pd
Përgjegjësi edhe formale për ngjarjen në Sharrë/Erjon Veliaj cakton administratorin e landfillit
Sekretari për Aksionin Qytetar në Partinë Demokratike, Ervin Salianji, ka deklaruar sot nisjen e atij që e quajti aksion për ligjin dhe drejtësin. Nisma lidhet me ngjarjen e landfillit të Sharrës, ku humbi jetën Ardit Gjoklaj, e në të cilën PD-ja kërkon përgjegjësinë e kryetarit të Bashkisë së Tiranës, Erjon Veliaj. Salianji ka zbuluar se Veliaj ka edhe përgjegjësi formale juridike, përpos se politike.
Klimë mosbesimi për zgjedhjet, a do të pranojë kryeministri votim dhe numërim elektronik?
Shtatori duket se do të nisë me një axhendë të ngjeshur politike. Debatit për ligjet e paketës së reformës në drejtësi pritet t'i shtohet edhe ai për reformën zgjedhore. Kur duhen edhe më pak 10 muaj për mbajtjen e zgjedhjeve, opozita i kërkon parlamentit që në shtator të nis puna për Reformën e re Zgjedhore duke lëshuar në tavolinë një propozim që sipas tyre është garanci për zgjedhje të lira e të ndershme.
Pse ligji nuk vepron për Sadriun?
Partia Demokratike vijoi edhe sot me akuzat për ndërtim pa leje nga deputeti socialist Sadri Abazi, duke denoncuar edhe mosveprimin e Inspektoriatit Ndërtimor për shtesën pa leje afër stacionit të Trenit në pronësi të Abazit. “Fqinjët e oligarkut të Ramës kanë njoftuar policinë dhe INUK-un para dy ditësh. Ata u paraqiten, por u larguan pas 5 minutash, pa marrë asnjë masë. Ndërtimi vazhdon edhe në këtë moment që flasim. Pse nuk e kap ligji Sadriun? Pse ligji funksionon për qytetarët, por jo për Sadriun? Sepse me Edi Ramën nuk ka ligj, por ka sundim bande.
Kur thotë “po” është (ndoshta) “po”: Në korrik i vardisej PD-së e fliste për qeveri teknike, në gusht bën fushatë që të qetësojë kryeministrin
Ilir Meta doli sot “rastësisht” me një prononcim të radhës në “Report Tv”. I pyetur për zhvillimet e fundit, nenin për mediat dhe SPAK-un, kreu i LSI-së është përgjigjur se do të ketë përmirësime. Duke kërkuar të shesë qetësinë pas stuhisë, Meta, njësoj si kolegu i tij kryeministër, ia ka faturuar fantazisë së mediave idenë e përçarjes me PS-në. Tha Ilir Meta: “Këto zëra asnjëherë nuk do të pushojnë edhe kur takohemi drejtpërdrejtë edhe kur komunikojmë në distancë.
Vëzhgim: Komisioni i Reformës në Drejtësi vijon punën normalisht. PD-ja pushon akuzat për Fatmir Xhafën dhe vëllanë e tij
Sot ka zhvilluar punimet Komisioni i Posaçëm për Reformën në Drejtësi. Një çështje që duket se u “harrua” nga opozita është prezenca në të e Fatmir Xhafës, drejtues i tij dhe përfaqësues i Partisë Socialiste. Për gati një javë, PD-ja akuzoi qeverinë, kryeministrin personalisht, se po fshihnin një kërkesë ekstradimi për Agron Xhafën, të vëllanë e drejtuesit të komisionit. PD-ja dhe kryetari i saj e akuzuan Agron Xhafën për përfshirje në trafikun ndërkombëtar të drogës duke kërkuar për këtë arsye largimin e Xhafës nga komisioni.
Loja e vjetër me zgjedhjet, akuza KQZ-së për mosregjistrim të partive të djathta në Dibër
Partia Demokratike ka akuzuar sot Komisionin Qendror të Zgjedhjeve për shkelje të ligjit në regjistrimin e partive politike të djathta për zgjedhjet në Dibër. Sipas PD-së, përgjegjës për krijimin e kësaj situate është kryeministri, për shkak se në këto zgjedhje është vetëm me 3 aleatë.
Rrugët e lëna përgjysmë dhe një opozitë që zvarritet
Mënyra sesi Partia Demokratike po bën opozitë me një seri deklaratash nga selia, shumica e të cilave janë kthyer në recitime pa vlerë për shkak të shpërdorimit që i bëhet fjalës, zhvlerëson edhe ato problematika serioze që artikulohen nga partia kryesore opozitare.
Sot koordinatori i PD-së, Ervin Salianji denoncoi zvarritjen e punimeve në rrugën nacionale Korçë-Ersekë, e cila sipas tij është prej 3 vitesh në gjendjen që nisi investimi. Kjo rrugë rrugë nacionale lidh më shumë se 20 mijë banorë të rrethit të Kolonjës me Korçën.
Qeveri teknike dhe një sistem i ri zgjedhor. PD-ja zbulon paradhënien e marrëveshjes elektorale me LSI-në
Skenari i qeverisë teknike, formalisht si kusht për zgjedhje të lira, zyrtarizohet si axhendë kryesore e opozitës parlamentare. Në një prononcim për “AbcNews”, kreu i Partisë Demokratike, Lulzim Basha, ka deklaruar se qeveria teknike është e vetmja mënyrë për të siguruar integritetin e zgjedhjeve.
“Kali” i PD-së për të rimarrë bashkinë e Dibrës
Deputeti i PD-së, Sherefedin Shehu do të jetë kandidati i Partisë Demokratike për zgjedhjet që do të mbahen në 11 shtator në Bashkinë e Dibrës. Emri i tij konfirmohet nga selia blu që mesa duket ka zgjidhur kontradiktat e degës lokale, duke vendosur kandidimin e një deputeti. Në qeverisjen e Partisë Demokratike, Sherefedin Shehu ka mbajtur edhe postin e zv/ministrit të Ekonomisë. Nga krahu tjetër PS nuk ka ende një emër për zëvendësuesin e mundshëm të Shukri Xhelilit.
Aleancës për Shqipërinë Europiane i mbaron karburanti. Kreu i LSI-së nuk ka një “po” për rikonfirmim të saj në zgjedhjet e vitit 2017
Ilir Meta, kryetar i LSI-së dhe i Kuvendit të Shqipërisë është shfaqur sot në një intervistë për Çim Pekën në studion e “syri.net”. Përveç përdorimit të zhargonit prej të forti që nuk i trembet burgut e që u vë kufirin te thana të gjithëve, Ilir Meta, ndër të tjera ka bërë edhe këtë deklarim për rreshtimin e LSI-së në zgjedhjet e vitit 2017: