Arkiv-Lajme të përditësuara

Ministri i Jashtëm i Gjermanisë Guido Westervele qëndron sot në Beograd ku pritet të nxisë autoritetet serbe  të shkojnë përpara në bisedimet me Kosovën dhe të përmbushin kushtet e Bashkimit Evropian, nëse dëshirojnë të fitojnë kandidaturën, njofton agjencia gjermane e lajmeve, DPA.  Gjatë kësaj vizite shefi i diplomacies gjermane do të zhvillojë një takim me presidentin Boris Tadiç.

Moshapja e rrugës në drejtim të tre komunave të Peshkopisë ka shkaktuar një protestë të drejtuesve të mjeteve që lëvizin në këto akse. 

Ata janë grumbulluar në rrugën nacionale duke e bllokuar atë, për shkak se edhe pse moti është përmirësuar, rruga në drejtim të komunave Arrës, Muhurr dhe Selishtë nuk po hapet. 

Drejtuesit e mjeteve akuzojnë kompaninë që ka marrë përsipër pastrimin e këtyre rrugëve. 

Gjermania është deklaruar kundër një zgjerimi të dytë të fondit të shpëtimit të eurozonës. Mekanizimi Evropian i Stabilitetit (ESM), për të cilin janë propozuar 500 miliardë euro pritet të nisë së funksionuari në korrik. 

Liderët everopianë ranë dakord në dhjetorin e 2011 për të diskutuar mbi zgjerimin e ESM-së në samitin e shkurtit, por zëdhënësi i qeverisë gjermane, Stiven Zajbert tha se "qëndrimi i qeverisë gjermane nuk ka ndryshuar".

Bashkimi Europian ngrin 495 milionë euro financime për Hungarinë për shkak të defiçitit të lartë buxhetor të këtij vendi. Vendimin e bëri të ditur Komisioni Europian e bëhet fjalë për fondet që anëtaret më pak të zhvilluara të BE-së marrin për të kapur hapin e vendeve të tjera. Pikërisht këto para do të ngrijnë duke nisur nga 1 janari i vitit të ardhshëm dhe përfaqësojnë  29 për qind të të gjithë alokacioneve për Hungarinë. 

Bashkimi Europian ngrin 495 milionë euro financime për Hungarinë për shkak të defiçitit të lartë buxhetor të këtij vendi. Vendimin e bëri të ditur Komisioni Europian e bëhet fjalë për fondet që anëtaret më pak të zhvilluara të BE-së marrin për të kapur hapin e vendeve të tjera. Pikërisht këto para do të ngrijnë duke nisur nga 1 janari i vitit të ardhshëm dhe përfaqësojnë  29 për qind të të gjithë alokacioneve për Hungarinë. 

Një ditë pas shpalljes së rezultatit si fitues për postin e rektorit të universitetit të Tiranës, Dhori Kule deklaron se universiteti do të vazhdojë të mbrojë autonominë e tij, dhe nuk do të ndikohet nga politika. Ai u shpreh se për herë të parë, në zgjedhjet e universiteteve, kandidatët kanë qënë të përcarë për arsye politike, ndërkohë që kjo është vërtetuar ditën e zgjedhjeve, si me hedhjen e trakteve nga ana e strukturave partiake, në mbështetje të kandidatëve të ndryshëm.

Optimizmi me të cilin po përpiqet qeveria greke të zbatojë  marrëveshjen e Brukselit që i jep Greqisë një hua prej 130 miliard euro dhe i redukton borxhin me 53.5%, po e mbulojnë retë e zeza të mosbesimit nga tregjet, specialistët e ekonomisë dhe shtypi i huaj që komentojnë negativisht mungesën e një plani për zhvillimin e ekonomisë që shënon në katër vitet e fundit një recension prej 16%. 

Ujësjellësi i Tiranës i ndërpret furnizimin bashkisë së Kamzës. Shkak për këtë ndërprerje ka qenë borxhi prej 300 mijë dollarësh që bashkia nuk i ka paguar institucionit, borxh ky i akumuluar që prej vitit 2008. Sipas UKT, ndërprerja është bërë pas disa paralajmërimeve zyrtare që i janë bërë bashkisë së Kamzës e cila sipas saj, refuzon të shlyejë detyrimet.

Banka Botërore ka shprehur shqetësimin e saj në raportin e fundit mbi pronat, duke evidentuar shumë probleme me sektorin, veçanërisht te legalizimet.

Zgjedhjet në universitetin Ismail Qemali

Pas përfundimit të numërimit të votave në universitetin e Vlorës është rikonfirmuar në detyrën e rektorit Albert Qarri, i cili do të drejtojë edhe në katër vitet e ardhëshme universitetin Ismail Qemali. 
Ndërsa dekanët e rinj janë për fakultetin Ekonomik  Evelina Bazini, për fakultetin e Shkencave Teknike Kristofor Lapi, për fakultetin e Shkencave Humane Aleks Trusha.

Zgjedhjet në universitetin Aleksandër Moisiu