Biznesmeni Taçi nuk ikën nga vendi dhe “do të jem këtu për përballje me drejtësinë”

Edhe biznesmeni Rezart Taçi do të përballet me drejtësinë dhe “të jeni të bindur që do të jem i hapur për hetime. Siguroj se do vazhdoj të qëndroj në Shqipëri”, ngjashëm me një deklarim të mëhershëm të gjyqtarit të Pukës, Shtjefën Lleshi. Pohimi i Taçit, i kallëzuar në prokurori bashkë me pjesëtarë të tjerë të familjes si dhe bashkëpunëtorë, është bërë për Gazetën Shqiptare që i ka marrë atij një prononcim të shkurtër telefonik. Taçi deklaroi se nuk mund të flasë për detajet e akuzave ndaj tij për evazion fiskal, falsifikim etj, pa u njohur më parë me dosjen. Zyrtarë të prokurorisë, të pyetur për dosjen “Taçi” po ashtu thanë se kanë se është ende herët për të folur për gjëra konkrete. Hetuesit brenda pak ditësh pritet të thërrasin në prokurori biznesmenin Taçi dhe pjesëtarët e familjes së tij, motrën Anika Taçi, babain Mustafain, të ëmën dhe dy bashkëpunëtorë, të cilët dyshohet se kanë bashkëpunuar duke kryer vepra penale, që i kanë shkaktuar shtetit shqiptar një “gropë” të madhe në biznes.

Më gjatë, në linkun: http://www.balkanweb.com/kryesore/1/rezart-taci-nuk-iki-nga-shqiperia-i-gatshem-te-perballem-me-drejtesine-164733.html

a.k