rusia

Ndonëse Shqipëria ka ngritur me forcë rrezikun rus në Ballkan, përfaqësia diplomatike e Moskës në Tiranë, e ka anashkaluar këtë poitikë, duke kërkuar të evidentojë vetëm anët pozitive. Në një pritje që ambasada e Rusisë zhvilloi me rastin e Ditës së Rusisë, ambasadori Aleksandër Karpushin theksoi ndër të tjera dashamirësinë e njerëzve të thjeshtë të Shqipërisë ndaj vendit të tij, si refleks edhe i marrëdhënieve të ngrohta sovjeto-shqiptare.

NATO do të dërgojë trupa në nivelin e batalionit për të përforcuar sigurinë e anëtarëve të saj në Europën Lindore. Këtë ide e ka rikonfirmuar sekretari i Përgjithshëm i Aleancës së Atlantikut të Veriut, Jens Stoltenberg, gjatë një interviste për revistën gjermane “Der Spiegel”. Stoltenberg e cilëson NATO-n, si aleancën më të suksesshme në histori, e cila ia ka dalë sipas tij të parandalojë disa luftëra. Edhe stërvitjet e fundit të zhvilluar në Lindje të Europës kanë përcjellë një sinjal të qartë ndaj “një Rusie përherë e me më shumë besim në vete”.

Moska akuzon SHBA-të se kanë refuzuar t’u përgjigjen sugjerimeve të Rusisë për të diskutuar mbi programin e mbrojtjes raketore të promovuar nga Uashingtoni. Deklaratat janë bërë nga zëvendës ministri rus i Mbrojtjes Anatoly Antonov, i cili e përshkroi nismën SHBA si "shumë e rrezikshme".

Presidenti rus, Vladimir Putin paralajmëroi Rumaninë dhe Poloninë muajin e kaluar se do të jenë brenda rrezes së raketave ruse, sepse në territorin e tyre kanë zhvilluar sistemet amerikanë të mbrojtjes antiraketë, të cilën Moska e sheh si një kërcënim direkt ndaj sigurisë kombëtare të Rusisë .

Sapo Bashkimi Europian të heqë embargon ndaj Rusisë, Ministria  Greke e Mbrojtjes do të hyjë në një marrëveshje ushtarake me Moskën për prodhimin ose montimin në Greqi të armëve të tipit kallashnikov. Duke folur para deputetëve në Komitetin e Mbrojtjes Kombëtare, ministri i Mbrojtjes Panos Kamenos theksoi rëndësinë e zgjerimit të bashkëpunimit të industrisë greke të mbrojtjes. “Greqia mund të sigurojë bashkë-prodhimin e një produkti me një vend jashtë NATO-s dhe jashtë BE-së, dhe të sigurojë  certifikimit e produktit, i cili aktualisht prodhohet aktualisht në Rusi.

Ambasada e Rusisë në Tiranë njofton për një takim të titullarit të saj, Aleksandër Karpushin me ministren e Ekonomisë, Milva Ekonomi. “Bashkëbiseduesit diskutuan mbi gjendjen e tanishme dhe perspektivat e zhvillimit të marrëdhënieve ekonomike midis dy vendeve, përfshirë këtu shkëmbimet tregtare, investimet dhe turizmin”, thuhet në njoftimin e ambasadës. Takimi vjen një ditë pas punimeve të Asamblesë Parlamentare të NATO-s, ku përfaqësues të qeverisë shqiptare, deklaruan se një nga kërcënimet kryesore për stabilitetin e rajonit është Rusia.

Më 29 maj u mbushën 563 vjet nga pushtimi i Konstandinopojës nga forcat osmane të sulltanit Mehmeti II Fatihu. Me këtë rast, presidenti turk, Reccep Tayip Erdogan, ka urdhëruar një ceremoni madhështore në të cilën kanë marrë pjesë 1 milionë njerëz, siç raporton “Hurriet”. Masat e sigurisë, ekstreme: 9000 policë, pesë helikopterë, një nëndetëse, një fregatë, tre anije të Rojes Bregdetare dhe 27 qenë. U angazhuan 5005 autobuzë për të sjellë njerëzit nga 38 distrikte, 146 tragete, 150 porta sigurie, shoqëruar nga një skenë e jashtëzakonshme.

Ministrja e Mbrojtjes së Shqipërisë, Mimi Kodheli, ka mbajtur si temë kryesore të fjalës së saj në punimet e Asamblesë së NATO-s, që po zhvillohet në Tiranë, rrezikun rus. Sipas ministres shqiptare, dështimi i BE-së, apo edhe i Aleancës së Atlantikut të Veriut në ruajtjen e kohezionit, kërcënon paqen në Ballkan.

Rusia hedh një hap thelbësor në përdorimin e robëtëve humanoidë në luftë, krahas SHBA dhe Kinës, që kryesojnë këtë fushë. Eksperimete të zhvilluara nga Fondacioni i Rusisë për Studime të Avancuara kanë prodhuar atë që quhet si Iron Man – Njeriu i Hekurt, i cili do të zëvendësojë njeriun në fushëbetejë. “Business Insider” citon ekspertë amerikanë të fushës së sigurisë që e shohin këtë zhvillim si shumë shqetësues, pasi ai i hap rrugë skenarëve ushtarakë kuy robotët janë protagonitë të një beteje që nuk ka kontrollin e njeriut.

Greqia dhe Rusia ranë dakord të ridimensionojnë marrëdhëniet mes tyre dhe të eksplorojnë të gjitha mundësitë që ekzistojnë për rritjen e pranisë së investimeve ruse në ekonominë greke. Në konferencën e përbashkët për shtyp me presidentin rus Vladimir Putin në Athinë, kryeministri, grek Aleksis Tsipras e quajti një zgjedhje strategjike forcimin e marrëdhënieve të Greqisë me Rusinë.

Anëtarësimi i Malit të Zi në NATo nuk është pritur mirë në Rusi. Moska zyrtare ka kundërshtuar përherë politikën e zgjerimit, që Aleanca e Atlantikut të Veriut ka ndjekur, gjithnjë me arsyetimin se zgjerimi në kushtet e një asimetrie konvencionale në kërcënime, nuk justifikohet. Shkrirja e Traktatit të Varshavës do të duhet të prodhonte këtë balancë dhe frenim, por ai prodhoi të kundërtën: Perëndimi plotësoi boshllëkun.