Shqiperia

Sot paradite syve të lexuesve të mediave online u është ngjitur në sy një përkthim I një shkrimi të Alastair Campbell, ish-këshilltar i kryeministrit Tony Blair. Fjalë të sheqerosura për Shqipërinë, drejtuar britanikëve që duhet të heqin dorë nga paragjykimet për vendin tonë dhe të vijnë e të pushojnë këtu. Fjalët përfshijnë mrekullinë e brigjeve shqiptare që sipas shkencës morfologjikisht, gjeologjikisht dhe për numër ditësh me diell, janë thuajse identikë me ato të Malit të Zi, Kroacisë dhe Greqisë.

Në një intervistë para dy ditëve ish-Presidenti i Republikës Bujar Nishani, deklaroi ndër të tjera se “ShISh ka shpëtuar shumë jetë njerëzish”. Ai i referohej rasteve të parandalimit të akteve terroriste dhe këtu nuk kemi pse të vëmë në dyshim atë që thotë ish-kreu i Shtetit.

Por sjellja në vëmendje e këtij momenti nga intervista aq sa duhet të na kujtojë se nuk jemi larg goditjeve të terrorizmit, aq edhe vjen e merr një kuptim ironik, grotesk, në një konteskt si ky i yni, ku jeta vlen kaq pak, apo është paq e pasigurtë.

Stefan Albani, anëtar i Partisë Unionit Kristian Demokratik në Gjermani, deputet dhe kryetar i Grupit Parlamentar Gjermani –Europa Juglindore, ka dhënë një intervistë sot për “European Western Balkans” përmes të cilës jep disa komente për vendet e rajonit tonë dhe perspektivën e integrimit. Sipas tij ka një ngadalësim shqetësues në kursin e reformave, duke theksuar me këtë rast se Serbia si vendi me popullsinë dhe ekonominë më të madhe ka përgjegjësi kryesore në rajon. Albani thotë se anëtarësimin në BE mund ta marrin vetëm vendet që përmbushin kriteret e Kopenhagenit.

Tashmë është e qartë për të gjithë: pushteti i Tiranës po konkuron për të imponuar të vërtetën e vet që divergon me atë që ndodh përditë. Ka disa mënyra që janë shtënë në punë për këtë: së pari është fitorja elektorale që po shitet si përgjegjësi kur ajo është krejt e kundërta. 

Së dyti është dukuria e bashkëqeverisjes elektronike, ku populli merr pjesë me hallet e veta përmes mesazheve në kompjuter. 

Së treti është një lloj kriminalizimi i medias shqiptare që pavarësisht problemeve monitorohet nga pushteti dhe mbi të ngrihet edhe çdo fabul mëngjesore. 

Në ditët e para pas fitores së zgjedhjeve, kryeministri Rama dhe ministri i Energjisë Gjiknuri u kujdesën të rkthejnë në detyrë drejtorin e OSHEE-së Ardian Çela, ndonëse në serinë e prioriteteve ishin çështje të tjera.Shqipëria nuk ka përmbushur si duhet angazhimet për liberalizimin e tregut të energjisë. Sekretariati i Komunitetit të Energjisë, ndryshe nga herët e tjera, në raportin e monitorimit të vendeve në Ballkanin Perëndimor, këtë vit kritikon Shqipërinë.

Regjisori i njohur rus, Aleksandër Sokurov, i cili ndodhet në Shqipëri për realizimin e një filmi të bazuar mbi skenarin e Ismail Kadaresë ka dhënë një intervistë për emisionin “Kapital” të gazetarit Aleksandër Furxhi ku ka shprehur impresionet e tij për Shqipërinë. Si regjisor me eksperiencë, fitues i 20 çmimeve në festivale ndërkombëtare të filmit ai pranon se arti dhe politika është një raport bashkëveprimi që dirigjohet nga interesat e udhëheqësve politikë sidomos në vende me tipare autokratike.

Deklarata përmbyllëse e Samitit të Triestes është e mbushur me fjalë të mira dhe optimiste. Duke e marrë zhvillimin e rajonit të Ballkanit Perëndimor në një konteskt teorik që i referohet përvojës frank-gjermane, Gjermania me aleatët e vet, ka menduar të eksperimentojë edhe këtu atë që provoi vetë. Siç e dimë modeli franko-gjerman i hapi rrugën Bashkimit Europian, padyshm një arritje jo e vogël, por i cili qysh në krizën e parë serioze, atë të vitit 2008, nxori në sipërfaqe diferencën e madhe mes Gjermanisë si dominuese dhe vendeve të tjera.

"Me ndihmën e CIA-s dhe aktorëve të tjerë perëndimorë, agjencitë e inteligjencës shqiptare, kroate dhe malazeze mund të bëhen një kërcënim i ri për Serbinë për shkak të marrëdhënieve të saj me Rusinë". Kështu shkruhet në një artikull të Sputnik që ka biseduar me një ish-punonjës të inteligjencës jugosllave. 

Sipas një burimi të cituar nga Sputnik, Serbia duhet të jetë e kujdesshme për një rrjet spiunazhi shqiptaro-kroat, sepse këto dy shtete kanë më shumë ankesa ndaj Beogradit sesa të tjerët.

Samiti i Triestes që u prezantua si një hap bujar i Europës për të afruar Ballkanin në gjirin e saj,  u shërbeu liderëve të rajonit për të treguar se vizioni i tyre ka mbështetjen e Brukselit dhe kësisoj ata kanë jo pak meritë në këto zhvillime. Zyra për shtyp e kryeministrit Rama përcolli një vlerësim të kancelares Merkel për kreun e qeverisë shqiptare dhe  për progresin që ka bërë vendi me qeverinë e tij. Ndërsa lajmi i përcjellë nga qeveria është se Shqipëria doli e para në listën e projekteve të fituara nga ky samit.

Ka një lloj gare mediatike për të kuptuar nivelin e financimit të projekteve nga BE-ja për vendet e Ballkanit Perëndimor që morën pjesë në Samitin e Triestes. Edhe pse u adoptua plani për një Zonë Rajonale Ekonomike, shifrat më të besueshme deri më tani, janë dhënë për mediat nga Komisioneri për Zgjerimin, Johanes Hahn, sipas të cilit për Ballkanin do të vihen në dispozicion 1 miliardë euro.