pd

Partia Demokratike ka hapur procesin e verifikimit të shpërndarjes së popullsisë pas ndarjes së re territorial, në kudër të mandate për çdo zonë zgjedhore në votimet e ardhshme.

“Shekulli” raporton se PD-ja ka kërkuar zyrtarisht nga Komisioni Qendror i Zgjedhjeve informacion të qartë për lëvizjet demografike, kërkesë e cila u miratua 5:2 nga Komisioni. Informacioni do të duhet të paraqesë lëvizjet nga njëri qark në tjetrin, por edhe ndryshimin e njësive administrative për shkak të reformës territoriale.

Parimisht Partia Demokratike ka dhënë konsensusin për reformën në drejtësi, por miratimi në veçanti i ligjeve të paketës që do ta bënin funksionale këtë reformë është arma e fundit për t'i dhënë garancitë opozitës se në mënyrë naive nuk do t'i dhurojë fitoren në tavolinë mazhorancës. Fitore në planin politik dhe atë ekzekutiv. Kjo sepse një miratim pa kushte i këtij ligji por edhe atij të Vetting-ut do t'i jepte argument shumicës për të kurorëzuar hapjen e negociatave të anëtarësimit me Bashkimin Europian para zgjedhjeve të Qershorit.

Artan Gaçi, deputet i Partisë Socialiste, prurje personale e Edi Ramës aty, shkruan sot një opinion mbi dështimet e Partisë Demokratike. Që në fillim bie në sy ky shqetësim atipik për një përfaqësues të Rilindjes që I qan hallin opozitës, ndërkohë që bën pjesë në një ekip që do rilindë vendin si të tërë.

“3 vjet ne opozite qe vazhdon te shkoje nga deshtimi ne deshtim. Deshtoi me lidershipin. Deshtoi me hapjen dhe modernizimin e partise. Gjithe investimet e tyre ne burime njerezore e strategji jane katastrofe”, nis shkrimin Artan Gaçi.

Ndonëse nuk mbajti asnjë qëndrim zyrtar për zgjedhjet presidenciale në SHBA, Partia Demokratike, duket se është e qartë tani, pasi gjërat janë sqaruar. Ajo është me Presidentin e ri Donald  Trump, të cilit i ka marrë dekorin elektoral, por edhe devizën:

Shqipëria ringrihet – Make Democracy great again.

Kështu shkruan gazeta zyrtare e PD-së, “Rilindja Demokratike” që hapet me një foto të Lulzim Bashës marrë nga një kënd fotografik që u përdor shpesh edhe në fushatën e Trump.

Partia Demokratike deklaroi sot se është përjashtuar nga përfaqësimi në Komisionin e Autoritetit të Hapjes së Dosjeve  që  do të bëjë jo vetëm verifikimin e dosjeve të së kaluarës diktatoriale, por edhe verifikimin e gjyqtarëve dhe prokurorëve në lidhje me të shkuarën komuniste, pjesë e procedurës që parashikon Ligji i Vetting-ut.

Opozita shqiptare, të paktën ajo e përfaqësuar dhe mishëruar te Partia Demokratike e kualifikoi rekomandimin pozitiv për hapjen e negociatave sot nga Parlamenti Europian, si fitore të shumicës qeverisëse. Si arsye e parë e dukshme ishte "vota kundër" e PD-së. Pamjet e mëposhtme të një sherri mes deputëteve të saj, Aldo Bumçi dhe Majlinda Bregu e shtojnë dozën e rënies në pikiatë të PD-së, në planin politik, organizativ dhe atë programor. PD-ja luftoi fort në nivel mediatik për të popullarizuar një të vërtetë: Shqipërinë narkotike.

Deputeti I PD-së Aldo Bumçi ka depozituar disa amendamente ku i kërkohet Këshillit të Europës dhe Komisionit që për hapjen e negociatave për anëtarësim të Shqipërisë të vendosen kushte. Këtë pretendim PD-ja e ka përsëritur shpesh së fundmi, duke nxjerrë si sebep situatën e drogës në vend. Në një intervistë për ABC NEWS Bumçi tha shprehimisht se PD-ja është investuar qartazi në këtë drejtim:

Lefterije Luzi, kryetare Komisionit Qendror të Zgjedhjeve është skualifikuar nga gara për një mandate të dytë. Procedurat ligjore për zgjedhjen e kryetarit të këtij institucioni I japin PD-së, pra partisë më të madhe opozitare të drejtën e përzgjedhjes së dy emrave nga katër që shoshiten në Komisionin e Ligjeve. Dhe në fakt demokratët kanë zgjedhur Denar Bibën dhe Koli Belen në listën e përbërë edhe nga Lefterije Luzi dhe Rozeta Ivanova. Ky është një vendim I paralajmëruar, pasi Luzi u konfrontua me PD-në e cila edhe e zgjodhi në atë detyrë.

Partia Demokratike e ka të qartë aksionin saj opozitar, protesta popullore deri në bojkot përfundimtar të parlamentit. Nënkryetari i Partisë Demokratike Edmond Spaho, tha për "Ora News" se "qeveria po krijon të gjitha instrument për manipulimin e zgjedhjeve të ardhshme parlamentare, ndaj largimi i kryeministri Edi Rama, me çdo mjet demokratik është domosdoshmëri".

Ekziston mundësia që opozita të bojkotojë parlamentin dhe të nisë një seri protestash për të kërkuar largimin e kryeministrit. Këtë e konfirmoi për mediat kreu i Partisë Demokratyike, Lulzim Basha pas mbledhjes së grupit parlamentar.