doreheqje

Partia Socialiste i rezistoi deri në fund mbrojtjes për Elvis Roshin me këmbënguljen e kryetarit Edi Rama, që humbi një tjetër betejë morale përballë opozitës. Kryetari i bashkisë së Kavajës njoftoi në mënyrë të papritur dorëheqjen nga detyra përmes një rrëfimi "të sinqertë" për të shkuarën e tij problematike. "Sot duhet te ndaj publikisht me keqardhjen më të madhe, një informacion që më ka kapur në befasi të plotë dhe ndryshon gjithçka. Avokatët e mi më kanë informuar, se papritur dhe pa kujtuar rezultojë të jem dënuar si minoren!

Nënkryetari i Partisë Republikane ka dhënë dorëheqjen e parevokueshme. Në një deklaratë për shtyp Alfred Deshati ka përcjellë edhe arsyet e këtij largimi nga PR që lidhen me drejtimin e partisë nga Fatmir Mediu. “Kjo Parti e shokëve dhe miqve të mirë është kthyer në një Parti në luftë me veten.

Në asamblenë e Partisë Socialiste nuk priteshin supriza sepse transfuzioni i gjakut të ri me atë të vjetrin u konfirmua në kongres, por ajo që shenjoi forumin e lartë të PS ishte thyerja e heshtjes dhe akti politik i Arta Dades për të motivuar largimin nga kryesia me mënyrën e drejtimit nga "karafili" i partisë siç e quajti Rama veten para kongesit.

Kryeministri ukrainas Arseniy Yatsenyuk thuhet se ka dhënë dorëheqjen. Agjencia ruse e lajmeve “Sputnik” citon mediat lokale në Ukrainë, sipas të cilave kryeministri është dorëhequr dhe do ta bëjë aktin zyrtar më 12 prill në Parlament. Po këto media citojnë kryeministrin të jetë shprehur se nëse një qeveri e re nuk krijohet, destabilizimi i Ukrainës është i pashmangshëm. Yatsenyuk ka nënëvizuar se nëse krijohet boshllëk në pushtetin ekzekutiv, luftimet në rajonin e Donbass-it do të rinisin, duke vënë në pikëpyetje funksionimin e të gjitha marrëveshjeve të arritura deri më tani.

Pas sulmeve terroriste Franca është në gjendje shtetrrethimi dhe me urdhër të presidentit Holande kufijtë e saj janë mbyllur. Veç policisë në rrugë ka dalë edhe ushtria për të garantuar sigurinë. Ndonëse është ende herët që të nxirren përgjegjësitë, ajo që mund të thuhet se agjencitë franceze të inteligjencës kanë dështuar të parandalojnë një ngjarje të këtyre përmasave. Franca nuk ka mundur të parandojë një sulm të tillë, ndonëse ishte vendi më i kërcënuar nga terroristët, pasi një vit më parë redaksia e revistës satirike Sharli Hebdo u godit nga një akt terrorist.

Luneda Sufali ka dhënë dorëheqjen nga detyra e drejtoreshës së Lojërave të Fatit, agjenci nën varësi të Ministrisë së Financave. Sufali u bë protagoniste e një debati në Komisionin e Ligjeve pak muaj më parë. Ajo është një nga tri drejtoreshat "surprizë" të Edi Ramës pas ardhjes në pushtet, bashkë me Briseida Shehaj dhe Elisa Spiropali, të trija në sektorë kyç. Një eksperiment i dështuar. http://www.balkanweb.com/site/drejtoresha-e-lojerave-te-fatit-luneda-suf...

Ministri i Drejtësisë, Nasip Naço, ka dhënë dorëheqjen. Lajmi raportohet nga disa media dhe ende asgjë nuk është zyrtare. Naço vjen nga LSI-ja dhe dorëheqja e tij pason një takim me kryeministrin Edi Rama. Nuk ka një arsyetim ende për këtë. Ndërkohë ish-kryeministri Sali Berisha komenton se dorëheqja lidhet me spostimin e Naços nga reforma në Drejtësi: "Naço dha doreheqjen, si deshmi e shkerrmoqjes se "aleances se qelbesirave".

Sipas AFP Fronti Kombëtar kërkoi sot dorëheqjen e ministrit francez të Punëve të Jashtme, Laurent Fabius për shkak të lëshimit të një urdhërarresti nga SHBA-ja ndaj djalit të tij për përdorimin e çeqeve të falsifikuara, të shpërndara në kazinotë e Las Vegasit.

“Pa paragjykuar kërkesën e Gjykatës, e lëshuar për ndjekje penale ndaj Thomas Fabius, Fronti Kombëtar vlerësoi se mandatarresti i lëshuar nga Shtetet e Bashkuara të Amerikës ndaj djalit të ministrit francez të Punëve të Jashtme, nuk e lejon këtë të fundit të mbajë më këtë post”, shkruan Fronti Kombëtar në një komunikatë.

Ministri i Brendshëm Sajmir Tahiri ka hedhur poshtë zërat për një krisje të marrëdhënieve mes dy partive kryesore të mazhorances. Ministri i Brendshëm i ftuari në emisionit “Kapital” në “Vizion Plus”, tha se nuk gjen asnjë motiv për ndryshime të kabinetit dhe e konsideron thjesht spekulim mediaktik ambicien e partisë se Metës për të marrë Ministrinë e Brendshme. Ndërkohë, Ilir Meta ndryshe nga kryeministri Edi Rama deklaroi se qeverise i nevojiten impulse të reja.

“Coca-Cola Co” dhe “McDonald's” kërkuan sot dorëheqjen e kreut të Federatës Ndërkombëtare të Futbollit, Sepp Blatter. Kërkesa vjen  një javë pasi autoritetet zvicerane kanë nisur një hetim penal për të gjithë ekipin drejtues të FIFA-s. “Reuters” e cilëson lëvizjen shumë të rëndësishme, pasi të dyja kompanitë janë sponsorizuesit kryesorë të FIFA-s dhe mendohet se do të nxisin ndryshim në federatë. Nga ana e vet, Blatter, i përfolur gjatë si një drejtues i përfshirë në korrupsion nuk duket se ka ndërmend të dorëhiqet.