Blloku Ekonomi

Në një opinion publikuar në “Politico”, Eoin Drea, kërkues në “Ëilfried Martens Centre for European Studies”, vë në dukje se Irlanda është një vend që po luan Kalin e Trojës së Donald Trump  në Bashkimin Europian. Sipas tij, ndonëse vëmendjen kryesore e merr Hungaria, apo Gjermania me lëvizjet e djathta, në qendër të politikës amerikane për dominim global ka rol kryesor Irlanda.

Qeveria serbe ka njoftuar se brenda gjashtëmujorit të parë të këtij viti do të prezantojë një studim fizibiliteti mbi energjinë bërthamore në Serbi, studim i cili po realizohet nga firma franceze, “Egis”, që ka qenë e angazhuar më herët në rindërtimin e stacionit të trenit në Novi Sad, ku ndodhi aksidenti i famshëm me 15 viktima.

Lajmin e ka dhënë ministrja e Energjisë, Dubravka Djedovic Handanovic, ndërkohë që mbi përzgjedhjen e kompanisë franceze ka patur reagime.

Siria planifikon të printojë një monedhë të sapokrijuar në Emiratet e Bashkuara Arabe dhe Gjermani në vend të Rusisë, thanë tre burime, duke reflektuar përmirësimin e shpejtë të lidhjeve me shtetet arabe dhe perëndim

Kosova dhe Greqia kanë gjetur gjuhë të përbashkët komunikimi për sa i përket bashkëpunimit ekonomik. Në Selanik është pritur një delegacion nga biznesi Kosovar, i drejtuar nga Kreu i Dhomës së Tregtisë, Lulzim Rafuna.

Sipas këtij të fundit, eksportet greke zënë 5% të totalit të importeve të Kosovës dhe ka nënvizuar se Lojërat Mesdhetare 2030 në Prishtinë përfaqësojnë potencial të madh për biznesin grek, sidomos në infrastrukturë dhe zhvillimin e turizmit.

Qeveria franceze nuk është e gatshme që në këtë moment të marrëdhënieve me SHBA të negociojë një Marrëveshje të re Tregtare Transatlantike. “Politico” citon një zyrtar të Presidencës së Emmanuel Macron, ndërkohë që të premten e shkuar, ministri i Financave, Eric Lombard, hodhi idenë e një “marrëveshjeje origjinale të tregtisë së lirë si një synim afatgjatë”.

Qeveria franceze ka njoftuar se do të shkurtojë apo riorganizojë një të tretën e agjencive të veta brenda këtij viti në përpjekje për të ulur shpenzimet.

Një vëzhgim i realizuar nga Alpha Bank në Greqi mbi çmimet e pronave dhe qirave mbi to evidenton një lëvizje disproporocionale të tyre krahasuar me të ardhurat.

54% e të anketuarve e konsiderojnë blerjen e një shtëpie të pamundshme, 39% të vështirë, kurse 68% besojnë se qiratë nuk janë të përballueshme krahasur me rrogat.

52% e të pyeturve thonë se paguajnë më shumë se 30% të të ardhurave për qira, 54% deklarojnë se qiratë janë rritur në dy vitet e fundit.

Qeveria shqiptare po ecën përpara me ndërtimin e Aeroportit Ndërkombëtar të Vlorës pavarësisht rezistencës së ashpër nga banorët dhe kritikave nga Komisioni dhe Parlamenti Evropian. Projekti ka lidhje me Mynihun në Gjermani, pasi filiali i Munich Airport GmbH, Munich Airport International (MAI), është duke vepruar si këshilltar. Siç u njoftua në Këshillin Bashkiak të Mynihut të martën më 8 prill, Munich Airport International, do të tërhiqet

Sekretari i Thesarit në Britaninë e Madhe, Darren Jones është shprehur në një intervistë për BBC-në se globalizmi siç e kemi njohur deri më tani ka marrë fund.

Njerëzit duhet të përgatiten që gjërat të bëhen më të vështira në ekonominë globale. Globalizmi ka mbërritur në fund në kuadër të tarifave të reja. Është në interesin më të mirë të ekonomisë britanike dhe punëtorëve që të bëjnë atë që kërkohet.

ka thënë Jones.