Të Kripura

Kreu i PSD-së ka shkruar në formularin e dekriminalizimit se më parë quhej Sasha. 

Fatos Nano është vetëm një njeri, por në Facebook gjen me dhjetëra po të kërkosh. Në morinë e profileve që janë krijuar për ish-kryeministrin shqiptar, socialistin liberal, me siguri secili nga krijuesit e llogarive ka krijuar Fatos Nanon që pëlqen, mes tyre ndodhet edhe ai që fiton zgjedhjet e vitit 2005. Ky variant i Fatos Nanos fitimtar që nuk tërhiqet i jep oksigjen edhe nostalgjisë që shfaqet në një nga profilet Nano, ku postohet një foto e ish-kryeministrit me Sokol Olldashin.

Ish-kryeministri Sali Berisha duket se ka qëlluar në fole të mirë kësaj radhe me qytetarin dixhital. Dikush e ka njoftuar atë me foto, emra dhe pozicione, se disa qytetarë që kanë folur pro zgjedhjeve të 7 majit në Kavajë, në fakt janë nëpunës zyrash të zgjedhur nga PS-ja. Duke qenë se Berisha i hodhi në rrjet, këta u klasifikuan vetiu mes atyre “drejtorëve që të nxjerrin bojën”, siç u shprehur në epokën para Rilindje, kryeministri aktual. Nëse i besojmë Berishës fjala është për drejtor ujësjellësi, drejtor i Ndihmës Sociale, por edhe për një qytetar që nuk voton fare në Kavajë.

Pastrimet e mëdha që Edi Rama ndërmori në PS që nga koha kur mori drejtimin e saj, ka çuar në krijimin e një gjindjeje politike që duket se ka mbetur e papunë. Por politika është një aktivitet i fjalës dhe ndonëse përjashtimet apo anashkalimet janë pjesë e lojës, apo edhe e karrierës, fjala me synime politike nuk ndalet. Për vite të tëra ky grup përherë e në rritje që dikur i quanin xhaketa të vjetra, e që sot janë xhaketa firmato që vijnë vërdallë, shihej nga një intervistë në tjetrën, një herë me rolin e analistit, e diku tjetër në ndonjë ëorkshop.

Mund të kuptohet Ngjela, apo edhe vëllai i tij binjak, Zef Brozi. Por e kupton dot njeri vallë pse jep intervista, e ca më keq, pse intervistohet Topi, d.m.th ish-presidenti?