Arkiv-Lajme të përditësuara

Shqipëria europiane dhe mesdhetare, kultura dhe realiteti i saj ishin temat në qendër të takimit që u zhvillua të premten, 30 Mars 2012, në Bibliotekën “Italo Calvino” të Torinos me gazetarët torinezë Rosita Ferrato dhe Sergio Miravalle. 

Gjatë takimit të organizuar nga Qendra e Kulturës Shqiptare në bashkëpunim me bibliotekat e Torinos, dy firmat e njohura të shtypit italjan i përcollën publikut të pranishëm vështrimet e tyre mbi Shqipërinë, përmes fotografive dhe shënimeve të udhëtimit të mbledhura gjatë vizitave të zhvilluara në vendin tonë. 

Shpella e Trenit në Devoll, një vlerë e trashëgimisë historike në rajonin juglindor duket e lene ne harrese nga vizitoret dhe turistet por edhe nga shteti. 

Shpella është e hapur dhe pa roje gje e cila lejon hyrjen e lire, ndersa mungon sinjalistika orientuese. Mungesa e nje guide turistike, pjese e te ciles te jene te gjitha sitet arkeologjike apo monumentet e kultures se qarkut te Korces ka bere qe nje pjese e mire e tyre te lihet ne harrese nga vizitoret. 

Në prag të 67 vjetorit të masakrës së Tivarit, një pjesë e historianëve kanë kërkuar që historiografia shiqiptare të zbardh përgjegjësinë e shtetit komunist mbi këtë masakër. Sipas tyre, 67 vjet më pas kjo ngjarje është ende e veshur me hipokrizi. Ndërkohë historianët theksuan edhe domosdoshmërinë që shteti malazez të hap një hetim të mirëfilltë për këtë ngjarje.

Historianët dhe studiuesit kanë cituar fakte e dokumenta kryesisht nga arkiva të huaj, ku shteti shqiptar dhe Enver Hoxha implikohen drejtpërdrejt.

Pas miratimit të propozimit të Komunitetit Mysliman për ndërtimin e Xhamisë së Re, tek Namazgjaja, Komisioni ka shqyrtuar propozimet, për mënyrën e projektimit të Xhamisë së Re, bëri të ditur sot Bashkia e Tiranës në një njoftim shtypi.

Niveli i të diplomuarëve në drejtësi është shqetësues. As 30 kandidatëve të këtij viti për shkollën e Magjistraturës nuk kanë arritur të marrin minimumin e pikëve, ndonëse këta konkurentë konsiderohen si më të mirët në vend. Shqetësimi vjen nga drejtoresha e shkollës së Magjistraturës, Marjana Semini.

Ish-kryeministri rumun, Adrian Nastase u dënua sot me tre vjet burg me kusht për shantazh, pas një procesi gjyqësor të hapur në vitin 2006 dhe u që ndoq nga afër nga Bashkimi Evropian.

Ish-kreu i qeverisë socialdemokrate gjatë periudhës 2000-2004, u dënua me akuzën për korrupsion. Ai ishte akuzuar se kishte marrë ryshfet, me një vlerë totale 630 000 euro nga pronarja e një shoqërie ndërtimi, Irina Jianu, të cilën ai e kishte emëruar në krye të Inspektimit të Punëve Publike.

Grupe të së djathtës ekstreme nga e gjithë Evropa pritet të mblidhen të shtunën në Danimarkë për të mbajtur një tubim anti-islamik.

Demonstrata është organizuar nga Liga Angleze e Mbrojtjes, e cila deklaron se në këtë mënyrë dëshiron të ndalojë atë që e ka quajtur “islamizimi i Evropës”.

LAM deklaroi se shpresonte se manifestimi në fjalë do të bëhet zanafilla e një lëvizjeje më të gjerë në mbarë kontinentin e vjetër.

Aktivistë kundër racizmit janë të shqetësuar se grupe të egra islamofobike në Evropë po bashkojnë forcat.

Të gjithë konsumatorët familjarë që nuk kanë paguar faturat e ujit të pijshëm që prej vitit 2008 kanë afat deri më 15 prill për t’i shlyer këto detyrime pa kamat-vonesa. Ndërkohë që bizneset dhe institucionet shtetërore nuk do të përfitojnë nga kjo lehtësi, por janë të detyruara që të respektojnë afatin e vendosur për të paguar borxhet e tyre. Pas datës 15 prill, ndërmarja e Ujësjellësit të Tiranës do të ndërpresë furnizimin me ujë të pijshëm për të gjithë abonentët debitorë. 

Lodrat qe tregtohen ne vendin tone,ne tregje ambulatore por edhe dyqane e qe nuk permbajne asnje etikete apo ndonje informacion mbi përbërjen e tyre  kane rrezultuar te demshme per jeten e femijeve. 

 Ekonomia greke është tkurrur me 15 % që nga fillimi i krizës, tregon raporti i Komisionit Evropian. 

Sipas raportit, në Greqi 9 muajt e parë të vitit 2011 humbën 370 000 vende pune. Numri i të papunëve u rrit në 9,1%. 

Rritjen më të madhe të papunësisë në Bashkimin Europian e kishin Irlanda, Greqia, Spanja, Letonia dhe Bullgaria. 

Raporti vëren se papunësia në BE në veçanti godet të rinjtë (të moshës 15- 24 vjeç) dhe në shumë vende mesatarisht ka arritur në 22,4%, ndërsa në vende si Greqia dhe Spanja rreth 50%.