lri

E nisën si Aleanca për Shqipërinë Europiane, shpallën një program që u quajt “Rilindje”, qeverisën me akuza për vrasje, vjedhje, mes skandaleve CEZ-DIA dhe sot flasin për transformim rrënjësor. Me çfarë termi ta përshkruash dashurinë e re të kryetarit të Bashkisë së Tiranës, Erjon Veliaj, i cili papritur ka zbardhur se në drejtimin e punëve ka aplikuar filozofinë e Ilir Metës.

LSI-ja mbajti këtë të premte konventën zgjedhore të gjimnazeve, duke shtrirë veprimtarinë e vet politike dhe në shkollat e mesme - një bazë e mirë kjo që në të ardhmen të depërtojë edhe në tetëvjeçare apo shkollat fillore. Nuk është e vështirë për një parti me eksperincë të vërë në dispozicion një dekor, një podium dhe të lërë brezin e ri të flasë për të ardhmen, rininë, Shqipërinë dhe udhëheqjen  që e inspiron.

Në përgjithësi deputetë të Partisë Socialiste janë treguar të rezervuar me konsideratat për Ilir Metën, nisur edhe nga rryma e intesave të pushtetit që në këtë parti lidhet drejtëpërdrejt me kryetarin Edi Rama. Nëse do t'i referohemi kohës kur Ilir Meta bashkëqeveriste me Sali Berishën, moria e epiteteve për kryetarin e LIS-së ishin zyrtarisht edhe parrulla të protestave antiqeveritare kundër “hajdutit me bllok”, siç etiketohej Ilir Meta në atë kohë nga kori i politikës socialiste.

Kontraditat mes PS dhe LSI, të cilat janë munduar të mbulohen deri tani, duket që po dalin mbi sipërfaqe. Nga Jala ku mori pjesë në kampingun e të rinjve të kësaj force politike Ilir Meta deklaroi se fitorja e bashkive të mëdha nga e majta ka qenë më shumë për meritë të LSI-së dhe LRI-së. Ilir Meta tha se LRI-ja dha një kontribut të rëndësishëm në fushatën e fundit zgjedhore, sidomos në Tiranë, duke arritur edhe rezultate mjaft të mira. Gjithashtu, lideri i LSI-së theksoi faktin që në 13 anëtarë të këshillit bashkiak të Tiranës, 9 vijnë nga radhët e Lëvizjes Rinore për Integrim.