Alternative

Dimri ka shtrirë këmbët edhe pse temperaturat në këto ditë të bëjnë të mendosh se je në pranverë, por njerëzit që kolliten, tështijnë dhe që nuk duken në punë se janë sëmurë tregojnë se është ende Janar. Eshtë një realitet i trishtë që muajt e ftohtë bashkohen me të ftohtët e gripin, por është një fakt. Madje edhe më të fiksuarit ndaj higjienës dhe dizinfektantëve të duarve nuk i shpëtojnë dot virozave, duke u palosur në shtrat për ditë të tëra të sëmurë nga gripi.

Bëri bujë veprimi protokollar i palës italiane gjatë vizitës së presidentit të Iranit Hasan Rouhani në Romë, e cila në muzeun Capitoline mbuloi statujat nudo. Kjo me idenë se mysafiri, që përfaqëson një Republikë Islamike, mund të ndihej i fyer. Madje u shmang nga menuja e drekës edhe vera apo pijet alkoolike. Kjo sjellje ka sjellë reagime ironike nga iranianët, që siç raporton BBC-ja janë tallur jo pak. Ka disa prej fotove që ironizojnë këtë veprim, i cili në emër të kujdesit për të shmangur mërzinë e mikut, shpalosi pa dashur një fyerje për iranianët.

Dy shqiptarë tentojnë të vjedhin një apartament në Milano të Italisë. Ky nuk është më lajm. Lajmi është se një nga dy hajdutët shqiptarë, një 39 vjeçar, është kapur nga banorët që e kanë rrahur vendçe deri sa është shpëtuar nga karabinierët. Kjo ka ndodhur në sheshin “Gabriele Rosa” . Janë lënduar edhe disa banorë, që si duket kanë marrë pjesë në leksionin e duhur që rezultoi me shtrim në spital për hajdutin. 

Inxhinieri kanadez Charles Bombadier ka prezantuar një projekt që synon të shkurtojë në mënyrë radikale kohën e udhëtimit me avion. “Antipode” është emri i projektit që konsiston në një avion me shpejtësi deri në 24 Mach. Sipas asaj që prezantohet avioni merr 10 pasagjerë dhe distancën mes Londrës dhe New Yorkut e kryen për 11 minuta. Ai lëshohet në ajër nga një sistem i ngjashëm me atë të një treni që del nga një tunel nën ndikimin e fushës magnetike dhe mandej me karburante si oksigjen i lëngshëm apo kerosen arrin deri në 10 Mach.

Në kampin Auschwitz vdiqën më shumë se një milion njerëz, të vrarë në dhomën e gazit, të rraskapitur nga kushtet e pamundura të punës, ekzekutimet e shumta, rrahjet dhe torturat nga agjentët.
Viktimat ishin kryesisht hebrenj, rusë, polakë dhe rom. Kampet e vdekjes, vendet e terrorit u çliruan më 27 janar 1945. Momentet e shpresës, në të cilën u gjetën rreth 7 mijë të burgosur ende gjallë, njerëzimi i kujton ende sot, në ditën e përkujtimit të Holokaustit. ‪

Një foto e publikuar online, ku shfaqet një djalë i vogël me një bluzë të Lionel Messit, improvuzar  nga qese plastike, bëri bujë. BBC-ja informon se e ka indetifikuar djalin si Murtaza Ahmadi nga Afganistani. Kjo pasi, xhaxhai i djalit, Azim Ahmadi, që jeton në Australi, postoi fotografi të nipit që janë shumë të ngjashme me atë që bëri bujë. Messi ka deklaruar se do t’i dërgojë një bluzë vogëlushit që jeton në një familje shumë të varfër në Jaghori, në provincën Ghazni. 

Megjithë mundësitë që ofron teknologjia, ka disa vende që mbahen larg syve të publikut. Ja disa prej tyre: 

http://www.thesun.co.uk/sol/homepage/features/6881512/These-sites-are-so...

Një dëshmi e re ka dalë në dritë nga terrori nazist në kampet e përqendrimit gjatë Luftës së Dytë Botërore. Një i mbijetuar nga kampi i Dachaut, ka depozituar në vitin 1951 një dëshmi të jetës së vet në kampe, ku përfshihen eksperimente të tilla si hipotermia terminale dhe infektimi i qëllimshëm me malarie. Personi  quhet Reinz Reimer, i cili përveç Dachaut ka qenë edhe në Mauthausen dhe dëshmia e tij u zbulua së fundmi në Arkivën e Qendrës Sioniste në Jeruzalem. Reimer konsiderohet një ndër të rrallët që iu nënshtrua eksperimenteve të hipotermisë dhe mbijetoi.

Kina di të tërheqë turistë edhe në rajone që rrallë vizitohen. “Ura e trimave”, siç quhet ura prej xhami në parkun kombëtar të Shiniuzhai.

Këto janë disa foto nga jeta studentore në ish-Bashkimin Sovjetik.