Arkiv-Lajme të përditësuara

Zv/ministri i Mbrojtjes së Qytetarit, Manolis Othonas ka përparuar në tërheqjen e përkohshme të amendamentit të ministrit të Mbrojtjes së Qytetarit, për qendrat e mbajtjes së emigrantëve. 

Shfrytëzimi i inerteve në perroin e Kushës është kthyer në një problem  serioz për banorët e fshatit Kozan. Mjetet e rënda kanë nisur që të gërryejnë edhe afër një ure, mjaft të amortizuar, duke rrezikuar shembjen e saj. 

Banorët kërkojnë ndaljen e shftrytëzimit të këtij baseni ujor, pasi në të kundërt rrezikojnë që pesë  fshtara të mbeten të izoluar. Kryepleqtë e fshatrave pretendojnë se inertet e përfituara nga shtrati i përroit përdoren për shtrimin e punimeve të rrugës ne tunelin Elbasan-Tiranë. 

Lagjia Shehër që është më e vjetra e qytetit të Lezhës vuan prej 20 vjetësh mungesën e ujit të pijshëm. Nëpër cesmat e shtëpive nuk ka asnjë minutë ujë dhe e vetmja zgjidhje për banorët është një cezmë në afërsi të kalasë e cila shteron në verë. Kryetari i bashkisë gjatë takimeve elektorale premtoi zgjidhjen e këtij problemi jetik për banorët e lagjes Shehër.

Ekonomia botërore po mundohet të dalë nga kriza e rëndë e borxheve, por rimëkëmbja mbetet e dobët, sidomos në Evropë. Kryetarja e FMN-së, Christine Lagarde sugjeroi se ulja e shpejtë e shpenzimeve buxhetore në vendet e zhvilluara siç është SHBA dhe ekonomitë e mëdha në Evropë, në vend që të përmirësojë situatën, mund ta përkeqësojë edhe më tepër atë.

Mit Romni ka bërë tripletë në zgjedhjet primare të republikanëve. Pasi ka “pushtuar” Uashingtonin dhe Merilendin, Romni ka fituar edhe në Uiskonsin.

Ish-guvernatori i Masaçusets ka thelluar kështu edhe më shumë avantazhin përsa i përket delegatëve nga kundërshtari i tij Rik Santorum. Romni është gjithmonë e më shumë pranë arritjes së 1144 delegatëve, numër që siguron matematikisht nominimin për në Shtëpinë e Bardhë.

Me këto tre fitore Romni ka arritur kuotën e 600 delegatëve dhe me shumë mundësi do të jetë ai kundërshtari i Obamës më 6 nëntor.

Për hapjen e terrenit për ndërtimin e by passit të Shkozetit janë prishur gjatë kësaj të marte edhe 6 objekte të tjera në unazën e Shkozetit. Në aksionin e shembjes së këtyre objekteve kanë qenë të pranishëm Inspektoriati Ndertimor Urbanistik Kombetar dhe policia e rendit. Banoret e ndertimeve qe jane shembur kane kundërshtuar aksionin duke deklaruar se disponojne dokumentacionin e plote per pronesine e objekteve, nderkohe qe nuk jane shpronesuar per shembjen e tyre.

Vejusha e liderit të fundit komunist të Gjermanisë Lindore mbroi rendin ashpër policor gjatë regjimit komunist ndërsa shprehu trishtim të thellë për bashkimin e vendit, në një intervistë të rrallë televizive. 

84-vjeçarja Margot Honeker, e cila jeton në azil në Kili që prej rënies së Murit të Berlinit, mbajti gjatë regjimit rolin e Ministres së Arsimit, e cila përkujdesej edhe për formimin ideologjik të brezave të rinj.

Pala greke nuk ka as predis pozicionin më të vogël të vërë në dyshim vendimin e Gjykatës Kushtetuese. Por, është e qartë se duhet gjetur një mënyrë që të përballohet stanjacioni në të cilin është futur kjo çështje”.

Kështu shprehet Nikolaos Pazios, Ambasadori i Greqisë në Shqipëri, në një intervistë ekskluzive për “Gazetën Shqiptare”, i pyetur në lidhje me Marrëveshjen Detare mes Shqipërisë dhe Greqisë. Pazios deklaron gjithashtu se, qeveria greke është e hapur për të pritur propozimet e palës shqiptare.

Presidenti francez Nicolas Sarkozy, konfirmohet në krye të turnit të parë të zgjedhjeve për Elizeun me 29,5 për qind (2 pikë më shumë), kundrejt socialistit Francois Hollande i cili ka 27. 5 për qind. Kështu tregojnë rezultatet e sondazhit më të fundit të kryer nga Ipsos dhe të publikuar nga France Televisions, Radio France e Le Monde. Sipas të njëjtit sondazh, kandidati socialist do të dalë në balotazh me 55 përqind të votave  kundrejt 45 për qind që pritet të marrë Sarkozy. Albanian Screen

Nënkryetari i Partisë Lëvizja e Legalitetit, Murat Basha deklaroi mbrëmë se nëse do ta kishte djalin e tij gay, do ta vriste. 

"Homoseksualizmi është sëmundje. Unë po ta kisha djalin gay do t'i fusja plumbin ballit", deklaroi Basha gjatë një interviste televizive.

Deklarata e Bashës pason atë të kryetarit të PLL-së, Ekrem Spahiu pak ditë më parë i cili deklaroi për "Gazetën Shqiptare" se gay-t meritojnë një hu për faktin se do organizojnë një Gay Parade në Tiranë.