Hi-Tech

Ish-bankieri i investimeve Colborn Bell, paralajmëron një katastrofë të tregut të NFT-ve. Vetë Bell zotëron NFT me vlerë miliona dollarë dhe ka interes në të ardhmen e tyre, por në një intervistë për “Fortune”, ai thotë se ky treg po shkon drejt një përplasjeje kataklizmike.

Bell ka hyrë në NFT në fillim të vitit 2020 dhe që atëherë e ka zgjeruar koleksionin e tij. Ai është themelues i Muzeut të Artit Kripto, një hapësirë ​​ekspozite arti të bazuar në VR.

Një ndryshim i vogël që ka bërë Apple për përdoruesit e iPhone do t’i kushtojë Facebook-ut plot 10 miliardë dollarë. Në prill 2021, Apple u bëri të mundur përdoruesve të iPhone të zgjidhnin se cilat aplikacione lejohen të gjurmojnë sjelljen e tyre nëpër aplikacione të tjera. Si rezultat, shumica dërrmuese e përdoruesve u tërhoqën. Kjo, sipas shefit të financës në Meta, David Wehner, po dëmton të ardhurat e Facebook nga reklamat.

Inxhinierët në Universitetin Northwestern kanë krijuar një kamera të fuqishme, që mund të shohë përmes objekteve të forta dhe të errëta si mjegulla, qoshet, madje edhe mishi dhe kocka e njeriut. Mund të duket produkt i fantashkencës, por kamera është ndërtuar mbi një sistem kapjeje të dritës të quajtur "holografi sintetike me gjatësi vale".

Pajisja funksionon duke shpërndarë dritën lazer mbi objekte të fshehura, drita më pak kthehet në kamera, ku inteligjenca artificiale rindërton sinjalet për të treguar objektin e fshehur.

IBM ka krijuar një procesor kuantik, i cili e tejkalon disa herë punën që mund të bëjë një kompjuter tradicional. Procesori i ri Eagle mund të trajtojë 127 kubit, një masë e fuqisë llogaritëse kuantike.

“Është më i fuqishëm se çdo gjë tjetër”, thotë CEO i IBM, Arvind Krishna, për Axios në HBO.

Teknologjia e njohjes së fytyrës, e aplikuar deri tani në masë të vogël, është kritikuar shpesh për shkelje të privatësisë së individëve. Por në një kompani në Kinë, kjo teknologji shkon më tej. Canon China, një degë e gjigantit japonez të kamerave dhe elektronikës, do vetëm punëtorë të lumtur. Për këtë arsye, kompania ka aplikuar teknologjinë e njohjes së buzëqeshjes.

Një kamion autonom u testua me sukses në një udhëtim që zgjati 14 orë. Distanca nga Arizona në Oklahoma e përshkuar nga automjeti pa shofer provoi se edhe kamionët mund të lëvizin pa problem, njësoj si makinat autonome.

Kamioni është prodhuar nga kompania teknologjike TuSimple, raporton Vice News.

Gjiganti i makinave elektrike Tesla do të tërheqë më shumë se 285 000 makina të shitura në Kinë. Masa e re u njoftua nga Administrata Shtetërore e Kinës për Rregullimin e Tregut (SAMR). Vendimi vjen pasi një verifikim i kryer nga autoritetet zbuloi probleme me kontrollin e drejtimit, gjë që mund të çojë në përplasje. Subjekt i këtij vendimi janë automjetet e importuara dhe ato të prodhuara në vend Model 3 dhe Model Y Tesla.

Angela Merkel përuroi sot një kompjuter që përdor grimcat subatomike për të bërë miliona llogaritje në mikrosekonda, një hap ky që e bën Gjermaninë një pretendente në garën globale për të zhvilluar teknologjinë e gjeneratës së ardhshme, që njihen si kompjuterat kuantikë.

"Sa i përket hulumtimit në teknologjitë kuantike, Gjermania është ndër më të mirat në botë dhe ne synojmë të qëndrojmë në këtë pozicion. Ne jemi në mes të një konkurrence të madhe dhe Gjermania ka ndërmend ta thotë fjalën e vet të rëndësishme".

Tre vjet pasi interneti nisi të përdoret në smartfonët e kubanëve, Havana do të lançojë telefonët e vet inteligjentë. Deri në fund të qershorit, Kuba do të ketë pajisjen e tij të parë "socialiste", siç është pagëzuar nga rrjeti smartfoni i parë i prodhuar në vend. Aparati është prodhuar nga kompania shtetërore Gedeme dhe do të përdorë NovaDroid, një version i sistemit operativ Android, i modifikuar për të përmbushur nevojat e qytetarëve kubanë, të cilët nuk mund t’i përdorin të gjitha shërbimet teknologjike.

Edhe pse prej më shumë se një viti, bota po përballet me pandeminë më të rrezikshme që nga koha e gripit spanjoll, është e sigurt që ajo nuk kërcënon njerëzimin. Murtaja e zezë e shekullit XIV ishte pandemia më e rrezikshme në histori. Ajo eliminoi një të tretën e popullsisë së Evropës, gjë që si për ironi, çoi në rritje të pagave - për shkak të mungesës së punëtorëve, mosbesimit ndaj autoriteteve që nuk ia dolën ta mbrojnë popullin nga sëmundja dhe një riinvestimi në njerëzim, elementë këta që të gjithë bashkë çuan te ajo që ne e njohim sot si Rilindja.