Shpipëri Hesapi

Ka një luftë mediatike që po zhvillohet mbi Shqipërinë, sidomos në mediat britanike. Gazeta “The Guardian” flet për shpalljen e lumit Vjosa parkë kombëtar, diçka që u pompua me të madhe nga kryeministri Edi Rama, qartazi në një përpjekje për lajme të mira nga vendit i tij i njollosur. “Spectator” dhe “Financial Times” flasin keq, nëse konsiderojmë keq zbardhjen e narko-realietit të Shqipërisë.

Shikoni lëmshin që ka krijuar Partia Demokratike. Ajo me vulë dhe ajo pa vulë. Sot është afati i fundit për regjistrimin në zgjedhje të saj. Komisioneri Shtetëror Ilirjan Celibashi, në dritën edhe të vendmit të fundit të Gjykatës së Apelit, deklaron se do të regjistrojë partinë e vulës meqenëse sipas tij, në kuptim të Ligjit, kryetar i PD-së figuron Lulzim Basha.

Në një intervistë për gazetën “Dita” intelektuali Pëllumb Xhufi, bën ndër të tjera edhe këtë lloj vëzhgimi:

Skulptori i Popullit Kristaq Rama ishte antipodi i pjellës së djallit, Sali Berishës. I pari ishte një qytetar i edukuar, i heshtur, human. Ishte aq modest, saqë ndryshe edhe nga i biri, gjatësinë trupore e përjetonte si barrë e tepri.

Veliaj: Asfaltohet “Rruga e Saraçëve”, bashkon Tiranën e vjetër me të renë!

Këtë titull e gjen në faqen kryesore online të Agjencisë Telegrafike Shqiptare. Nga pikëpamja gazetareske, “lajmi” ka interes lokal, madje më poshtë se aq. Interes “Lagjar”. Ndaj vendosja e tij në faqen kryesore të një agjencie shtetërore nuk ka shumë kuptim.

Qarkullon një video në media në të cilën presupozohet se një punonjës policie, officer, qëllon dhe dhunon një qytetar. Mediat kanë identifikuar emrat e personave dhe oficeri quhet Gjergji Riza.

Cilin arsyetim do ketë tani Çuçi i reformave dhe shumica e modernizimit të policisë që nuk dallon nga policia e Saliut, e Adilit, Ypit e me radhë. Një forcë së cilës nuk i iku njëherë të vetme krroma e uniformës, era e djersëve të thara dhe dhuna halldupe e gishtëtrashëve në seri që prodhon ky vend.

Protesta e opozitës po vihet në lojë, ajo madje po komentohet edhe si antihigjenike për qytetin, pa produkt politik dhe monotone. Meqë jemi këtu sjellim në kujtesë protestën e dikurshme të PS-së, në vitin 2010, kur bulevardi qendror i Tiranës u bllokua nga çadrat e një greve, zyrtarisht urie. E parë me sytë e tanishëm, greva e dikurshme të bën të kuptosh se ata heronj të atyre ditëve të lavdishme, i kishte bashkuar kauza e Shqipërisë që shohim sot. 

Edi Rama is at Kryeministria.

Kështu njoftohet në krye të një postimi të kryeministrit në Facebook. Kryeministria në këtë rast të çon te një faqe satirike dhe nuk dihet nëse kjo është gabim, apo e qëllimshme. Në fotoalbumin e shpërndarë me këtë rast shihen një grup fëmijësh që kanë vizituar selinë e qeverisë, por pa sqaruar se kush janë, nga vijnë e për çfarë.

Gazeta “Tema” përcjell sot një lajm disi ndryshe. Në Vlorë është protestuar pro qeverisë dhe kundër shoqatave ambientaliste që kundërshtojnë ndërtimin e aeroportit. Argumenti i dikujt që citohet pa emër, por që referohet si pjesë Unionit Turistik të Vlorës është karakterial:

Në radhët e protestuesve nuk ka asnjë protestues vlonjat, duke lënë qartazi të kuptohet se protestat ‘kryeqytetase’ nxiten nga qarqe të tjera ekonomike.

Në çfarë ngjyre jemi sot si vend ? Fjala është për ato ngjyrat që shenjojnë nivelin e krizës apo tensionit; portokalli, e kuqe, e verdhë, jeshile ?

Big Brother dha një martesë dhe një demonstrim emocional mbështetësish të paemër për atë që përfaqësojnë, në parlament se çfarë u bë se mori vesh njeri, kryeministri nuk ishte për interpelancë, ndërkohë që një e treta e opozitës donte mocion me debat.

Flitet se një ministre ka dhënë dorëheqje por nuk ia kanë miratuar.

Nga sot nis funksionimin Gjykata e re e Apelit e Juridiksionit të Përgjithshëm. E thënë thjesht: nis punën e vetmja Gjykatë Apeli në Shqipëri nga 6 që ishin. 
Disa shifra: 10 trupa gjykuese, 60 mijë dosje në rang vendi, 4 salla gjyqi. 
Ndërkohë që në Gjykatën e Lartë raportohet se deri më tani po ezaurohet shqyrtimi I dosjeve të vitit 2016.