E shtunë rozë: Berisha “psikologjis” Ramën

Në një postim të gjatë në FB ish-Kryeministri Berisha merr nën mbrojtje Imamin, dhe i bën një “psikologjisje” Edi Ramës (ndihmuar edhe nga një psikologe me nofkën “Elda”) për të treguar se gjithçka me Imamin është “hakmarrje” e Edi Ramës prej komplekseve me Dhjetorin '90

Pjesë nga postimi:

“...unë vetë mendova se ai u vetshpall dhjetorist këtë vit për të pudrosur aktet e tij antishtet, antiligj, antikushtetuese. Por duket se të gjithë gabuan. Vetëm Elda, një ish studente e Arteve, guximtare, energjike por edhe tërheqëse dhe aktiviste e zjarrtë e atyre ditëve, tani specialiste e shquar në psikoanalizë, duket se e zgjidhi rebusin...”

Më poshtë, zgjidhja:

“Rama, pohon Elda, nga ditët e dhjetorit mbeti i plagosur rëndë. Ato katër ditë të paharruara të dhjetorit ’90, që u bënë dhe ditët më të veçanta të jetës sonë, nuk ishin të tilla për Edin. Jo. Ato ishin ditë tersi të vërtetë për të. Unë e di se ju mund të mendoni se ato ishin ditë skëterre për të, sepse humbi pushtetin e etërve. Jo, jo Doktor, nuk është ashtu, sepse ai vetë, ato ditë për ngadhnjimin e tij, do të ishte dakord t’i piqte ata në furrë... Ato ishin dhe mbeten ditët më të zeza të jetës së tij, sepse në vend të tij, protagonist për artet dhe botën e arteve, nuk u bë ai, nuk ishte ai që do të dilte si një ndër liderët e lëvizjes së atyre ditëve, por ishte dikush tjetër, një pedagog i tij, Arben Imami...”

k.c.