Blloku Bota

Dorëheqja e papritur e ministres së Drejtësisë i ka hapur rrugën një skandali në qeverinë hungareze. Judit Varga, një prej njerëzve më të afërt të Orban, që pritej të drejtonte partinë e djathtë Fidesz në zgjedhjet evropiane dhe një nga emrat më të njohur të politikës hungareze në Bruksel u dorëhoq javën e kaluar.

Përgjatë dekadës së fundit kanë qenë me qindra tragjeditë që kanë përfshirë emigrantët në përpjekje për të arritur brigjet e Europës.

Agjencia e Emigracionit në Kombet e Bashkuara (IOM), përllogarit në raportin e fundit se që nga viti 2014 janë më shumë se 27 mijë njerëz të vdekur ose të zhdukur në ujërat pranë kontinentit të vjetër.

Autoritetet vendore në Tokio kanë lëshuar një paralajmërim për rastet në rritje të një lloji të rrallë, por serioz, infeksioni bakterial.

Rastet e regjistruara janë më shumë se asnjëherë tjetër - 88 vetëm në kryeqytet - 517 infeksione në mbarë vendin, sipas The Japan Times.

Shtetet e Bashkuara, Britania dhe Ukraina janë pas sulmit terrorist në Crocus City Hall, ka thënë për mediat shefi i Shërbimit Federal të Sigurisë së Rusisë (FSB), Alexander Bortnikov.

"Ne besojmë se kjo është e vërtetë. Sido që të jetë, tani po flasim për informacionin faktik që kemi. Këto janë informacione të përgjithshme, por ata kanë një histori të gjatë të këtij lloji", citohet ai nga Tass.

Ish-presidenti i ekstremit të djathtë të Brazilit, Jair Bolsonaro, është strehuar në ambasadën e Hungarisë në Brasilia, kur policia federale i konfiskoi pasaportën dhe i arrestoi dy ish-ndihmës. Ngjarja ka ndodhur muajin e kaluar por është pranuar së fundmi nga avokati i Bolsonaros.

Qëndrimi i Bolsonaro në ambasadën hungareze në 12-14 shkurt u raportua fillimisht nga New York Times bazuar në pamjet e kamerave të sigurisë nga brenda ambasadës.

Kjo ngre pyetje në lidhje me planet e ish-presidentit pasi ai përballet me disa hetime penale në Brazil.

Kompania e njohur e prodhimit të avionëve “Boeing” është tronditur së fundmi nga një seri incientesh që e kanë detyruar të marrë masa në drejtimin e vet administrativ dhe menaxherial.

Këshilli i Sigurimit i OKB-së kërkon "armëpushim të menjëhershëm" në Gaza, pasi SHBA nuk vuri veton ndaj masës për të lëvizur nga pozicioni i mëparshëm. Në mbledhje u kërkua lirimi i menjëhershëm dhe pa kushte i të gjithë pengjeve.

Kjo është hera e parë që këshilli bën thirrje për ë armëpushim që nga fillimi i luftës në tetor, pas disa përpjekjeve të dështuara. Lëvizja e SHBA-së sinjalizon se ka divergjencë në rritje midis saj dhe Izraelit lidhur me ofensivën e Izraelit në Gaza.

Ministri serb i Transporteve, Goran Vesiç, ka hedhur poshtë si gënjeshtra të pabaza lajmet se qeveria serbe ka fimrosur me dhëndrin e Donald Trump për rijetësimin e kompleksit të ish-Shtabit të Përgjithshëm në Beograd, i shkatërruar pjesërisht gjatë bombardimeve të NATO-s, më 1999.

Qeveria e Serbisë është e vendosur që të mos lejojë edhe për 25 vjet të tjera rrënojat dhe ta rijetëzojë kompleksin. Nuk kemi firmosur ndonjë kontratë, negociatat po zhvillohen me disa kompani dhe do të informojmë publikun se kur dhe nëse do të ketë marrëveshje

Asambleja Parlamentare e NATO-s ka ngritur statusin e Kosovës në nivelin e anëtarit të asociuar.

Ky është niveli më i lartë i prezencës në Asamble deri në anëtarësim të plotë të Kosovës në NATO. Për shumë vite Kosova kishte statusin e anëtarit vëzhgues. Ky vendim do të formalizohet me votim në Asamblenë parlamentare të NATO-s në sesionin pranveror të Asamblesë, që do të mbahet më 27 maj në Sofje

Donald Trump do të përfitojë rreth 3.5 miliardë dollarë, pas media e tij sociale, Truth Social, kaloi pengesën e fundit për t’u listuar në bursën e Wall Street.

Aksionerët e Digital World Acquisition Corp miratuan në fund të kësaj jave shkrirjen me Trump Media & Technology Group (TMTG), kompania që qëndron pas Truth Social, raporton Telegraph.