rusia

Disa media ruse dhe serbe po shkruajnë këto ditë për atë që agjencia “B92” e quan si skandalin më të madh në raportet mes Moskës dhe Beogradit që pas Luftës së Ftohtë. Skandali merr shkas nga një vizitë të raportuar të kreut të Këshillit të Sigurisë të Rusisë, Nikolai Patrushev në Beograd, që po lidhet me largimin e disa qytetarëve rusë nga Serbia. Lajmi është dhënë nga gazeta serbe “Danas” që publikoi një raport, sipas të cilit, disa qytetarë rusë u deportuan nga vendi për përfshirje në planet me natyrë terroriste në Malin e Zi.

Qeveria lituaneze ka urdhëruar stërvitje ushtrarake dhe rekrutim trupash. Po kështu një manual për qytetarët në rast se vendi pushtohet. Gjithçka lidhet me Rusinë dhe qëllimet e saj siç lexohen nga Perëndimi dhe fqinjët. Në raport me këto zhvillime, presidenti rus, Vladimir Putin ka deklaruar nga Valdai Club se "Rusia nuk ka ndërmend të sulmojë ndonjë vend tjetër".

Me njësinë ushtarake më të madhe të ndërtuar ndonjëherë në Evropën Lindore që prej Luftës së Ftohtë, një forcë e blinduar, që përfshin 800 trupa britanike do të vendosen në Estoni vitin e ardhshëm, për t’u përballur me agresionin që kërcënon Rusia.

Lëvizjet janë të përcaktuara dhe menduara që të ndalojnë Moskën të shtrijë tentakulat e saj në Evropën Lindore siç ajo ka bërë me Krimenë dhe Ukrainën, shkruajnë mediat britanike.

Milo Gjukanoviç nuk do të jetë kryeministër i Malit të Zi edhe pas fitores në zgjedhjet parlamentare. Komiteti ekzekutiv i PDS-së, pas seancës dëgjimore me Gjukanoviç, lajmëroi se do të nominojë zëvendësin e tij në parti, Dushko Markoviq për funksionin e kryeministrit. Arsyet e kësaj tërheqje mbeten ende të paqarta. Gjukanoviç ka deklaruar se Rusia ishte e përfshirë në një përpjekje të dyshuar për puç në ditën e zgjedhjeve parlamentare dhe ka akuzuar opozitën për bashkëpunim me Kremlinin.

Kush është Dushko Markoviç?

RS -28 Sarmat, është zhvilluar në Bryonë Makeyev dhe është një raketë balistike termobërthamore interkontinentale super e rëndë, e cila mund të armatoset edhe me një transportues hipersonikë kokash bërthamore, quajtur Project 4202. Pasi shkëputet nga trupi i raketës bazë, ai ecën me shpejtësi 7 Mach-12 Mach. Rusia deklaron se zhvillimi i kësaj rakete rivendos balancën strategjike gobale. Këto janë fotot e para të raketës. 

Ditët e fundit mediat perëndimore, ato britanike kryesisht, kanë trajtuar me një lloj alarmi kalimin e aeroplanmbajtëses ruse "Kuznetsov" në kanalin e La Manshit. Me tone nga lufta e ftohtë dhe me një lloj bezdie nga kjo provë force që vjen nga një vend, armiqësia politike e gjeopolitike me të cilin është shumë e ngulitur. Britanikët kanë edhe një ngarkesë emocionale që ndoshta buron nga historia më e famshme e spiunazhit të Luftës së Ftohtë me protagonist Kim Philby.

Samiti i krerëve të Bashkimit Evropian nxorri në pah përçarjen që ekziston mes vendeve të Unionit lidhur me Rusinë. Britania dhe Franca ishte në krye  të atyre vendeve që kërkuan sanksione të reja kundër Moskës, por ky propozim ka hasur në kundërshtimin e Italisë që ka dashur të njihet me konkluzionet e raportit për Rusinë. Kryeministri Mateo Renzo kërkoi të ndahet çështjen e sanksioneve kundër Rusisë në lidhje me Ukrainën me ato në lidhje me Sirinë.

Një qytetar rus i cili kërkohej në lidhje me sulmet e kibernetike kundër Shteteve të Bashkuara raportohet të jetë arrestuar nga policia çeke. Arrestimi u bë në bashkëpunim me FBI-në, ndërkohë që Interpoli kishte lëshuar alarm të kuq për të dyshuarin. Shtetasi rus u ndaluar në një hotel Pragë, por zëdhënësi i policisë  çeke nuk pranoi të japë informacion të mëtejshëm në lidhje me arrestimin.

Mosuli është duke rënë dhe me te në skenarët e luftës mund të ndodhë gjithçka që afekton Sirinë. Valë migratore që parashikohet deri në 100 mijë njerëz, krijimi i një korridori daljeje për militanët e ISIS, që mund të dynden në Raqqa. Kjo situatë që i jep Perëndimit një fitore në Irak, duke stabilizuar një shtet ku edhe Turqia, formalisht partner me Perëndimin, ka ngritur hapur pretendime territoriale, duke synuar pjesëmarrje në trajtimin eventual të çështjes kurde.

Europa po ndahet sërish. Edhe kësaj radhe me Rusinë, jo me mure si në Luftën e Ftohtë. Por duke shkëputur fijet natyrale ekonomike. Polonia, një nga vendet më antiruse, ka vendosur që të shkëpusë varësinë nga Moska duke nisur punën për ndërtimin e një kanali që do të jetë 1.3 km i gjatë, 80 m i gjerë dhe 5 m i thellë e që do të kushtojë 225 milionë dollarë. Kanali do të shmangë detyrimin e tanishëm të anijeve që dalin nga Polonia nga qyteti port Elblag për të dalë në Balltik përmes ujërave territoriale ruse.