Spiropali shpalos arritjet e doganave për dhjetorin. A kanë ndikuar vetëm reformat?

Tejkalimi i mbledhjes së të ardhurave nga doganat ka nxjerrë para mediave drejtoreshën e Përgjithshme të Doganave Elisa Spiropali, e cila e quajti dhjetorin 2013, si muajin më të suksesshëm të mbledhjes së të adhurave. “Janë mbledhur 165 milionë dollarë. U realizua rekordi prej 129%. Dhjetori 2013 ka arkëtuar 40 milionë dollarë më shumë se dhjetori 2012”, tha sot Spiropali në një prononcim nga Ministria e Financave. Spiropali vlerësoi si mjaft të arrirë dhe mbledhja e të ardhurave në tre mujorin e fundit të 2013, kur janë arkëtuar 60 milionë dollarë më shumë se viti paraardhës. Sipas saj, arritjet e 3 muajve të fundit nuk janë rastësi, por rezultat i një sërë reformash të ndërmarra, dhe luftës antikorrupsion duke ndërprerë rrugën korruptive. Por përveç reformave, mund të ketë edhe një arsye tjetër për këtë fluks zhdoganimesh në dhjetor: Ishte muaji i fundit para se të hynte në fuqi paketa e re fiskale, ndaj dhe tregtarët kanë nxituar të mbushin magazinat.

a.k