O Komandant, fol një fjalë!
“Zëri i Amerikës” raporton për vendimin e gjykatës përmes të cilit u vu në sekuestro baza e Sarandës. Sipas gjyqtarëve:
Vlerësohet i drejtë parashtrimi i prokurorit se duhet të ndërpritet kryerja e investimit në fushën e turizmit, apo dhe ndërtime të tjera nga investitori, mbi pronën 696 (Baza Ndihmëse, Limion), për arsye se disponimi lirisht i kësaj prone nga subjektet private, cenon gatishmërinë dhe operacionalitetin e Forcës Detare, operacionalitet i cili duhet të vazhdojë të kryhet nga organi kompetent që është Komanda e Forcës Detare, pa ndërhyrje të subjekteve private
Ndërkohë, ish-ministrja e Mbrojtjes, Olta Xhaçka, është thirrur sot në SPAK, ku ka dëshmuar mbi këtë çështje dhe për të cilën pas daljes nga zyrat e Prokurorisë tha se:
Jam thirrur për ato akuza që i ka bërë opozita në adresë të Ministrisë së Mbrojtjes në kohën kur e kam drejtuar. Padiskutim që jam në dispozicion të drejtësisë e kjo është arsyeja për të cilën kemi punuar, luftuar, e votuar që të gjithë të jenë në dispozicion të drejtësisë, për t’u pyetur e kthyer përgjigje për të gjitha ato çështje që gjykohen se duhet të hetohen e unë nuk bëj përjashtim. Patjetër është mirëseardhur dita për mua kur do marrin përgjigje nga drejtësia edhe shpifje të ulëta si ajo e përdorimit të aseteve publike, por edhe alarmi falas që asetet që kanë qendruar mes ndryshqeve do kthehen në asete me vlerë, si është rasti i Portit të Sarandës ku nuk ndryshon as baza detare e cila do jetë më e mirë si bazë ndihmëse e vendit do i jepet një port turistik për zhvillimin e ekonomisë. Nuk ka pasur asnjëherë asnjë shkelje ligji, gjithmonë në funksion të detyrës
Problem është se kalimi te koncesionari i Bazës së Sarandës, është bërë pa dalë ajo nga Plani i Përhapjes së Forcës Detare dhe nëse kjo nuk është shkelje ligji, vetëm zonja Xhaçka e di se çfarë mund të quhet. Interesant është heshtja e MInistrisë së Mbrojtjes, e Niko Peleshit dhe Presidentit të Republikës që ka sot në tryezë një vendim ku shkruhet se është cenuar siguria kombëtare.
Comments
Lere mor burre mos e ngacmoni
Lere mor burre mos e ngacmoni. Po cfare shkelje ligji. Ai,ju dhe une e dime qe spak eshte krijuar nga Rama per te lare hesapet me kundershtaret e vet brenda dhe jashte partise. Mos e merrni seriozisht spakun. Eshte vegel e Rames dhe amerikaneve. Rrofte Sali Berisha.
Add new comment