pandemia

Mjeku imunolog, Genc Sulçebe, thotë se në fazën në të cilën ndodhet pandemia e koronavirusit, testimi masiv është mënyra më e mirë e frenimit të përhapjes së saj. Në një lidhje me Skype me studion e lajmeve në TvT, Sulçebeu tha se moshat e reja mund të mos shfaqin simptoma, por janë bartës të një virusi që dëmton të tjerë.

Në këtë pikë, mjeku imunolog thotë se testimi masiv mund të japë rezultate në luftën kundër virusit.  

Presidenti i Republikës, Ilir Meta, ka dalë sot me një deklaratë për shtyp përmes së cilës kujton qoftë prezencën e vet, qoftë atë të faktit, se mirë apo keq, Shqipëria ka një Kushtetutë. Në këtë kuadër Presidenti ka deklaruar se:

I ftoj të gjithë qytetarët të respektojnë me përpikmëri të gjitha udhëzimet dhe kufizimet e bëra publike për shkak të pandemisë globale COVID-19, pasi kjo është në interesin tonë të përbashkët.

Ndërsa numri i rasteve të konfirmuara me koronavirus në të gjithë botën ka arritur në 1 milion, numri i të shëruarve është fatmirësisht më shumë se katër herë më i madh se numri i vdekjeve. Por ekspertët mjekësorë i thanë “France 24” se COVID-19 mund të shkaktojë dëme të mëdha afatgjata në mushkëri, zemër, tru dhe organe të tjera - dhe se për disa pacientë, këto ndërlikime mund të jenë të përhershme.

4 947 të infektuar, 393 në terapi intensive dhe 239 të vdekur. Këto janë shifrat e pandemisë aktuale në Suedi, një vend që ka menduar ta menaxhojë ndryshe atë. Jo me karantinë dhe kufizime masive, por duke vazhduar jetën si më parë dhe duke menaxhuar në plan spitalor vetëm rastet që paraqiten dhe kanë nevojë për ndihmë mjekësore. Në një prononcim për gazetën italiane “Corriere della Sera”, epidemiologu më i njohur suedez, Anders Tegnell, drejtor i Agjencisë Sanitare të Suedisë, thotë se mënyra si po vepron Italia është sikur virusi do të largohet së shpejti.

Statistika italiane e pasojave shëndetësore të koronavirusit nuk është më rast i izoluar. Franca, Spanja dhe SHBA i janë bashkuar listës duke shënuar në përditmëri situatën e rëndë.

Në Francë raportohet se janë të shtruar 24 639 persona, nga të cilët 6107 në kujdes intensiv. 509 njerëz vdiqën në 24 orët e fundit duke e çuar numrin e përgjithshëm në 4032.

Franca kishte para krizës 5000 shtretër dhe për shkak të saj e ka rritur atë në 10000 shtretër.

Kina ka fshehur shkallë e përhapjes së infeksionit të koronavirusit dhe numrin e saktë të vdekjeve për shkak të tij. Bloomberg shkruan se shërbimet inteligjente amerikane kanë dorëzuar në Shtëpinë e Bardhë një raport sipas të cilit, Pekini zyrtar ka mbajtur informacionin të fshehtë lidhur me statistikat e fatalitetit të CoVid-19 në provincën Hubei. 

Situata e tanishme e pandemisë na sjell në vëmendje në një dritë tjetër, të papritur disi, aspekte të debatuara të politikës. 

Kina po dërgon pajisje të dëmtuara në Europë në luftën kundër pandemisë. Po kështu ndihmat ruse në Itali nuk vlejnë realisht për asgjë

Këto lajme dëgjon përditë nga agjenci të ndryshme mediatike në Perëndim, teksa absurdi ka kaluar Atlantikun me formulën e njohur “virusi kinez”.

Përvoja italiane tashmë po shndërrohet në ligjësi e kësaj pandemie.  Në fillim si me të lehtë, pastaj përmbysje e spitaleev, infektim personeli mjekësor, mungesë ventilatorësh dhe prag kolapsi. Sot presidenti amerikan, Donald Trump ka bërë të ditur se po konsideron që New York , New Jersey dhe Conecticut të vihen në karantinë.

Kryeministri i Italisë, Giuseppe Conte ka deklaruar në një intervistë për “Il Sole 24 ore” se Italia mund ta përballojë e vetme krizën e tanishme të epidemisë, por sipas tij ky do të ishte një gabim fatal për Europën.