Arkiv-Lajme të përditësuara

Trazirë dhe stuhi politike ka shkaktuar ajo që është thënë gjatë bisedës telefonike mes presidentit Papulias dhe kancelares gjermane Angela Merkel, ku siç u njoftua zyrtarisht, kjo e fundit ka propozuar zhvillimin e një referendumi, krahas zgjedhjeve, me pyetjen "nëse grekët duan të qëndrojnë ose jo në eurozonë". 

Sipas kryeministrisë në Athinë, në telefonatën Papulias-Merkel dje në mesditë, është folur për zhvillimin e një referendumi. Pas bisedës telefonike, presidenti Papulias informoi kryeministrin Pikramenos, i cili nga ana e tij informoi udhëheqësit politike. 

Presidenti i Francës Fransua Hollande konfirmoi përpara shefit të Shtëpisë së Bardhë Barak Obama synimin për të tërhequr para kohë trupat nga Afganistani. Gjatë takimit të të dy lidërve në hapje të samitit të G8-ës u diskutua për Afganistanin, krizën e Eurozonës, për Sirinë dhe çështje të tjera ndërkombëtare. Presidenti Hollande i kujtoi Presidentit Obama zotimin që ai kishte marrë ndaj popullit francez dhe se mbështetja e Francës për Afganistanin do të vazhdojë në një formë tjetër. 

Autoritetet në Beograd bënë të ditur se në qytet është duke u përgatitur një strehë për homoseksualët e refuzuar nga familjarët e tyre. 

Kryetari, Dragan Xhillas, e quajti "të turpshëm" refuzimin që prindërit u bëjnë fëmijëve për shkak të orientimit të tyre seksual. 

Homofobia vazhdon të jetë një fenomen i përhapur në Serbi edhe pse qeveria kërkon mbrojtjen e të drejtave të homoseksualëve si pjesë të reformave të nevojshme për anëtarësim në Bashkimin Evropian. 

Shoqata e te verberve te qarkut te Korces ka protestuar para prefektures se qytetit ne mbrojtje te te drejtave te humbura nga ndryshimi i ligjeve. 

 Lëvizja MJAFT ka kundërshtuar sot emrin e Fatos Nanos, Jozefina Topallit dhe Ilir Metës për postin e presidentit të Republikës. Të rinjë të kësaj lëvizje kanë improvizur para institucionit të presidencës larjen e posterave të Nanos, Topallit dhe Metës, që sipas tyre janë të zhytur në llumin e korrupsionit. 

Pas Italisë, Moody's ka ulur vlerësimin edhe për 16 banka spanjolle, duke i dhënë kështu një tjetër goditje vendit që po mundohet të ulë borxhin. Kompania ka cituar si arsye, efektet e recesionit dhe dyshimet se qeveria spanjolle mund të bëjë më shumë për t'i mbështetur bankat. Zhvlerësimet vijnë pas raporteve së tërheqjes së madhe të depozitave nga banka e katërt më e madhe e Spanjës, Bankia, të cilën, qeveria e ndihmoi në maj. Zhvlerësimet e sotme rrisin presionin mbi monedhën e përbashkët europiane, e cila po humb vlerën si rezultat i krizës ekonomike dhe politike në Greqi. 

Gjuha angleze do të bëhet provim final në maturën shtetërore ndërsa mësimi i saj do të nisë që në klasën e tretë fillore. Kështu është shprehur kryeministri Berisha në konferencën "English for thë Next decade". Berisha kërkoi gjithashtu që të gjithë mësuesit të jenë angishtfolës.

Ai foli gjithashtu edhe për tarifat e TOEFL-it në universitete. Kryeministri i kërkoi Ministrisë së Arsimit që bashkë me rektorët të zgjidhin çështjen për të ulur tarifat, në mënyrë që të përfitojnë të gjithë 
studentët. 

Kriza në vendet e Eurozonës pritet të dominojë samitin dy ditor të G8-ës që nis sot punimet në Kemp Dejvid, të Shteteve të Bashkuara të Amerikës. Presidenti Obama, mikpritësi i këtij samiti të rëndësishëm i ka nxitur krerët europianë që të bëjnë më shumë për të stimuluar rritjen ekonomike, e cila rrezikon të infektojë ekonominë amerikane e për pasojë edhe një rizgjedhje të Obamës si president i Shteteve të Bashkuara në muajin nëntor. 

Bursat europiane u hapën me humbje të rëndësishme ditën e premte, si rrjedhojë e shqetësimeve rreth mungesës së stabilitetit të industrisë bankare në Greqi dhe në Spanjë. 

Në Madrid, bursa u hap me një rënie prej më shumë se 2%, ndërsa Londra dhe Frankfurti nisën kuotimet e tyre me 1% më pak në vlerë.

Frika e përshkallëzimit të krizës në Eurozonë ka pasur një impakt edhe në tregjet ndërkombëtare, pasi në Azi, bursa e Tokios, “Nikkei”, nisi ditën me humbjen më të madhe në një ditë të vetme që prej gushtit 2011, me 3%.

Presidenti i ri francez, Fransua Hollande dhe ministrat e tij socialistë, miratuan sot vendimin për zvogëlimin e pagave të tyre me 30%. 

Pas përfundimit të takimit të parë të qeverisë së re franceze, ministrat bënë të ditur se qeveria e filloi punën me miratimin e uljes së pagave dhe me nënshkrimin e aktit etik për të shpenzuar më pak para në udhëtime dhe në ministritë e tyre. 

Gjatë fushatës, presidenti Fransua Hollande kishte premtuar uljen e pagave, duke thënë se kjo do të bëhej për të “treguar shembull”.