shkarkimi

Falja publike që deputeti Myslim Murrizi ka kërkuar për fyerjen ndaj personave me sindromën daun ka vënë në lëvizje kërkesën për shkarkimin e Avokatit të Popullit, Erinda Ballanca. 

Kërkesa drejtuar Parlamentit është bërë nga Shoqata e Thuthuqëve Autoktonë, që pretendojnë se ky institucion nuk reagoi ndaj kryeministrit Edi Rama për talljen dhe fyerjen që ky i fundit i bëri deputetit Edi Paloka për cenin fizik në të folur. Pra për thuthuqërinë e tij. 

Shkruante shumë për Matteo Salvinin, ministrin e Brendshëm të Italisë dhe e pushuan. Fjala është Giampaolo Pansa, autor i një rubrike të vjetër dhe të njohur në revistën “Panorama” që e ka krijuar që në vitin 1987 për ta zhvendosur për disa kohë edhe në “L’Espresso”.

Mathew Palmer shkarkohet. 

Ky “lajm” u përhap me shpejtësi në disa media online, pasuar mandej nga gjyqi politik i gazetarëve “seriozë” që ia ngopën “lajmin” të shndërruar në status “fake” Lulzim Bashës dhe Monika Kryemadhit. Për ca e ca bota është katrore: shpjegohet me Kryemadhin dhe Bashën. 

“Historia” është më e thjeshtë se kaq: “lajmi” bashkë me fotomontazhin e postimit tuiter të Mike Pompeo u realizua në Paint për t’u postuar në rubrikën “Të Kripura” në ResPublica, një rubrikë humoristike. 

Socialistët e Edi Ramës kanë zyrtarizuar nismën për shkarkimin e Presidentit Ilir Meta duke depozituar në kuvend 55 firma që kërkojnë nisjen e procedurës.

“Nisur nga akti dhe pasoja që ka sjellë, duke shkelur kushtetutën dhe duke u sjell arbitrarisht dhe duke shtyre zgjedhjet, duke cënuar parimin e periodicitetit e mandatit, duke nxjerrë akte në kundërshtim me ligjet, duke cënuar parimin e qytetarëve si sovran, vlerësojmë se këto përbëjnë shkelje shumë të rëndë të kushtetues dhe kërkojmë nisjen e procedurave për shkarkimin e presidentit të republikës”

Pa kaluar 1 orë e 30 minuta nga konferenca e jashtëzakonshme e Presidentit ku shtjelloi argumentat e tërheqjes së dekretit PS mblodhi kryesinë për të formalizuar qëndrimin se Meta duhet shkarkuar.

Në një deklaratë për mediat pas mbledhjes së kryesisë së PS-së, zëdhenësja e qeverisë, Elisa Spiropali ka bërë me dije se procedurat për shkarkimin e Metës, do të nisin këtë javë.

Ilir Meta kthen mbrapsht një tjetër propozim të qeverisë. Kësaj radhe bëhet fjalë për rektorin e Universitetit të Tiranës, Mynyr Koni, të cilin Presidenti ka refuzuar ta shkarkojë.

Deputeti Spartak Braho ka deklaruar në një intervistë të sotme për gazetën “Dita” se do të kërkojë shkarkimin e Agron Tufës nga detyra e drejtuesit të Institutit të Studimeve për Krimet dhe Pasojat e Komunizmit. Braho, i përfshrië në një polemikë me Tufën, thotë se kërkesa për shkarkim do të bëhet për shkak se Tufa abuzon me postin dhe përdhos me qëndrimet e veta Luftën Antifashiste Nacionalçlirimtare.

Burime pranë qeverisë shqiptare bëjnë me dije se është larguar nga detyra e drejtorit të Drejtorisë së Përgjithshme të Tatimeve, Vasilika Vjero. Nuk sqarohen arsyet e largimit, por këto tre muaj u verifikua rënie e madhe në mbledhjen e detyrimeve që imponoi kalimin në aksion në terren nga tatimorët. 

Të njëjtat burime sqarojnë për ResPublica se një emër i mundshëm për të ardhur në krye të DPTT-së është Enton Duro, aktualisht drejtor i Drejtorisë së Taksës së Pronës.

Ministrja e Infrastrukturës, Belinda Balluku, ka shkarkuar dje – formalisht dorëheqje – Etleva Kondin. Kondi mbante detyrën e Drejtorit të Drejtorisë së Partneritetit Publik Privat në këtë ministri.

Një ndër njerëzit kryesorë të kohës kur titullar ishte Damian Gjiknuri, Kondi ka qenë pjesë e projekteve kryesore koncesionare të firmosura nga qeveria e z. Edi Rama.

Kryeministrja britanike Tereza Mei mund të përballet me mocion mosbesimi në parlament, pasi  anëtarë të Partisë Konservatore pritet të dorëzojnë 48 firmat e nevojshme për të vënë në lëvizje procedurën parlamentare.

Duke cituar burime nga kampi i Brexit, Daily Telegraph thotë se votimi për mocionin mund të ndodhë të martën që vjen.

Sipas kësaj gazete, partia irlandezoveriore e DUP deklaroi se marrëveshja me Partinë Konservatore do të anullohet nëse kryeministrja e Britanisë Tereza Mei nuk zëvendësohet me një udhëheqës të ri.