korrupsioni

Departamenti Amerikan i Shtetit ka publikuar raportin e të drejtave të njeriut për vitin 2015. Në pjesën për Shqipërinë thuhet se problem mbetet pandëshkueshmëria. “Qeveria nisi disa hetime për zyrtarë të lartë, por prokuroria më pas i rrëzoi çështjet”- shkruhet në raport. Më tej thuhet se veçanërisht dënimi i zyrtarëve të lartë që kanë kryer abuzime mbetet sporadik dhe i pandjeshëm. Një tjetër problem sipas Departamentit të Shtetit mbetet përhapja e korrupsionit kryesisht në sistemin gjyqësor dhe atë shëndetësor. Edhe Bashkimi Europian shton presionin ndaj Tiranës.

Në një intervistë për Tema Tv, ministri i Jashtëm Ditmir Bushati pranoi se korrupsioni vijon të mbetet një prej problemeve kryesore të Shqipërisë, i evidentuar edhe nga partnerët ndërkombëtarë. Ministri thotë se ky fenomen ka të bëjë me shoqërinë shqiptare dhe institucionet e saj, por në një farë mënyre sipas tij është edhe një trend global. “Korrupsioni vijon të mbetet një problem shqetësues dhe i përhapur në Shqipëri, ndonëse është një fenomen që prek të gjitha shoqëritë, po kryesisht është më i dukshëm në shoqëri me institucione të dobëta apo me institucione të dobëta.

Sot është prezantuar një strategji e re në luftën kundër korrupsionit. Kështu njoftojnë mediat për takimin e “prezantimit te një strategjie të re në luftën kundër korrupsionit”. Frëza të tilla si këto të strategjive të reja të lënë krejtësisht indiferent sa kohë që ato janë përpjekje për të shpikur metoda dhe metodologji kur rruga kryesore dhe e vetmja, zbatimi i ligjit, është e shkatërruar.  Një rrugë ku ata që janë menaxherët dhe mbikëqyrësit, pra gjyqtarë e prokurorë bashkë me politikën, janë problemi dhe jo zgjidhja.

Deputeti Gent Strazimiri është vënë papritur në qendër të debatit politik të ditëve të fundit për akuzën e ngritur ndaj tij nga organet e rendit për armëmbajtje pa leje, si dhe për shfaqjen e tij me këtë armë pa leje në protestën e organizuar nga opozita tek sheshndërtimi i Bashkisë së Tiranës brenda Parku të Liqenit Artificial Shfaqja e tij me patllake në një tubim proteste (nëse akuza rezulton e vërtetë) është realisht e dënueshme, aq më tepër nëse kjo armë është edhe pa leje.

Lista e zezë e ambasadës amerikane për gjyqtarë të korruptuar përfshin edhe 14 gjyqtarë tëkallëzuar penalisht nga Inspektoriati i Lartë i Deklarimit dhe Kontrollit të Pasurisë dhe Konfliktit të interesit për fshehje të pasurisë dhe falsifikim dokumentesh. “ABC NEWS” referon burime të ambasadës që të kenë pohuar se 14 gjyqtarët e mësipërm janë pjesë e listës, por se lista nuk fillon e mbaron me ta. “Burimet thonë se pavarësisht që prokuroria mund të ketë pushuar çështjen ndaj këtyre gjyqtarëve, emrat e tyre nuk janë përjashtuar nga lista e zezë e refuzimit dhe anulimit të vizave amerikane.

Shtetet e Bashkuara kanë vendosur të ndjekin një mënyrë indiriekte për të treguar se kush janë të korruptuarit në radhët e gjyqësorit shqiptar. Atyre u ndalohet hyrja në Shtetet e Bashkuara dhe sipas ambasadorit Lu, çdo të korruptuari nga rradhët e gjyqësorit do t’i refuzohet viza amerikane. “Korrupsioni është prioritet kryesor i qeverisë së SHBA –së në Shqipëri. Ne jemi duke marrë masat tona. Së bashku edhe me shoqërinë civile...Vitin e kaluar ne pamë se si partitë politike hoqën disa  kriminelë nga zgjedhjet. Disa të tjerë të korruptuar apo me të shkuar kriminale.

“Jeta osh qef”, një faqe shumë e vizituar në internet, ka realizuar një sondazh me pyetje të pazakonshme për mënyrën si zhvillohen sondazhet në Shqipëri. “Kush mendoni se ju vjedh më shumë?” është pyetja, e cila pavarësisht se ka brenda një element sugjestionues, sërish i bën apel një realiteti dhe një perceptimi. Në rreth 1 600 votues përgjigjet japin hierarkinë e “hajdutëve” me në krye Ilir Beqjan, pasuar nga Erjon Veliaj, e me radhë, Adrian Çela, Taulant Balla dhe Vangjush Dako.

Gjatë prezantimit të draft-rezolutës për Shqipërinë në komisionin e punëve të jashtme të Parlamentit Europian  eurodeputeti Knut Fleckenstein  kërkoi nga Komisioni Europian të monitorojë zbatimin e ligjit të dekriminalizimit dhe reformës në drejtësi. Ai tha se zbatimi i reformave në Shqipëri nuk ka qenë në nivelin e dëshiruar dhe se reforma në drejtësi që pritet të aprovohet nga qeveria dhe opozita me ndihmën e Komisionit të Venecias dhe Këshillit të Europës do të monirotohet nga Komisioni Europian.

Kryeministri Edi Rama, deklaroi një ditë më parë në intervistën me Rudina Xhungën se reforma në drejtësi, kushtëzon koalicionin me Lëvizjen Socialiste për Integrim. “Me LSI jemi koalicion dhe kemi debate, kemi shumë gjëra që na dallojnë, se përndryshe do të ishim një parti. Në këtë koalicion nuk ka pasur asnjë pengesë për reformat e thella që kemi ndërmarrë. Nëse nuk miratojmë Reformën në Drejtësi ne ndahemi menjëherë me LSI-në”, u shpreh Rama.