1 orë e 30 minuta ka shpjeguar për grupin e hetimit se vjedhja e 713 milion dollarëve nga thesari i BSH, është një ngjarje tepër e rëndë, dhe se për këtë përgjegjësi direkte administrative ka titullari i kësaj bankë, Ardian Fullani.

Dy organizata botërore humanitare që veprojnë në Shqipëri janë përfshirë në një konflikt gjyqësor, ku njëra prej tyre konkretisht Kryqi i Kuq Shqiptar, kërkon shkrirjen dhe shpërbërjen e shoqatës “Gjysmë Hënës së Kuqe Shqiptare.

Policia arrestoi mbrëmjen e sotme Guvernatorin e Bankës së Shqipërisë Ardian Fullani. Arrestimi i Guvernatorit është bërë me kërkesë të Prokurorisë së Tiranës.

Kreu i BSh akuzohet për shpërdorim detyre, pas vjedhjes së thesarit të Bankës së Shqipërisë u vodhën 713 milionë.

Fullani aktualisht ndodhet në Drejtorinë e Policisë.

Arrestimi i tij është bërë më urdhër të Gjykatës, pasi prokurori Ramadan Troci ka dorëzuar sot kërkesën e arrestimit. Ndërkaq, mësohet se ka edhe arrestime të tjera.

Sektori i Operacioneve Speciale në Policinë e Tiranës ka bërë të ditur se ka arrestuar, gjatë një operacioni, një 22-vjeçar të shumëkerkuar për vrasje dhe armëmbajtje penale.

Mirgen Ymeri u kap nga forcat speciale të Policisë pasi ishte i dënuar më parë me 18 vite burg për veprat penale të rënda si vrasje dhe armëmbajtje penale. Gjithashtu gjatë momentit të kapjes, Ymerit, i është gjetur një dokument identifikimi (patentë) e falsifikuar. 

Humbet jetën në spitalin e Lezhës 17-vjeçarja e cila kishte pirë fostoksinë, pasi akuzoi të atin për përdhunim para 3 ditësh. E mitura XH.M nga fshati Rrilë e Lezhës ka denoncuar ditën e djeshme se babai i saj e ka ngacmuar që në moshën 12 vjeç dhe se në moshën 14 vjeç është abuzuar për herë të parë, ndërsa që prej asaj kohe ishte pre e marrëdhënieve me dhunë me të atin.
 
17-vjeçarja është ndarë nga jeta sot në orën 15:30 në spitalin e Lezhës, vetëm një ditë pasi ishte shtruar në spital për helmim me fostoksinë.
 

Gjatë samitit të NATO-s që po zhvillohet në Uells të Mbretërisë së Bashkuar Ministrja e Mbrojtjes, Mimi Kodheli ka zhvilluar një takim me Derek Chollet, asistentin e Sekretarit të Mbrojtjes të SHBA, Chuck Hagel.
 

Plagoset me armë zjarri rreth orëve të vona të mbrëmjes, së të enjtes, Edmond Çakmashi. Ngjarja e rëndë ka ndodhur në Shkozë.

Sipas burimeve, persona të paidentifikuar kanë qëlluar në drejtim të Edmond Çakmashit. I lënduari është dërguar menjëherë për në spitalin ‘Ushtarak’ ku dhe po merr mjekimin e duhur.

Ende nuk janë të qarta rrethanat e ngjarjes. Policia ka mbërritur menjëherë në vendngjarje, dhe ka nisur hetimet.
 

 Kryetarit të Komunës së Bërzhitës, Genc Drita, 40 vjeç policia i ka kapur me vete jo vetëm 4500 euro, por 10 mijë euro. Policia e Tiranës, ka bërë publike dje edhe detaje të reja në lidhje me operacionin e koduar “Leje-Përdorimi” që përfundoi me arrestimin e kryekomunarit bashkë me Armand Burri, i cili është shefi i zyrës së Tatim-Taksave në këtë njësi vendore.

Teksa prokuroria e Tiranës pritet që sot të fillojë maratonën e pyetjes një e për një të antarëve të Këshillit të Bankës së Shqipërisë, anëtarët e grupit hetimor të kësaj çështje nuk janë pajtuar me vendimin e gjyqtares Fida Osmani, që linte të lirë 5 nga 7 inventarizuesit e arrestuar.

Vëllai i njerkut të një 11-vjeçareje është vënë në pranga pasi ka tentuar disa herë të kryejë marrëdhënie seksuale me të miturën. 19-vjeçari Shefit Ramazani nga qyteti i Elbasanit është arrestuar me akuzën e tentivës të kryerjes së marrëdhënieve seksuale me vajzën e mitur, 11 vjeçaren me inicialet V.LL.