Vodafone, Abltelekom dhe Telekom kanë mashtruar abonentët
![](http://www.respublica.al/sites/default/files/styles/large/public/2018/04/Smart-phone_2018_04_24_17.jpg?itok=bVoIKTBw)
Autoriteti i Komunikimeve Elektronike dhe Postare urdhëron kompanutë celulare që duke filluar nga data 1 qershor 2018 të rikthejnë vlefshmërinë e paketave standarte me parapagim nga 28 ditë në mujore (30 ditore).
Albtelecom, Telekom Albania dhe Vodafone Albania në shkelje të hapur të kontratës me abonentët në mars të vitit 2016 bënë ndryshimin e kohëzgjatjes së ofertave për shërbimet mobile për përdoruesit me parapagim nga 30 ditë në 28 ditë.
Autoriteti i Konkurrencës vlerësoi se ndryshimi i kohëzgjatjes së paketave standarde nga 30 ditë në 28 ditë bën që konsumatori të faturohet rreth 13 muaj në vit në vend të 12 muajve, çoi në një rritje vjetore prej rreth 6.5% të buxhetit të shpenzuar nga konsumatori për këtë shërbim. Gjithashtu, KK ka vlerësuar se praktika e ndryshimit në kohëzgjatjen e paketave standarde nga 30 ditë në 28 ditë ka prekur dhe tregje të tjera në fushën e telekomunikacionit si p.sh. interneti, telefonia fikse, paketat televizive, etj.
Pas përfundimit të procedurës administrative të nisur nga AKEP u arrit në konkluzionin se operatorët mobile kanë shkelur kontratën me abonentët, ku thuhet se sipërmarrësit kanë detyrimin e e zbatimit të afatit të faturimit mujor kalendarik dhe jo 28 ditor, siç dhe është aplikuar. AKEP thotë se nga monitorimi i faqeve të internetit të disa operatorëve që ofrojnë shërbime mobile në vendet e rajonit konstatohet se në vendet (Serbi, Mali i Zi, Maqedoni, Greqi, Kosovë, Slloveni) nuk aplikohen tarifa me kohëzgjatje 28 ditore (4javore).
https://www.akep.al/images/stories/AKEP/publikime/2018/Vendim_Nr._32_dat...
Add new comment