bota

Studiuesit izraelitë po përqendrohen në një fenomen që dyshohet se është efekt anësor i vaksinës kundër Covid-19. Ajo që nisi si një raportim i grave të vaksinuara në rrjetet sociale, mori përmasa të tilla saqë një studim i ri do të duhet t’i japë përgjigje. Në shkurt, menjëherë pasi gratë në moshë për të lindur fëmijë filluan të marrin dozën e dytë, shumë prej tyre postuan në mediat sociale se po përjetonin ndryshime në ciklin menstrual menjëherë pas injeksionit, të tilla si parregullsi dhe gjakderdhje të shtuar. Gra të tjera raportuan se u ishte rikthyer cikli vite pas menopauzës.

Vendimi i Youtube për të mbyllur dy kanalet në gjuhën gjermane të RT, një media e financuar nga qeveria ruse, është kundërshtuar ashpër nga kjo e fundit. Përmes zëdhënëses së Ministrisë së Jashtme Maria Zakharova, Rusia denoncoi vendimin e YouTube, duke e cilësuar një “akt agresioni të paparë informacioni” dhe një “manifestim të dukshëm të censurës dhe shtypjes së lirisë së shprehjes”. Zakharova paralajmëroi si kundërpërgjigje mbylljen e mediave gjermane në Rusi.

Libri i ish-zëdhënëses së Shtëpisë së Bardhë, Stephanie Grisham, rikthen edhe njëherë debatin për raportin e veçantë të Trump me presidentin rus, Vladimir Putin.  “Ajo që pashë në Shtëpinë e Bardhë” është libri që pritet të dalë në treg më 5 tetor. Megjithatë, Washington Post ka publikuar disa nga detajet interesante.

Talibanët kanë miratuar përkohësisht një kushtetutë të vitit 1964, e cila u jep grave të drejtën e votës, por eliminon çdo element me të cilin ata nuk pajtohen. Vendimin e njoftoi ministri në detyrë i Drejtësisë.

"Emirati Islamik do të miratojë kushtetutën e kohës së ish-mbretit Mohammad Zahir Shah për një periudhë të përkohshme", tha Mawlavi Abdul Hakim Sharaee.

Një marrëveshje historike është cilësuar nge liderët e të dy vendeve ajo e nënshkruar mes Francës dhe Greqisë. Presidenti francez, Emmanuel Macron, dhe kryeministri grek, Kyriakos Mitsotakis, nënshkruan në Paris një marrëveshje në fushën e mbrojtjes, e cila forcon bashkëpunimin në fushën e sigurisë dhe ndihmon në ruajtjen e sovranitetit dhe integritetit territorial të të dy vendeve.

Sipas Macron, marrëveshja është një "një hap i parë i guximshëm drejt autonomisë strategjike evropiane".

Presidenti francez u bë sërish shënjestër e një protestuesi gjatë një panairi gastronomie në Lion, të hënën. Sipas Reuters, një burrë hodhi një vezë në drejtim të tij, duke bërtitur “Rroftë republika”. Agresori u arrestua menjëherë, ndërsa Macron shpëtoi pa u bërë pis nga veza, e cila, siç tregojnë pamjet e preku në zonën e qafës.

Macron po ndiqte një panair gastronomie, së bashku me ministrin e Bujqësisë Julien Denormandie, për të promovuar industrinë franceze të ushqimit dhe mikpritjes në qytetin jugor të Lionit.

Si politikani i parë që ka mundur Partinë në Drejtësi dhe Zhvillim (AKP) në garën për Bashkinë e Stambollit në vitin 2019, Ekrem Imamoglu është ndoshta figura më e debatuar e opozitës në Turqi. Kryetarja e Partisë së Mirë (IP), Meral Aksener, kohët e fundit e krahasoi atë me Mehmed Pushtuesin, duke ndezur polemika.

Ish-kryeministri italian, Mario Monti, i rikthehet krizës së euros dhe rolit të Angela Merkelit në zgjidhjen e saj. Në një intervistë për Corriere della Sera, Monti flet për angazhimin e hekurt politik të kancelares që drejtoi ekonominë më të madhe të Europës për 16 vjet, por edhe për pasiguritë për krizën e eurozonës dhe tolerancën e tepruar për autokratin Orban në Hungari.

Partia Social-Demokrate, SPD, e qendrës së majtë ka fituar zgjedhjet federale në Gjermani, duke lanë pas partinë e kancelares Merkel.

Sipas rezultateve paraprake, SPD e drejtuar nga Olaf Scholz, njëherësh zëvendës-kancelar në ikje dhe ministër i Financave, ka marrë 25.7 për qind të votave, ndërsa derisa blloku konservator i Merkelit, CDU/CSU, ka siguruar 24.1 për qind.

Kjo e bën të domosdoshëm një koalicion për qeverinë e re që do të drejtojë ekonominë më të madhe të Europës.

Zvicra bëhet shteti i radhës që do të legalizojë martesat gei. Referendumi i mbajtur sot tregoi se gati 2/3 e zviceranëve që shkuan në kutitë e votimit ishin pro martesave brenda të njëjtës gjini. Çiftet gei do të fitojnë edhe të drejtën për të birësuar fëmijë.

Sipas rezultateve zyrtare, 64.1% e votuesve votuan në favor të martesave të të njëjtit seks në referendumin mbarëkombëtar që u zhvillua nën sistemin e demokracisë direkte të Zvicrës.

Amnesty International e cilësoi këtë një "arritje për barazinë".