Rama: Mirëpresim AK-në në koalicion – jashtë tij ajo i shërben Berishës

Në një takim që Edi Rama ka pasur me strukturat e PS-së së Tiranës ka ritheksuar se partia që ai drejton është e hapur edhe për një koalicion me Aleancën Kuqezi. Rama theksoi se “do ta presim Aleancën Kuq e Zi deri në fund. Por kush nuk vjen me ne është me Berishën”.

Lidhur me ardhjen e LSI-së në koalicionin opozitar e ri, Rama vlerësoi se ajo nuk ka prishur asnjëherë marrëveshje. “Në 2009 LSI nuk kishte asnjë detyrim ndaj nesh, sot ajo është në koalicion me ne”.

Më tej kryetari i PS, theksoi se opozita do të bëjë fushatë derë më derë, me intensitet të lartë.

Nga ana tjetër, Kreu i Aleancës Kuq e Zi, Kreshnik Spahiu, duke folur për “Vizion Plus”, është shprehur se përpara AK-së, ndodhen tre alternativa: një aleancë me PS-në, dalja më vete në zgjedhje, apo një aleancë me FRD-në. Dhe brenda një jave do të merret vendimi përfundimtar.
Re.Pu.