Arkiv-Lajme të përditësuara

Zgjedhja e Francois Hollande në krye të Francës dhe programi i tij për daljen e Europës nga kriza financiare nëpërmjet rritjes ekonomike, sigurisht që nuk do të lërë pa prekur disa nga politikat e mëparëshme të ish-presidentit francez, Nicolas Sarkozy. 

Në këtë kuadër, liderët e BE-së, duke i paraprirë G8 në Camp David në Shtetet e Bashkuara, kanë shtuar kontaktet me njëri-tjetrin për t’u njohur edhe njëherë me qendrimet e tyre për kapërcimin e krizës financiare.

 Gazeta prestigjioze londineze "The Guardian" në shkrimin për Javën e Shekspirit, mbajtur në Londër, tregohet e pamëshirshme me të tri trupat ballkanike, atë serbe, atë shqiptare dhe atë maqedonase. 

Kriza evropiane e borxheve dhe efektet e saj të mundshme në ekonominë botërore, do të jenë në qendër të takimit të udhëheqësve të G8-tës në takimin që do të zhvillohet në pikën presidenciale të  pushimit Camp David, në afërsi të Uashingtonit.Presidenti i ri francez Francois Hollande do të marrë pjesë në takim si dhe do të vizitojë Shtëpinë e Bardhë. 

I vetmi udhëheqës që do të mungojë në takim do të jetë presidenti rus Vladimir Putin, por në vend të tij për të përfaqësuar Rusinë do të jetë kryeministri dhe ish-presidenti Dmitry Medvedev.

Kryeministri britanik, David Cameron, ka paralajmëruar udhëheqësit e Eurozonës të zgjidhin problemet me borxhet, përndryshe rrezikojnë shpërbërjen e këtij blloku si pasojë e krizës në Greqi. 

Këto vlerësohet të jenë komentet më pesimiste të kryeministrit britanik në lidhje me situatën në Eurozonë, të cilat do të zemërojnë udhëheqësit evropianë, të irrituar që më parë me vendimin e vitit të kaluar të Britanisë për të refuzuar miratimin e paktit të ri fiskal të Bashkimit Evropian. 

Turqia, një fuqi rajonale në zhvillim, do të hyjë në vitet e ardhshme në radhët e dhjetë ekonomive më të fuqishme të botës. 

Parashikimi është bërë nga ambasadori amerikan në Ankara, Francis Ricciardone, sipas të cilit vendi i madh i lindjes së Mesdheut po udhëton me një ritëm rritjeje prej 8.5 për qind. 

Që tani, Turqia është ekonomia botërore e 16-të dhe synon të bëhet e teta brenda vitit 2023, kur dhe do të festojë 100 vitet e republikës laike të themeluar nga Mustafa Qemal Ataturk. 

 Greqia ka tashmë një qeveri të përkohshme deri ne 17 Qershor.

Kryeministri Panajotis Pikramenos njoftoi në orët e hershme të mëngjesit të sotëm, përbërjen e qeverisë së tij, e cila do të çojë vendin në zgjedhje. 

Ajo përbëhet nga 16 ministra, (pa zëvendësa), të cilët janë kryesisht profesorë universiteti, ish-ministra dhe diplomatë. 

Betimi i qeverisë së re u bë paradite në Presidencë. Më pas u zhvillua ceremonia e betimit të deputetëve në parlamentin e 6 Majit, i cili do të shpërndahet përsëri nesër, për t'i lënë vendin fushatës zgjedhore. 

Lideri i së majtës radikale në Greqi, Alexis Tsipras, akuzoi Bashkimin Europian dhe Kancelaren Angela Merkel se janë duke luajtur poker me jetën e të gjithë europianëve, duke këmbëngulur në masat shtrënguese të kursimit. 

Partia “Syriza” e Tsipras pritet të dalë fituese nga zgjedhjet e 17 qershorit, te shpallura te merkuren nga presidenti Karolos Papulias. 

Vetëm një ditë para aktivitetit që pritet të mbahet nesër në Tiranë, në Ditën Botërore Kundër Homofobisë kreu i prezencës së Bashkimit Europian në vendin tonë Ettore Sequi ka shprehur qëndrimin e tij në mbrojtje të respektimit të të drejtave themelore të njeriut. 

“Do të doja të rikujtoj se qëndrimi im lidhur me çështjen e të drejtave të lesbikeve, homoseksualëve, biseksualëve dhe personave transeksualë (LGBT) mbetet i palëkundshëm dhe po ai që kam shpehur me të gjithë Ambasadorët e Bashkimit Evropian në Shqipëri në një deklaratë të mëparshme më 27 mars.”,- shprehet Sequi. 

Presidenti i ri i Francës, Francois Hollande dhe kancelarja gjermane Angela Merkel, u shprehen gjate konferencës së përbashkët në Berlin, se Greqia duhet të qendrojë në Eurozonë, megjithëse bisedimet për formimin e qeverisë dështuan dhe vendi do të ketë zgjedhje sërish në muajin qershor. 

"Çfarëdo qe mund të bëjmë për ta ndihmuar nga ana strukturore Greqine, per ta ndihmuar me rritjen, me organizimin, do ta bëjmë dhe besoj se kemi rënë dakort që Greqia i përket Bashkimit Europian dhe Eurogrupit dhe kerkojme ta nxisim ta nxisim këtë”, tha Merkel.

 Pas dështimit të disa përpjekjeve për krijimin e një qeverie, Greqia ndodhet tani para zgjedhjeve të afërta. 

Liderët politikë fitues në zgjedhje, janë mbledhur sot, ashtu siç e parashikon Kushtetuta, për të krijuar një qeveri të përkohshme, e cila do të drejtohet nga një prej tre kryetarëve të Gjykatave Supreme të vendit, nëse gjithë udhëheqësit politikë nuk bien dakord për një person tjetër. 

Në takim nuk shkoi kryetari i Agimit të Artë, Nikos Mihaloliakos. "Unë refuzoj për të legjitimuar talljen dhe përbuzjen ndaj 440 992 votuesve të Agimit të Artë", tha ai.