Basha akordon 100 mijë euro për meremetimin e shtëpive të dëmtuara në Mitrovicë

Kryetari i Bashkisë së Tiranës, Lulzim Basha i ka akorduar komunës së Mitrovicës 100 mijë euro për meremetimin e shtëpive të dëmtuara gjatë luftës në veri të këtij qyteti. Kjo ndihmë do t’u shkojë të gjithë qytetarëve pa dallim përkatësie etnike. Shuma akordohet në kuadër të nismës “Ndihmo dhe Ti” dhe është përshëndetur nga kryetari i komunës së Mitrovicës, Avni Kastrati. “Kam kënaqësinë e veçantë që nëpërmjet të kësaj letre të shpreh falënderimin më të thellë për kontributin tuaj në aksionin humanitar “Ndihmo edhe Ti”, për rindërtimin e shtëpive të djegura nga lufta në pjesën veriore të Kosovës. Ju jeni bërë pjesë e rikthimit të jetës së banorëve shqiptarë në pjesën e atdheut tonë, të cilët u ndoqën gjatë dhe pas luftës nga trojet e tyre stërgjyshore, nën dhunën e falangave serbe, për çka u jemi mirënjohës për jetë të jetëve” thuhet në mesazhin e falënderimit.

s.z