irani

Irani deklaron se ka krijuar kapacitetet shkencore dhe teknologjike për prodhimin e raketave ndërkontinentale. Kjo është bërë e ditur nga drejtori i Përgjithshëm për Çështjet Politike në Ministrinë e Jashtme, Hamid Baeidinejad në faqen online “Basirat” e afiluar me Trupat e Gardës Islamike Revolucionare. “Fuqia jonë shkencore na ka krijuar mundësi për të prodhuar deri edhe raketa ndërkontinentale”, ka deklaruar ai. Baeidinejad ka shtuar se doktrina ushtarake iraniane është me natyrë mbrojtëse dhe ka për qëllim neutralizimin e kërcënimeve që vijnë nga jashtë.  

Drejtori i CIA-s, John Brenan, vizitoi këtë të premte Sarajevën, në një vizitë të panjoftuar më parë dhe në rrugën e kthimit nga Arabia Saudite. Nuk ka shpjegime zyrtare për arsyet e vizitës, por agjencia serbe e lajmeve, “B92” ka marrë mendimin e një eksperti të terrorizimit, Dzevad Galijasevic, sipas të cilit dy janë arsyet e ardhjes së Brenan në vendin ballkanik: “Arabia Saudite i ka dhënë Brenan të dhëna sekrete që flasin për rritjen e aktivitetit shumë negativ të Turqisë në Bosnje-Hercegovinë, parë nga këndvështrimi i sigurisë.

Irani i ka ofruar presidentit sirian, Bashar al Assad dhe familjes së tij, azil, por ai është refuzuar. Lajmi bëhet i ditur nga ministri iranian për Inteligjencën, Mahmoud Alavi, gjatë një interviste për televizionin libanez “al-Mayadeen”. “Presidenti sirian u informua për ofertën nga gjenerali Qasem Soleimani, komandanti i Forcave Quds të Gardës Islamike Revolucionare, por Assad e refuzoi ofertën, duke deklaruar se familja e tij është si ajo e pjesës tjetër të sirianëve dhe se ata do të qëndrojnë në Damask”, tha Alavi.

Për të katërtën herë dhe të fundit mbërriti në Riad të Arabisë Saudite, presidenti amerikan Barak Obama. Vizita vjen në një klimë mosbesimi mes dy vendeve aleate për shkak të qasjes së Shteteve të Bashkuara ndaj Iranit. Ndryshe nga vizitat e tjera presidenti Obama nuk u prit në aeroport nga mbreti i Arabisë, Selman dhe për të parën herë televizioni kombëtar nuk transmetoi live mbërritjen e kreut të Shtëpisë së Bardhë në aeroportin e Riadit.

Në Siri tanimë po diskutohet Al Nusra si fronti kryesor i kundërshtimit të pushtetit të Bashar al Assad. Së fundmi, ka raportime zyrtare se fronti në fjalë po synon të bllokojë qytetin e Halepit dhe mandej të ndërpresë rrugën mes tij dhe Damaskut, duke kthyer në zonë lufte të gjithë veriun e Sirisë. Në përpjekje për ta ndalur këtë gjë, forcat e Assad, që parashikohet të jenë tri herë më të mëdha në numër sesa ato të Al Nusra dhe do të asistohen në terren nga trupa ruse, trupa të Gardës Revolucionare Iraniane dhe milicisë shiite të Hezbollahut, kanë nisur ofensivën më 12 prill.

Me pantallona, xhaketë të gjatë deri në gjunjtë dhe shami. Irani bëhet sërish lajm me kërkesat për sjelljen e femrave dhe veshjen e tyre. Kësaj radhe kërkesa i shkon “Air France” dhe pikërisht për stafin e kompanisë, përfshirë stjuardesat. Në këtë çështje kanë lindur polemika, pasi stafi nuk ka ndërmend që të veshë një uniformë të imponuar nga Irani, me të cilin Franca rivendos lidhjen ajrore civile pas 8 muajsh. "Nuk duam polemika, nuk na takon ne të japim një gjykim mbi shaminë në Iran.

Irani ka nisur punën për ndërtimin e një kanali që do të lidhë Detin Kaspik me Gjirin Persik. Projekti mendohet të përmbyllet në vitin 2020 dhe ai do të kushtojë 7 miliardë dollarë. Projekti mendohet që të hapë rrugët edhe për Rusinë, një vend që ka probleme me Turqinë, rruga natyrore e lidhjes me Perëndimin dhe Jugun, por siç propagandojnë mediat shtetërore ruse, kanali rivalizon edhe kanalin e njohur të Suezit. Po këto media raportojnë se Perëndimi dhe Turqia i janë kundërvënë projektit në fjalë duke vendosur sanksione ndaj kompanive që janë përfshirë në projekt.

Eksperti gjermano-iranian Ali Sadrzadeh shpjegon pse Shtetet e Bashkuara duan t’i strehojnë muxhahedinët në Shqipëri dhe sqaron se çfarë’ fshihet pas grupit, sot aleat i SHBA, dikur në listën e terrorit? "Besoj se nuk do ishte e lehtë për amerikanët të gjenin një vend që do të pranonte njëherësh një grup prej disa mijëra vetësh, aleatë të dikurshëm të amerikanëve.

Vizita katër orëshe e John Kerryt në Tiranë, la pas një lajm të vetëm të trajtuar gjerësisht në mediat shqiptare dhe ato të huaja: Shqipëria do të pranojë edhe 2000 muxhahedinë të opozitës iraniane, ndonëse siç tha kryeministri shqiptar në prononcimin për shtyp “do t'i pranojmë por për këtë nuk folëm në bisedën me Sekretarin amerikan të Shtetit”. Vëmendja në këtë pikë dëshmon për atë se çfarë është realisht Lajm nga Shqipëria në ngjarje politike të këtij niveli. Të tjerat janë thjesht llogje të Tiranës politike.

Konflikti sirian është duke u shndërruar në një konflikt ku prakitkisht janë përfshirë disa fuqi. Pas deklarimeve se Arabia Saudite do të dërgojë forcat ajrore në Siri dhe lajmeve se Turqia bombardoi dje forcat siriane, një tjetër shtet po përgatitet të vendosë prezencën ushtarake në këtë vend. “Press Tv”, televizion shtetëror iranian, citon gjeneralin Farzad Esmaili, komandant i bazës së Khatam al-Anbiya, i cili gjatë një interviste të dhënë për agjencinë “Tasnim”, ka deklarua se “Nëse Damasku e kërkon ne do të mbrojmë hapësirën ajrore të Sirisë”.