Ilva Tare i këshillon të presin përpara se të nisin festimet, ata që kujtojnë se e kapën pushtetit pas 23 Qershorit

Në rubrikën e saj të përjavshme te Java, Ilva Tare analizon përmes një shkrimi të titulluar “Shok dhe Shpresë” situatën e re politike që i ka bërë shumë njerëz, të majtët anti-Rama dhe të majtët pro-Rama, të paangazhuarit kundër Berishës dhe të të angazhuarit kundër Berishës, të përjetojnë pikërisht ndjesinë e shokut dhe të shpresës.

Për ata që ndjejnë shpresë nga ky aliazh politik, Tare shkruan: ...ata që u mbushën me shpresë se e kapën pushtetin pas 23 Qershorit, u këshilloj të presin përpara se të nisin festimet, se sic thotë edhe populli gëzimi pret. Bashkimi Rama-Meta mund të jetë shpresëdhënës për ata që mendojnë se konstantja historike e votës në Shqipëri favorizon të majtën në pushtet, por nuk duhet të harrojnë se e majta dhe e djathta e kanë humbur kuptimin në Shqipëri dhe se 23 Qershori do të jetë prova më interesante që kanë kaluar ndonjëherë politikanët tanë. Ka faktorë dhe aktorë të rinj. Ka pazare më të qarta. Ka pritshmëri më të ulët. Më shumë miliona për tu shpenzuar. Më shumë miliona për tu humbur në rast se bëhesh kilent I grupit humbës. Mbi të gjitha ka perceptim mbarëkombëtar se të gjithë bëhen me të gjithë mjafton të marrin pushtet dhe të dinë ta ndajnë atë...”

k.c.

I plotë:

http://gazetadita.al/shok-dhe-shprese/