Schröder: Perëndimi duhet të negociojë me Putinin

Ish-kancelari gjerman, Gerhard Schröder, thotë miqësia e tij me presidentin rus Vladimir Putin mund të kontribuojë në përfundimin e luftës në Ukrainë.

"Ne kemi punuar së bashku mirë për shumë vite. Ndoshta kjo mund të ndihmojë ende për të gjetur një zgjidhje të negociuar, unë nuk shoh ndonjë rrugë tjetër," është shprehur  Schröder në një intervistë për DPA.

Schröder ka qenë mik me Putinin që nga koha kur ishte kancelar në vitin 1998 deri në 2005 dhe vazhdon të punojë për shumicën e kompanive ruse të tubacioneve Nord Stream përmes Detit Baltik. Edhe pse e ka cilësuar sulmin rus në Ukrainë një "gabim fatal", ai nuk ka hequr dorë nga Putini.

Kryesia e Partisë së tij Socialdemokrate e ka margjinalizuar për këtë arsye, por nuk ia doli ta përjashtonte.

Dikur dukej sikur kjo marrëdhënie personale mund të ndihmonte në zgjidhjen e një problemi politik jashtëzakonisht të vështirë. "Dhe kjo është arsyeja pse mendoj se do të ishte krejtësisht e gabuar të harroheshin të gjitha gjërat pozitive që kanë ndodhur mes nesh në politikë në të kaluarën. Ky nuk është stili im, nuk e bëj një gjë të tillë", tha ai.

Një tentativë e tij për të ndërmjetësuar në vitin 2022 dështoi, por Schröder mbetet i gatshëm për një përpjekje tjetër.

Franca dhe Gjermania do ta duhet të marrin iniciativën. Është e qartë se lufta nuk mund të përfundojë me humbjen totale të njërës palë apo tjetrës.

Ai thotë se për t’i dalë përpara përshkallëzimit drejt skenarëve më të këqij, duhet menduar seriozisht për një zgjidhje të konfliktit përveç mbështetjes për Ukrainën.